Futbol + | Oriyat Dono

Бугун Футбол+

Ҳусановсиз "Манчестер Сити" дабдала экан-а, деб гаплашсак керак😁

21:10 да ўша манзилда учрашамиз!

@boburakmalov

Абдуқодир Ҳусанов бугунги ўйинга тушишига ҳам, тушмаслигига ҳам асослар етарли.

Тушмаслиги, Пеп Гвардиола ўзи ўтган ўйин олдидан ҳам Ҳусанов дебютга тайёр бўлмагани, фақат туширишга бирорта ҳимоячи йўқлигидан мажбур бўлганини таъкидлади. Демак, соғ Стоунз билан Пеп энди Ҳусанов билан эҳтиёт бўлиш имкони пайдо бўлди. Энг муҳими, агар бугун Абдуқодир туширилмаса, бу ўта нормал ҳолат эканини тушуниш керак, «Челси»га қарши ўйин туфайли Ҳусанов захирага ўтказилган, деган фикрлар асоссиз бўлади.

Албатта, Ҳусановда ўйнаш эҳтимоли ҳам йўқ эмас, биринчидан, ҳали ҳам марказий ҳимоячилар етишмайди, уч кун олдин ЕЧЛда ўйнаган Стоунзга бу сафар дам берилиши ҳам мумкин. Қолаверса, Ҳусанов учун бу стадион бегона эмас, бир йил олдин ЕЧЛ ўйинида «Ланс» таркибида ўттиз дақиқа ҳаракат қилганди.

Яна бир мулоҳаза - «Арсенал»га қарши Пеп уч марказий ҳимоячи билан ўйнаш эҳтимоли ҳам бор. Нуньес ва Гвардиолни юқорига кўтариб ўйнаш «Арсенал» билан хавфли. Ҳусанов ўнг қанотда Нуньес ўрнини эгаллаши ҳам мумкин - тажриба бор.

@aslanov_futbol

Бу фикр бироз ғалати туюлади - «Реал» таркибида муаммо бор.

Гўёки, Европада «Реал» каби комплектлашган жамоа йўқдек тасаввур бор, аммо аслида жамоага марказий яримҳимоячи жуда зарур. Модрич каби ўткир эмас, Камавинга каби портловчи эмас, Чуамени каби чекланган эмас, бошқача, ўйин темпини бошқарадиган, оддий ишларни оддий шаклда бажарадиган футболчи, масалан, кимни мисол келтириш мумкин, Тони Кроос деган футболчи бўларди, шунақа.

Себальос кўпроқ ўйнай бошлаганининг сабаби ҳам шунда, у ўша услубда катта ҳажмни бера олади, аммо савия «Реал»нинг доимий мияси бўлишга тортмайди. Кейин Кроосда керак бўлганда Модричга айланиш хусусияти ҳам бор эди, Себальосда йўқ. Яна бир фарқ: Кроосда ўтган мавсумда ҳар 60 дақиқада бир зарба, бу йилги Себальосда 384 дақиқа бир зарба.

Илгари «Реал»нинг ўн беш дақиқа ўйнаши натижа учун кифоя, деган гаплар бўларди, тўғри, аммо ўша ўн беш дақиқа учун 75 дақиқа Кроос ва Модрич ўйинни назорат қилар, замин яратарди.

Ҳозир, «Реал» ҳаммасини назорат қилишга (кечаги 1 тайм) уринганда, фақат назорат бўлади, хавфли вазиятлар камайиб кетади, рискни оширганда эса вазиятлар икки томонлама пайдо бўлишни бошлаяпти. Ҳужумчиларнинг прессингда у қадар эмаслиги билиниб қолмоқда.

«Реал» таркибида муаммо ҳимоячилар жароҳати эмас. Ўтган йил ҳам йўқ эди улар. Жамоага баланс керак. Беллинҳэм ўз иши билан шуғулланиши, Мбаппе рейдлари учун куч тўплаши, ҳимоя хато қилмаслиги, Модрич пенсияга чиқиши учун топ марказий яримҳимоячи шарт. Агар пулдан муаммо бўлса, Винисиусни сотиш мумкин.

@aslanov_futbol

Қатардаги ўйинни шарҳлашим ҳам мажбур қилди бизни)

@xayrulla_hamidov

Футбол+ бугун эмас, эртага чиқади

Ток-шоумиз одатдагидек ҳар душанба чиқиши анъанаси охирги пайтлар деярли йўқ бўлди. Тўғри, барибир асосан душанбани мўлжал оламиз, бироқ замон ўзгаряпти, тезлашяпти, футболда тақвимлар тиғизлашган, ўйинлар кўп, Ватан жамоалари ўйинлари ҳам шу кунга тушиб қолаётган ҳолатлар мўл. Ҳаммасини ҳисобга олиб, ўзгарувчан графикда ишлашга ўтяпмиз. Мажбурмиз шунга. Ҳа, мўлжал сифатида душанба олинаверади, бироқ ўзимизда ҳам ўзгаришлар кўп бўляпти-да. Хориж ёки ички сафарларда бўлиб қолишимиз бор, яна ҳар турли воқеалар бўлиб қолиши мумкин.

Хуллас, эртага кўришамиз, насиб.

@boburakmalov

Голга олиб келган хато жуда кўзга ташланади, тўғри, аммо у ерда шунчаки техник томондан ижро ўхшамади - бундай хатолар юзлаб ўйинларда қатнашган энг зўр ҳимоячилар фаолиятида ҳам учрайди, қўрқинчли эмас.

Кейинги аслида қизил бўлиши ҳам мумкин (ҳакам Оливер бўлганида аниқ) бўлган сариқ карточка ва кейинги, Хусановнинг ўзи блок қўйиб бартараф этган эпизод, офсайдни тўғри ушлолмаслик - кўпроқ тактик асосга эга: «Манчестер Сити» анча юқори ҳимояда ўйнайди ва «Ланс»дан бу борада кескин фарқ қилади. Бу адаптация билан боғлиқ.

Шу ўринда Гвардиола танқидларга учраши табиий. Уч кун олдин келган ва атиги бир яримта машғулот ўтказган 20 ёшли футболчини бу ҳолатга ташлагани, аввало унинг қарори.

Яна бир ноқулай томони ўнг қанотда аслида яримҳимоячи бўлган Нуньез. Яъни Хусанов ҳисоб 0:1 лигидан келиб чиқиб олдинга тез чиқаётган жамоадошларини тозалаши керак. Натижада Санчо ва Жексон орасида қолиб кетяпти. «Челси» бу коридорни тез-тез ишлатиши табиий.

Аммо бу ишонч аслида Хусановнинг фойдасига ишлаши ҳам мумкин. Шундай вазиятда ҳам унга ишонилдими, Пеп қайсар мураббий, демак Абдуқодирда хатони тузатиш имконияти бўлади. Хусановнинг ўнгланиши энди Пеп учун ҳам муҳим масала. Уёғи футболчимизга боғлиқ. Хаяжон ва ички босимни енгиб, ўз ўйинини ўйнаса кифоя.

@aslanov_futbol