Hayotiy bari...✨


Kanal geosi va tili: O‘zbekiston, O‘zbekcha
Toifa: Bloglar


بسم الله الرحمن الرحيم...🍃
Mehribon va Rahmli Alloh nomi bilan boshlayman...🌸
Hayot qiziq-a?
Ba'zida xohlagan narsangdan boshqa hamma narsaga erishasan...
Aloqa uchun : @Hayotiy_baribot 💬

Связанные каналы

Kanal geosi va tili
O‘zbekiston, O‘zbekcha
Toifa
Bloglar
Statistika
Postlar filtri


Darajamiz haqida...


Инсонга баҳо беришга ҳеч ҳам шошилманг. Сиз писанд қилмаган инсон аслида сиздан ҳам ҳар томонлама етук, сизнинг тасаввурингиздан ҳам аъло даражада бўлиши мумкин.


Ҳамма учун яхши бўлаолмайсан!


Абдулла Орипов

ИБЛИС

Обрў керак бўлар иблисларга ҳам,
Уларга ҳам довруқ, шон-шуҳрат даркор.
Бир куни осмондан Иблиси Олам
Ерга тушмоқликни қилди ихтиёр.
Гўзал либосларни танлади роса,
Кўрган-билганларин йиғди кўписин,
Аввал ўзбеклардан олди андоза,
Яъни кийиб олди тўн ва дўпписин.
Бошдан бозорларга кирди у атай,
Турфа жамоага келай деб тўқнаш.
Боқса — ҳар каллада дўппи ўшандай,
Кийган тўнлари ҳам бир хилда, ўхшаш,
Қайтиб кетди Иблис фалакка дилгир,
Ўзин оқламади дўппию чопон.
Эътибор қилмади ҳеч кимса ахир,
Кайрилиб боқмади ҳеч битта инсон.
Иблис бошқа фириб қўллади энди,
Танлади Кавказнинг попоқ бўркини,
Келиб чўпонларнинг ёнига қўнди,
Кўз-кўз қилганича қомат, кўркини.
Чўпонлар Иблисни олди ўртага,
Дедилар: — Миллатинг надир, эй қўноқ.
Аслингни яширсанг агар жўрттага,
Ўзингдан кўргайсан, билиб қўй, бироқ.
Иблис шоша-пиша учди осмонга,
Гангиб қолган эди шўрликнинг боши.
Назар солди обдон барча томонга,
Деди: ҳиндуларнинг бўлай йўлдоши!
Белида лунгию оёқда сандал,
Ҳинду тупроғига Иблис қўнди жим.
Кимлардир бепарво, кимлардир танбал,
Иззат кўрсатмади хулласки ҳеч ким.
Иблис қарғай кетди касби-корини,
Ахир бу хўрликка борми ниҳоя.
Кимдир эшитгандай оҳу зорини,
Бошига ярқ этиб келди бир ғоя.
Бежирим шляпа кийди у дарҳол.
Сержун гарданига илди бўйинбоғ,
Камзулу шимига юргизди дазмол,
Зарҳал кўзойнақдан кўнгли эди тоғ.
Дуч келган манзилга шўнғиди энди,
Во ажаб! Бу не ҳол! Бу не каромат?
Уни кўрган заҳот шовқинлар тинди,
Юришиб кетди-ку ишлар аломат.
Иблисни раҳбар деб қарши олдилар.
Балки сийладилар ундан ҳам ортиқ,
Пойига ипакдан палак солдилар,
Сўнг юксак бир тахтни этдилар тортиқ.
Ҳиндию ўзбек, рус, булғору кавказ,
Барчаси саломга келди дафъатан.
Иблис жами халққа гўё беғараз,
Бепоён заминни айлади ватан.
Ҳукму фармонини юргизар пинҳон,
Қошу қабоғига кекса-ёш қарар.
Эзгулик ғафлатда қолгани замон,
Одамлар ҳаётин Иблис бошқарар.

✍️1990

👉Obuna Bo'ling...⤵️
    
@Hayotiy_bari ♥️


Гоҳида яқин кишингиз ҳам ўз манфаати йўлида хиёнат қилиб қолади.

Mubashshir Ahmad

👉Obuna Bo'ling...⤵️
    
@Hayotiy_bari ♥️


iYumor 81± dan repost
Hindistonda sigirni muqaddas bilishadi. Unga zarar berish qonunan taqiqlanadi lekin uni sogʻish, aravaga qoʻshish va minish mumkin

Bizning taʼlim tizimidagi mahalliy boshliqlar ham oʻqituvchilarni shunaqa koʻradi
🤮

@Intellektual_yumor 👈


Умр ҳақида

Габриэль Гарсиа Маркес:

- 15 ёшда англадимки, яхши нарсаларни кўпроқ оналар билишади, баъзида эса оталар.
- 20 ёшда англадимки, эгри ишнинг ҳеч қандай нафи йўқ, у ҳатто ўта моҳирлик билан бажарилган бўлса ҳам.
- 25 ёшда англадимки, бола онани саккиз соатлик кундуздан, отани эса саккиз соатлик кечадан маҳрум қиларкан.
- 30 ёшда англадимки, эркакнинг жозибаси кучида, аёлнинг кучи эса жозибасидадир.
- 35 ёшда англадимки, келажак – инсонга мерос қоладиган нарса эмас, балки ўзи яратадиган нарса.
- 40 ёшда англадимки, бахтиёр яшаш сири ўзинг севган ишинг билан шуғулланишда эмас, балки қилаётган ишингни севишдадир.
- 45 ёшда англадимки, инсон ҳаётининг 10 фоизи бошига тушган балолардан, 90 фоизи эса уларга бўлган муносабатдан иборат.
- 50 ёшда англадимки, китоб – инсоннинг энг яқин дўсти, кўр-кўрона тақлид эса энг ашаддий душманидир.
- 55 ёшда англадимки, кичик қарорлар мия билан қабул қилинади, катта қарорлар эса юрак билан.
- 60 ёшда англадимки, севгисиз қурбонлик бўлиши мумкин, лекин қурбонликсиз севги бўлмайди.
- 65 ёшда англадимки, инсон ҳаётдан завқ олиши учун керакли нарсадан ташқари ўзи хоҳлаганини ҳам ейиши керак.
- 70 ёшда англадимки, ҳаётдаги энг муҳим нарса қўлингизда яхши карталар бўлиши эмас, балки ёмон карталар бўлатуриб яхши ўйнай олишингиздир.
- 75 ёшда англадимки, инсон ўзини комил ҳисобламагунча ҳаракатда давом этади, ўзини комил санаган заҳоти эса ҳаракатдан тўхтайди.
- 80 ёшда англадимки, севиш ва севилиш дунёдаги энг тотли лаззатдир.
- 85 ёшда  англадимки, ҳаёт ҳақиқатан гўзал.

Раҳмат Бобожон таржимаси

👉Obuna Bo'ling...⤵️
    
@Hayotiy_bari ♥️


ИККИНЧИ ХОТИНГА ОШИҚМАНГ...

Ўзингизни олдингиздаги кўзмунчоқни эҳтиёт қилинг...
Унинг қайсидир характери ёқмаса балки ўзингизни ўзгартирарсиз
Дўстим ёш бўлишига қарамасдан уйланди.. Табиийки жуда ёш қизга уйланди. Қизнинг оила тутимида тажрибасизлиги бу аниқ холат менимча. Лекин бу холатга қайнота қайнонаси дакки орқали жавоб берарди. Онасига ёқмаган келиндан ёш дўстимнинг хам кўнгли совиб борди. Бир куни хотинининг номерига уни аввал яхши кўрган йигитдан "СМС" келди.
Сени соғиндим. Эринг билан ажрашгин. Сени ўз никохимга оламан.
Қалтираб қолган келин нима қилишни билмай "Смс"ни эрига кўрсатади. Ёш куёв буни ёмон тарафига олиб келинни хиёнатда айблади, ҳайдаб юборди. Бу ходиса куёвнинг онасига қул келиб ўғлини ўзи тенги қизга уйлантирди. Янги келин жуда тажрибали чиқди. Хамма юмушларни бажариб хиёнатга хам улгирди. Айёр. Эри йўқ пайтида телефонда сухбатлашар ва келган смсларни ўчиришни қойиллатарди. Бу холни ўзи ва ўйнашидан бошқа хечким билмасди. Онамникига кетяпман деб жазмани билан учрашиб келарди. "Қингир ишнинг қийиғи, қирқ йилда хам чиқади" деганларидек одамлар буни пайқашиб қолди. Дўстларини гапига ишонмаган куёв, қўшнилари гапига ишонмаган қайнона одамларни "кўролмасликда" айбладилар.
Охири дўстларини маслахати билан куёв билдирмасдан келиннинг телефонига "Запись вызовов" программасини ўрнаштириб, программани "Скрыт" қилиб қўйди. Келин узоқ куттирмади. Эртаси куни синовдан ўтолмади. Аллох хиёнат деб тухмат қилган инсонга хақиқий хиёнатни рўбаро қилди. Ўз қилмишидан пушаймон бўлган куёв ўзининг биринчи хотинидан тиз чўкиб кечирим сўраб, ялиниб ёлворди. Ота онаси бошида роса қаршилик қилишди келин тараф. Лекин махалла оқсоқоллари аралашгач юзи ёруғ бўлганидан кейин рози бўлишди. Хозир бир ширинтойни тарбия қилишмоқда. Азизларим олдингиздаги Аёлни қадрланг. Қолгани сиздан фақат фойдаланишни кўзлайди.

👉Obuna Bo'ling...⤵️
    
@Hayotiy_bari ♥️


Қарз

Тўсатдан келган мусибат ҳаммани саросимага солиб қўйди. Айниқса, жигарларини. Ёлғизгина сингил бўзлаб йиғлади. Ҳолидан хабар олиб тургувчи меҳрибони тўсатдан вафот этди. Ҳеч қачон бирор жойидан шикоят қилмаган, доим шошиб юрадиган, ишбилармон, бойвачча, сахий укаларининг айни қирққа тўлганда дунёдан кўз юмиши акаларига оғир зарба бўлди.

Инсон ўз номи билан унитувчи. Ҳамма нарсага кўнади. Фотиҳага келиб кетувчилар камайиб қолди. Ҳа деса, ўзидан кетиб қолаётган хотини ҳам, "дадам" лаб ҳамманинг юрак-бағрини эзган болалари ҳам мусибатга кўнгандек ҳовлида ғимирлаб юрар эдилар. Йўлакка териб қўйилган стулларда қатор ўтирган акалар ҳам одамлар камайгач, энди тин олаётган эдилар.

—Ака, Муҳиддин тушимга кирибди деди,— иккинчи ўғил. Ака, қарзим бор, тўлаб қўйинглар, савол-жавобдан ўтолмаяпман,—деяпти, —ўйчан давом этди Шарофиддин.
—Тушга нималар кирмайди, —домла сўраганда ҳеч ким индамади-ку, ўзига тўқ бўлса, кимдан ҳам қарз оларди, —овутган бўлди акаси Шаҳобиддин.

Аммо бу мавзу ёпилмади. Марҳум эртасига катта аканинг тушига кириб, қандайдир қарз ҳақида гапирибди, кейин  ўғлининг тушига кирибди. Амаки тоғаларга маслаҳат солинди. Муҳиддин кимдан қарз бўлиши мумкинлигини тахмин қилиб кўрдилар. Ҳамкорликда ишлаган банклар суриштирилди. Ҳаммаси жойида. Бир тийин қарзи йўқ. Ошна-оғайнилар суриштирилди, бу орада энг кичик ака ҳам шу тушни кўрди.

Пайшанба куни уч ўғил ва ёлғиз қиз ўзлари марҳумнинг хонадонига йиғилдилар. Қуръон тиловатидан сўнг  Нодира акасини эслаб, кўзига ёш олди.
—Акам жудаям яхши одам эдилар. Вафотларидан уч кун олдин ҳам менга кўйлак олиб берувдилар. "Қайнэгачим қиз чиқаряпти", десам, "Мани синглим энг чиройли кўйлак кийиши керак", деб  дўконга олиб кирдилар. Кўйлак бир миллион саккиз юз минг экан, акам 150 доллар  тўлаб, қолганини сўмда тўламоқчи эдилар, ёнларида ўзбек пули йўқ экан, шундоқ одам, икки юз минг сўмни қарзга ёздириб қўйдилар. Шунисини ўзим берай десам ҳам рухсат бермадилар. Оҳ, акам-а, жигарим-а, гўрингиз нурга тўлсин..
Ака-укалар бир-бирига қараб қолдилар.
—Ўша кўйлакни қаердан олгандинг? Баравар сўради улар.
Кийим дўконга бирга бордилар. Сотувчи аёл Муҳиддиннинг вафотини эшитган, пулдан умидини узган экан...

Жигарининг қарзини тўлаб чиқар эканлар дунёнинг омонат эканлигини, бировнинг бир сўм пули ҳам қарз эканлигини ўйлаб, ўзи учун арзимас кўринган, аммо  кимдандир олиб, қайтарилмаган омонатлари ҳақида ўйга чўмиб бормоқда эдилар.

Феруза Салходжаева

👉Obuna Bo'ling...⤵️
    
@Hayotiy_bari ♥️


"Bosqinchilar madaniyati".

Vataniga bostirib kelgan rus generali bilan uchrashuv chog‘ida Imom Shomil undan so‘radi:
Bizning yurtga nima sababdan bostirib keldilaring, sizlarga nima kerak ?

Biz o‘zimizning yuksak madaniyat va taraqqiyotimizni siz yovvoyilarga o‘rgatish uchun keldik.

Shunda Imom Shomil ortida turgan musulmon askarlardan birini oldiga chorlab, poyafzalini yechib ko‘rsatishni buyurdi. Uning oyog‘i toza poytavaga o‘ralgan, besh vaqt namoz uchun tahoratda muntazam yuvib turilgani sababli ozoda, hidlanmagan edi.

So‘ng imom rus askarlaridan birini chaqirtirib, uning ham oyog‘ini yechib ko‘rsatishini so‘radi. Rus askarining oyog‘i kirlanib ketgan, hidi esa chidab bo‘lmas darajaga edi.

Shunda Imom Shomil rus generaliga yuzlanib: “Sizlar olib kelmoqchi bo‘lgan yuksak taraqqiyot shumidi, bizga shunday madaniyatni keltirmoqchimisizlar” dedi.

👉Obuna Bo'ling...⤵️
    
@Hayotiy_bari ♥️


BIRGALIKDA JO'R BO'LIB AYTAMIZ, QANI BOSHLADIK...
(Fon bilan o'qing)

Navro‘z kelibon jumlai jahon
Nozlana, nozlana, nozlanajakdir,
Oftob qizitib, asta-sekin
Yozlana, Yozlana, yozlanajakdir.

Yashnar tabiat, dashtu adir lola ichida,
Yurtim – chamanim
Ozgacha, ozgacha pardozlanajakdir.

Qaynar sumalak, qaynar sumalak,
Varrak uchar, to‘yu tomosha.
Dillar quvonib, dillar quvonib,
Shodlana, shodlana, parvozlanajakdir.

Navro‘z kelibon jumlai jahon
Nozlana, nozlana, nozlanajakdir,
Oftob qizitib, asta-sekin
Yozlana, Yozlana, yozlanajakdir.

Javlon uradi davra qurib bizning yigitlar,
Qizlar bezanib,
Nozlana, nozlana, mumtozlanajakdir.

Qaynar sumalak, qaynar sumalak,
Varrak uchar, to‘yu tomosha.
Dillar quvonib, dillar quvonib,
Shodlana, shodlana, parvozlanajakdir.


Бир бўйдоқ сўради: Уйлансам хотиним билан шундай яшайки, жанжалга сабаб қолмасин. Шундай яшаш учун нима қилай?

Мен дедим:
- Уй ишларида ёрдам сўрамасдан олдин ўзинг ёрдам берасан
- Уйдаги харажат тугади демасдан олдин ўзинг тўлдириб қўясан. Музлатгич доим тўла туради
- Шахсий эҳтиёжига пул сўрамай туриб ўзинг берасан
- Отасиникига боришга рухсат сўрамай туриб ўзинг эслатасан
- Кечаси боланг йиғласа ўзинг билиб туриб қарайсан
- Тез-тез уйда овқат қилиб турасан. Қурбинг етса ташқаридан олиб келасан
- Тўшак масаласида зўравонлик, уни айбдор ҳис қилдириш ёки мажбурлигини эслатиш орқали эмас балки гўзал тарғиб ила бажарасан. Худди бегона аёлни ўрамоқчидек муомала қиласан.
- Унинг лаззатланишини ўзингникидан устун қўясан
- Йўқ деган сўзни камдан-кам ишлатасан
- Илм олишига шароит қилиб берасан
- Шуларнинг ҳаммасидан кейин ҳам ношукрлик кўрсатса сабр қиласан)))

Фаизиддин Мўмин

👉Obuna Bo'ling...⤵️
    
@Hayotiy_bari ♥️


Hayotiy bari...✨ dan repost
#Mulohaza

- Dunyodagi hamma onalar “Bolam ortimda qolsin, men oldin ketay”, deydi. Men esa bolam ortimda qolib, oʻzim oldin ketishdan qoʻrqaman...

©(Nogiron bolasi bor onaning aytganlari)


@Hayotiy_bari |❤️


Maqsudjon Ganiyev dan repost
Video oldindan ko‘rish uchun mavjud emas
Telegram'da ko‘rish
La'natlangan Orol (2010) [O'zbek tilida, 1080]

Leanardo Dikaprioning eng yaxshi kinolaridan biri, bu kinoni ko'pchilik bir ko'rishda tushunmagan, kino syujeti ham dastlab tushunarsiz tuyuladi, shunga ko'pchilikka buni ikki marta ko'radigan kino sifatida tavsiya qilaman. Qanchalik e'tiborli bo'lsangiz ham ba'zi bir epizodlarga boshida tushunmaysiz, shuning uchun bugun ikki marta ko'rvorishli kino tavsiya qildim.


Do'stlaringizga ulashing⤵️
@Maqsudjon_Ganiyev |⚡️


👉Obuna Bo'ling...⤵️
    
@Hayotiy_bari ♥️


ㅤㅤㅤㅤㅤㅤㅤㅤ dan repost
Tuygʻular eskirmaydi.


ЎЙЛАГАН манзилига
етмайди.
ЮГУРГАН ҳам манзилига етмайди.
ЮГУРИБ ЎЙЛАГАН манзилига кеч етади.
ЎЙЛАБ ЮГУРГАН эса ҳаммадан тез етади.


Video oldindan ko‘rish uchun mavjud emas
Telegram'da ko‘rish
Ассалому алайкум ва роҳматуллоҳи  ва барокатуҳ!

Аллоҳ насиб этган яна бир беғубор тонг муборак бўлсин!

Ушбу тонгда қилган барча орзу-ниятларингиз ва эзгу тилакларингиз ижобат бўлсин!

Феълингизни кенглиги, назарингиз тўқлиги нур бўлиб чеҳрангизга файз баҳшида этсин. Бу дунёда ҳар бир қадамимиз синов, ҳар бир кўрганимиз сабоқ эканлиги  англаб туриш туйғусидан , улардан ўзимизни юксалтирадиган хулосалар чиқариш идрокидан бенасиб этмасин!

Бу куннинг файзи ва барокати ҳамрохингиз бўлсин, қадрдон!

👉Obuna Bo'ling...⤵️
    
@Hayotiy_bari ♥️


Video oldindan ko‘rish uchun mavjud emas
Telegram'da ko‘rish
"Рўзадорлиги чиндан эсидан чиқиб, сув ичиб қўйса ёки таом еб қўйса ҳам рўза бузилмайди..." ✨🌙

⚡️Отабек Мамадиев - Фатво маркази бош мутахассиси

Видеони яқинларингизга юбориб қўйинг!

👉Obuna Bo'ling...⤵️
    
@Hayotiy_bari ♥️


Baxt nima?

Ro'za tutganmisiz?
Baxt - iftorlikdagi bir qultum suv.

Samalyotda uchganmisiz?
Baxt - yerga qo'nish.

Qo'lingizga tikan kirib, lo'qillatib og'ritganmi?
Baxt - o'sha tikanning chiqib ketishi.

Saratondagi yomg'irni kuzatganmisiz?
Baxt - o'sha yomg'irda yerdan ko'tarilgan hovur, hid.

Ikki daqiqa yog'ib, so'ng erib yo'q bo'lgan qorni ko'rganmisiz?
Baxt - o'sha ikki daqiqa.

Yillab kutganmisiz kimnidir?
Baxt - o'sha kutilganning quchog'iga kirish.

Ukangiz bormi?
Baxt - o'sha ukaning bo'yningizdan quchoqlab, yuzingizdan o'pishi.

Kun bilan tun oralig'idagi soniyalarni ko'rganmisiz?
Baxt - o'sha shafaqning alvon rangi.

Harbiy hizmatdan xat olganmisiz?
Baxt - o'sha xatga munosiblik

Sizga deb kimdir she'r yozganmi?
Baxt - o'sha she'r.

Sochingizni tortib yig'latgan sinfdoshingizdan "meni kechir" deb yozilgan qog'ozcha olganmisiz?
Baxt - o'sha ikki qator so'z.

Sizni tarafingizni olib o'qituvchidan gap eshitib jim turgan sinfdoshingiz bo'lganmi?
Baxt - o'sha jimlik.

Sizni deb kimdir mushtlashganmi?
Baxt - o'sha yuzdan sirqiragan qon.

O'zingizdan tonib kimnidir sevganmisiz?
Baxt - o'sha tonmoq.

Sevganizni to'yida baxt tilaganmisiz?
Baxt - o'sha tilamoq.

Kimningdir ko'zlarida o'zingizni ko'rganchalik sevilganmisiz?
Baxt - o'sha ko'zlardagi aksingiz.

Uxlashdan oldin xayrli tun tilaydigan kishingiz bormi?
Baxt - o‘sha kishingizga xayrli tong deyishingiz
.

Obuna Bo'ling...⤵️
@Hayotiy_bari ♥️

20 ta oxirgi post ko‘rsatilgan.