Gulruxbonu Shokirova | Young Diplomat

- 🇺🇸AQSHda magistraturani o'qish uchun Fulbright Foreign Student dasturi

Dastur magistraturani AQSHda deyarli barcha sohalar boʻyicha toʻliq grant asosida oʻqish imkonini beradi.

Kimlar ariza topshira oladi?

Ingliz tilini yetarli darajada biluvchi, kamida bakalavrlik diplomi va 2 yillik ish tajribasiga ega nomzodlar ariza topshirishi mumkin.

Dastur imkoniyatlari:
– O’qish to’lovi va boshqa barcha to’lovlar to’liq qoplanadi.
– Oylik stipendiya beriladi.
– Talabalar tibbiy sug’urtalanadi.
– J-1 vizasini olishda yordam koʻrsatiladi.
– Kitob va boshqa o’quv qurollari uchun mablag’ ajratiladi.
– AQSHga borish va qaytish uchun aviachipta taʼminlanadi.

Arizalar 2025-yil 25-maygacha qabul qilinadi.

Hujjat topshirish uchun link 📂

@Gulrukhbonu_official

- Yil sarhisobi - 2024

Yil boshi HPAIR’24 xalqaro dasturi doirasida Harvard universitetiga taklif xati olish bilan boshlandi. Scholarship orqali bu dasturda ishtirok etdim.

AQSHga sayohat bilan boshlangan yilim, eng katta orzuyim Harvardda bo’lish-u, Harry Potter pavilioniga tashrifgacha o’z ichiga oldi. Juda ko’p yangi do’stlar orttirdim. Doim orzu qilgan qish faslida Miami plyajlarida dam oldim. AQSHda o’z uyidan joy bergan hamma yaqinlarimga yana bir marotaba rahmat❤️

Ish faoliyatim esa xususiy kompaniyadan boshlanib to Prezident huzuridagi agentlikgacha cho’zildi. Prezident administratsiyasi jamoasida juda kuchli insonlardan saboq oldim. Sizlar bilan bir safda ishlaganim, o’rganganlarimni endi qo’llash qoldi.

Ota-onamni necha yillardan buyon dam olishga yuborishni xohlardim, ularga Dubayga bo’lsa ham unutilmas sayohat sovg’a qila oldim, degan umiddaman.

Yaqindagina grantga kirdim, deb quvonib yurgan 4 yillik jonajon JIDUni “qizil”ga tamomlab, magistraturani ham boshlab oldim. Qiyin, ammo bir kun o’zini oqlashiga ishonaman.

IELTS sertifikatimni yangiladim.

Xalqaro dasturlarga hujjat tayyorlashni o’rgatuvchi mualliflik kursimda 200 ga yaqin qizlarga ta’lim berdim.

AQSH elchixonasining NOMAD va boshqa alumnilar uchun tashkil qilingan dasturlarida qatnashdim. YPIP dasturi doirasida “speech” ham qilishga ulgurdim.

Ilk katta ilmiy ishim - diplom ishim ustida ishladim, 92 ballga himoya qildim. Buni nishonlab Antalyada dam olib qaytdim)

Umr yo’ldoshim, siz bu yilimda eng baxtlisi bo’lishimga sababchi bo’ldingiz, uzoq kutilgan yilimiz bo’ldi. Doim ishonib, qo’llab-quvvatlaganingiz uchun rahmat.

Shu bilan mening bu yilim yakunlangan edi)

2022-yil sarhisobi va 2023-yil sarhisobini bu linklarda o’qing.

@Gulrukhbonu_official

- Yangi pozitsiyalar qo’shildimi yoki kamaydimi?

Avval talaba va farzand edim. Oxirgi 4 oyda esa bularga rafiqalik, kelinlik kabi yangi pozitsiyalar qo’shildi. Ta’limimda yangi bosqich - magistratura boshlandi. Moslashishga vaqt kerak bo’ldi.

Yoshimiz o’tgan sari bizga yangi pozitsiyalar qo’shilib borar ekan. Ularni qabul qilib, bor 24 soatimizni endi qayta taqsimlab olish kerak. Hech bir pozitsiyadan ayrilishni xohlamasak, albatta.

Lekin, siz orqaga ketayotgan bo’lsangiz sizda pozitsiyalar kamayadi. Masalan, universitetni yakunlaysiz va hech qayerga ishga ham o’qishga ham kirmaysiz. Bunga moslashish ancha oson, biroq salbiy ta’siri keyin seziladi.

Kanalga yuborilishi kerak postlar bir dunyo)

Kirib kelgan Ramazon oyi muborak!

@Gulrukhbonu_official

- Hozirgina kirib kelgan yangi 2025-yil barchamizga muborak bo’lsin!❄️

Eski yilda ushalmagan maqsadlaringiz bu yilda albatta, ro’yobga chiqsin. Gulruxbonudan doimgidek yil sarhisobini kuting. Sizni bir dunyo postlar kutmoqda)

@Gulrukhbonu_official

- O’zimizda magistratura

Birinchi aytadiganim magistratura o’qish bakalavrdan ancha yengil. Darslar soati kam, man 1 yillik magistratura o’qiyotganimga ko’proq, lekin shu ham bakalavrdan ancha kam.

Bakalavr tamomlagan universitetimda yana o’qiyotganimgami, yoki boshqalardayam shunaqami, 2ta fanim takrorlanyabti. Ustozi ham, fan nomi ham, hatto, dars rejasi va prezentatsiyasigacha deyarli bir xil.

Ustozlar talabalarni ancha ko’proq hurmat qiladi. Katta insonligizni his qilasiz))

Kursdoshlarni deyarli barchasini oilasi va doimiy ishi bor. O’zaro suhbatlar ancha ma’noli.

Bakalavrda guruhda 3ta qiz edik, 18ta yigitlar. Magistraturada buni aksi, qizlarga tekinligi uchun, albatta.

Bakalavrdan ko’ra ancha zerikarli, yangi narsani qabul qilish qobiliyati oldingidan pasayganini his qildim. Vazifalar deyarli yo’q.

Umuman olganda, maslahatim magistraturani chetda qiling, yoki o’zingiz o’qigan universitetda qilmang. Albatta, ilmiy ishingiz faqat siz o’qigan OTMgagina aloqador bo’lmasa.

Ustozimdan magistratura nega kerak deganimda, faqat “networking” uchun degandilar. Haq ekanlar)

@Gulrukhbonu_official

🇺🇸15-17 yoshli qizlar uchun AQSHda 4 haftalik TechGirls yozgi oromgohi

Bu dastur 15-17 yoshli qizlarga moʻljallangan boʻlib, ishtirokchilar AQSHdagi 4 haftalik taʼlim oromgohida qatnashadi (ingliz tilida).

Dasturning moddiy imtiyozlari:
– Viza toʻlovi qoplanadi.
– AQSHga borish-kelish aviachiptasi olib beriladi.
– Bepul turar joy va oziq-ovqat taʼminlanadi.
– Dastur tadbirlariga qatnash uchun mahalliy transport taʼminalandi.
– Favqulodda tibbiy sugʻurta xarajati qoplanadi.

Arizalar 2024-yil 6-dekabrgacha qabul qilinadi.

Hujjat topshirish uchun link🔗

@Gulrukhbonu_official

- Hech narsa qilmaslik charchatadi

Bugun bir narsani tushunib yetdim, ko’proq ish va vazifalarni qilayotganimiz bizni charchatmaydi. Bizni ko’p ishlarimiz borligini o’ylash charchatadi.

Doim hayolimda qilishim kerak ishlarni o’ylab, rejalashtirib, bloknotimga yozib-chizib yuraman. Lekin, shu qilishim kerakligi meni charchatadi.

Agar shuni boshlab olsam, tezda bitadi, keyingi qadamlar ko’rinadi. Stressga tushmayman, hayollarim bo’shaydi, charchamayman.

Nimadir qilishingingiz kerakmi, shuni mukammal qilishim kerak, o’ylashim kerak, qilishim kerak, deb yurmang. Bu ko’proq charchatadi. Shunchaki, aniq vaqtni belgilang va shu vaqtda boshlang, o’zingizni qiynamang🙌🏻

@Gulrukhbonu_official

🇺🇸Global UGRAD dasturiga qabul boshlandi!

Global UGRAD dasturi bakalavriat talabalariga 1 semestr davomida AQSHda toʻliq grant asosida oʻqish imkonini beradi.

Bakalavrning 1-2-3-kurs talabalari hujjat topshira oladi. Ingliz tilini yaxshi bilishi shart.

1-bosqich: Online hujjat topshirish(2ta essay yoziladi);
2-bosqich: Ingliz tilida interview;
3-bosqich: TOEFL imtihonini topshirish;

Arizalar 2024-yil 15-dekabrgacha qabul qilinadi.

Hujjat topshirish uchun link

@Gulrukhbonu_official

- Qiymatni siz yaratasiz

Hamma narsa faqatgina biz unga bergan qiymatga ega. Har qanday holatda shu formula ishlaydi. Biron ishga siz qancha qiymat bersangiz u sizga shuncha qiymat qaytaradi.

Yuzaki qaragan narsalaringizdan siz ham yuzaki natija olasiz, yoki umuman olmaysiz. Ko’proq vaqt ajratgan, ko’proq ‘effort’ bergan narsangizdan doim kattaroq natija olasiz.

Biron dasturda ishtirok etyabsiz, o’sha dasturga qanchalik qiziqsangiz, berilgan topshiriqlarni qanchalik e’tibor bilan qilsangiz, bu dastur sizni o’zgartira yoki yaxshi versiyangizga yaqinlashtira oladi.

Inson ko’proq qiymat bergan fanini yaxshi ko’radi, yoki yaxshi ko’rgan faniga ko’proq qiymat beradi. Bir xil. Muhimi natija olmayotgan narsangizga yetarlicha qiymat bermayabsiz.

Xalqaro dasturlarni yutishda ham, ‘application’ ga bergan qiymatingiz baholanadi.

@Gulrukhbonu_official

- Shu dasturga oid tajribamni bo’lishyabman!

😌Bu dasturni 2023-yilda g’olibi bo’lib, tamomlaganman.

Demak, bu dasturga OTMlarning 3-4-kurs talabalari topshira oladi. Ingliz tilini bilishingiz shart.

Online portal orqali o’zingiz haqingizdagi ma’lumotlarni kiritgach, motivational letter va recommendation lettetlarni yuklaysiz.

Qaysi sohada stajirovka qilmoqchiligingizni ham tanlaysiz. Bu stajirovka dasturi, shunday ekan ko’proq professional tajribangiz, universitetda olgan nazariyani endi amaliyot bilan mustahkamlashingizga urg’u bering.

Hujjatlar ko’rib chiqilib, saralanganlar uchun intervyu tashkil qilinadi. Birinchi intervyuni aynan Amerika Konsulligi xodimlari oladi, bunda sizning bu dasturga loyiqligingiz, tajribangiz, bilimingiz va personalityingizni oid savollar beriladi. Masalan, sizga biriktirilgan rahbar sizga vaqt ajratmasa nima qilgan bo’larding, deb so’ragandi mendan.

Birinchi intervyudan o’tsangiz, sizni aynan sizga ish beruvchi kompaniya bilan intervyu kutadi. Ikkinchi intervyuda sizdan faqat pozitsiyaga loyiq yoki loyiqmasligingiz baholanadi. Unga Amerika Konsulligi deyarli aralashmaydi.

Bu bosqichdan ham o’tsangiz, tamom, yorqin kelajak)

3 oy yozda stajirovka, 1000$ dan ortiq haq to’lanadi, har hafta professional rivojlantiruvchi offline sessiyalar, turli kompaniyalarga tashriflar. Alumni network ham zo’r ishlaydi.

Xullas, hammaga tavsuyu, men bu dasturdan ko’p narsa olganman.

@Gulrukhbonu_official

- 🇺🇸YPIP: Amerika Kengashlari tomonidan bakalavriat talabalari uchun Oʻzbekistonda haq toʻlanadigan amaliyot oʻtash imkoniyati!

Ushbu dasturda Oʻzbekistondagi OTMlarning 3-4-kurs talabalari ishtirok eta oladi.

Imtiyozlar:
– Butun dastur uchun muayyan miqdorda stipendiya beriladi
– Tasdiqlangan hollarda safar xarajatlari uchun mablagʻ ajratiladi
– Amaliyot oʻtash (2025-yil yozda), mentorning onlayn seanslarida qatnashish, yangi tanishlar orttirish imkoniyati
– Dastur yakunida sertifikat va tavsiyanoma beriladi

Arizalar 2024-yil 8-dekabrgacha qabul qilinadi.

🔗 Hujjat topshirish uchun

@Gulrukhbonu_official

- 21 yoshni qarshiladim

Onam ko’p aytadilar, kimdirlar bir umr davomida erisholmaganlariga 21 yil ichida erishding, deb. Lekin yana kimdirlar 1 yilda erishgan narsasiga 21 yilda ham erisholmadim.

21 yoshlik o’zim, iltimos, odamlarning sendan kutuvlariga qarab yashama. O’zingga kerakligi uchun emas, jamiyat sendan kutayotgani uchun nimadir qilma.

Kelajak kasbingni topgunincha, xatolar qil, biron ishni tashlab, yangisini boshlashdan qo’rqma. Yana bir necha yilingni o’z sohangni topishga sarflashing va xatolar qilishing mumkin.

Sog’ligingga e’tibor ber, 20 yil bilinmadi, endi ham bilinmaydi, degani emas. Sog’lom bo’lmasang, hech nima ta’timaydi.

Yangi oilangga vafoli bo’l, o’z ota-onangdek yaxshi ko’r, qabul qil. Yaxshi diplomat, avvalo yaxshi ona ham. Katta hayotning mashaqqatlarini onajoningga kelib aytma.

Muhimi, qadriyatlaringni unutma, orzularingdan voz kechma. O’zingga nisbatan talabchanligingni hech qachon kamaytirma. Kuchli insonlar davrasini qidir. Oila rivojlanishdan to’xtash emas, endi ikki kishilashib rivojlanish ekanini his qil!

@Gulrukhbonu_official

🇸🇰 NSP dasturi: Slovakiyada bir semestr davomida ta’lim olish va tadqiqot olib borish imkoniyati

Dasturga bakalavriat (2,5 yil o’qigan bo’lishi kerak), magistratura, PhD bosqichi talabalari topshira oladi.

Imkoniyatlar:
– 1-2 semestr (1-10 oy) Slovakiyada oʻqish, tadqiqot olib borish;
– Oyiga 650-1470 yevro miqdorida stipendiya;
– Safar xarajatlari uchun mablag’ taqdim etiladi;

Qabul 2024-yil 31-oktabrgacha davom etadi.

Hujjat topshirish uchun link

@Gulrukhbonu_official

- Mukammallik mavjud emas

O’zimni qiynaydigan hislatlarimdan biri bu har qanday ishda mukammallikni kutish. Inson doim mukammallikka intiladi, qilayotgan ishlarini vaqt sayin yaxshilab boradi. Sifatni oshiradi.

Lekin boshlamasdan avval mukammallikka intilish jarayonni umuman to’xtatishi mumkin. Sababi, siz qilmoqchi ishingizni boshlamay, uni hali beri sizga kerak bo’lmaydigan detallariga o’ralashib qolasiz.

Dasturlarda avval hujjat topshirish, intervyu va keyin viza bosqichi bo’lsa, o’quvchilarim hali dasturga topshirmay vizani qanday olishni o’ylay boshlaydi.

Boshlang, qo’rqmasdan, mukammallikni talab qilmasdan. Boshlaganingizdan so’ng, to’g’irlab ketasiz, yo’lingizni ko’ra boshlaysiz.

Birinchi urinishdan ikkinchisi, ikkinchisidan uchinchisi doim yaxshiroq bo’lgan.

Unutmang, biron bir katta muvaffaqiyat ortida, sizga ko’rinmagan 99ta muvaffaqiyatsiz urunish bor.

Yaxshiroq tushunishingiz uchun, yuzinchi zarbada tosh maydalansa, uni maydalagan ana o’sha yuzinchi zarbami yoki ungacha bo’lgan to’qson to’qqiztaning samarasimi?

@Gulrukhbonu_official