Farg'onada ish bor

Савол: Қандай нарсалар рўзани бузади? Шу ҳақда батафсил маълумот берсангиз.
Жавоб: Рўзадор қасддан овқат еса, сув ичса, дори ичса ёки жинсий алоқа қилса рўза, бузилади. Бу ҳолатларда ҳам қазо,ҳам каффорат вожиб бўлади.
Рамазон рўзасидан бошқа рўзаларда каффорат йўқ.

Қуйидаги ҳолларда рўзадор одамнинг рўзаси бузилади ва қазосини тутиб бериши вожиб бўлади, каффорат вожиб бўлмайди:
– тонг отмаган деб ўйлаб, саҳарлик қилса ёки кун ботди деб ўйлаб оғзини очиб юборсаю сўнг тонг отиб қолгани ёки кун ботмагани билинса;
– аёлини ўпиши, ушлаши орқали жунуб бўлиб қолса;
– ҳўқна (клизма) қилса;
– бурнига дори томизса.
Беихтиёр қайт қилса рўза бузилмайди. Лекин қасддан, зўрлаб, оғзи тўлиб қайт қилса, рўзаси бузилади, кейин қазосини тутиши вожиб бўлади.

Қуйидаги ҳолатларда рўза бузилмайди:
– рўзадор эсида йўқ ҳолатда еса, ичса, жинсий алоқа қилса;
– уйқусида ёки аёлига қараб жунуб бўлиб қолса;
– қон олдирса;
– сурма қўйса;
– аёлини ўпса-ю, жунуб бўлмаса.
Лекин рўзадор одам иложи борича ўзини бундай ҳолатдан узоқ қилмоғи лозимдир.

Рўзадор учун қуйидаги ишлар макруҳдир:
– ўз нафсига ишонмаган кишининг аёлини ўпиши. Агар нафсини жиловлай олса, зарари йўқ.
– бирор нарсани татиб кўриш ва мисвокдан бошқа нарса билан тишни тозалаш,
– эмизикли рўзадор аёл ўз боласига заруратсиз таом чайнаб бериши. Бунда агар чайнамасликни имкони бўлса, чайнамаслик маъқул. Аммо имкони бўлмаса, чайнаб беришнинг зарари йўқ. Валлоҳу аълам.

“Фатволар тўплами”дан.


Shoshiling bizga qo‘shiling
👇👇👇👇👇👇👇👇👇👇
https://telegram.me/joinchat/TUhkE7U5hE4JQ00I

САВОЛ: Таровиҳ намозини витрни ўқиб бўлгандан сўнг ўқиш мумкинми?

ЖАВОБ: Бисмиллаҳир Роҳманир Роҳим. Таровиҳ намозининг вақти хуфтон намозидан то бомдод вақтигачадир. Шунинг учун хуфтонни ўқиб бўлгач, таровиҳни витрдан аввал ҳам, кейин ҳам ўқиш мумкин. Лекин аввал таровиҳни ўқиб олган афзалроқ. Валлоҳу аълам.

Ўзбекистон мусулмонлари идораси Фатво маркази.


Шошилинг бизга қушилинг
👇👇👇👇👇👇👇👇👇👇👇
https://telegram.me/joinchat/TUhkE7U5hE4JQ00I