💬
Krishtiano Ronaldu bayonot bilan chiqdi. Unda shunday deyiladi: “Meni yaxshi biladiganlar ishimga qanchalik sinchikovlik bilan yondoshishimdan xabardorlar. Kamroq gap, koʻproq ish - bu faoliyatim boshidan beri shiorim boʻlib keladi. Biroq, soʻngi paytlarda gapirilgan va yozilganlardan kelib chiqib oʻz pozitsiyamni qayd etib oʻtmoqchiman. Menga, ham inson ham futbolchi sifatidagi hurmatsizlikdan ham yomon holat bor. Yaʼni, kelajagimning yengiltaklik bilan yoritilishi oʻsha tilga olinayotgan klublar, undagi ishchilar va oʻyinchilariga nisbatan kattaroq hurmatsizlikdir.
Mening Realdagi tarixim yozib boʻlingan. Soʻzlarda, raqamlarda, video-yozuvlarda va sarlavhalarda qayd etilgan. Bular Bernabeu muzeyida va klubning har bir muxlisi qalbida saqlanadi. Erishganlarimdan tashqari, shu 9 yil davomida Realga nisbatan qattiq mehr va hurmat his etganman. Bu tuygʻularni hozirgacha saqlab kelaman va qadrlayman. Bilamanki, Madrid muxlislari ham doim mening siymoyimni yuraklarida saqlashadi. Men esa ularni.
Ispaniya voqeasidan tashqari boshqa ligalar klublari bilan bogʻliq yangilik va hikoyalar paydo boʻldi. Hech kim xaqiqatni aniqlashtirishni oʻylamadi. Men odamlarni nomim atrofidagi ishlardan tiyilishga chaqirib, jimlikni buzyapman. Men faoliyatim va ishimga diqqatimni qaratib, bunga oʻzimni bagʻishlab, yoʻlimda chiqqan sinovlarni yengishda davom etaman. Qolganichi? Qolgani shunchaki gap-soʻz”.
⚽️
@Futbol_Mashhurlari
