Farg‘ona viloyat prokuraturasi

Вилоят прокурори ўринбосари О.Тошматов раҳбарлигидаги ижтимоий соҳада қонунчилик ижроси устидан назорат йўналишидаги ишчи гуруҳ томонидан юқумли касалликларни олдини олиш ва касалликларни барвақт аниқлаш мақсадида Олтиариқ туманида тиббий кўрик ташкил этилди.

Тиббий кўрикда мутахассислик бўйича кардиолог, эндокринолог, катталар ва болалар неврологи, офтальмологи, ЛОР, гастроентролог, тери-таносил, гемотолог, пульмонолог, онколог, гинеколог ва бошқа соҳа мутаҳассислари иштирокида 400 нафардан ортиқ фуқаролар ва ёшлар чуқурлаштирилган тиббий кўрикдан ўтказилди.

Шунингдек, 17 нафар беморларга вилоят ва туман шифохоналарида ётиб даволаниши учун йўлланмалар, 101 нафар беморларга бепул дори-дармонлар берилди.

Бундан ташқари, 10 та мактаб ва мактабгача таълим муассасаларида юқумли касалликларни олдини олиш мақсадида зарарсизлантириш тадбирлари ўтказилди.

Бу борадаги ўрганишлар ҳамда амалий тадбирлар давом эттирилмоқда.

👉https://t.me/FargonaViloyatProkuraturasi

Давлатимиз раҳбарининг “2025-йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги Қарори ижроси назоратга олинган.

Қарорга асосан Ўзбекистон туманида оғир тоифадаги маҳаллаларда "хавфсиз кўча ва хавфсиз йўлак" ташкил қилинмоқда.

Жумладан, тумандаги Беруний МФЙ, Коинот кўчасидаги бино ва савдо мажмуаларига камералар ўрнатилиб, профилактика инспектори хонасига интеграция қилинмоқда.

Шунингдек, кўчалар ёритилиши учун кўча чироқлари ўрнатилиб, тунги вақтда содир этилиши эҳтимоли бўлган хуқуқбузарликларни олди олиш чоралари кўрилмоқда.

Бу борадаги тадбирлар давом эттирилмоқда.

👉https://t.me/FargonaViloyatProkuraturasi

Вилоят прокурори ўринбосари О.М.Тошматов раҳбарлигидаги ишчи гуруҳ томонидан жорий йилнинг 27 январь куни Давлат раҳбари бошчилигида “Атроф-муҳитни асраш ва “яшил иқтисодиёт” йили давлат дастури лойиҳаси юзасидан ўтказилган видеоселектор йиғилишида берилган топшириқлар ижроси амалга оширилмоқда.

Хусусан, Фарғона шаҳрида “Яшил макон” умуммиллий лойиҳаси доирасида кўчат экилиши ишлари амалга оширилди ҳамда тарғибот ташвиқот баннерлари тайёрланиб, Фарғона шаҳридаги йўл бўйларига ҳамда аҳолига транспорт хизмати кўрсатувчи автотранспорт воситаларига ўрнатилди.

Тарғибот тадбирлари давом эттирилмоқда.    
👉https://t.me/FargonaViloyatProkuraturasi

Бешариқ тумани прокуратураси томонидан ижтимоий соҳа объектларида аҳоли муаммоларининг ҳал этилиши ҳамда уларнинг кайфиятига салбий таъсир этувчи омиллар назоратга олинган.

Хусусан, туман прокуратураси ишчи гуруҳи томонидан туманда ёшлар ҳамда хотин-қизларнинг хатловдан ўтказилишининг ҳаққонийлиги, ижтимоий - иқтисодий муаммоларнинг ҳал этилиши ўрганилди.

Шунингдек, “Темир дафтар”, “Ёшлар дафтари” ва “Аёллар дафтари”га киритиш тартиб қоидаларига риоя этиш бўйича масъулларга кўрсатмалар берилди.

Бу борадаги назорат тадбирлари давом эттирилмоқда.

👉https://t.me/FargonaViloyatProkuraturasi

Бешариқ тумани, прокурори қурилиш бўйича штаб раҳбари Ш.У.Хатамов раҳбарлигида “Ташаббусли бюджет” 2024 йил 2-босқичи доирасида  амалга оширилаётган қурилиш-таъмирлаш ишлари ўрганилди.

Хусусан, қурилиш бўйича туман ҳокими ўринбосари билан биргаликда туман тиббиёт бирлашмаси тасарруфидаги кўп тармоқли марказий поликлиникада олиб борилаётган реконструкция ишлари ҳамда 1-сонли политехникумда қурилаётган футбол майдони кўздан кечирилди.

Аниқланган камчиликларни жойида бартараф қилиш бўйича пудратчи ҳамда қурилиш бўйича ҳудудий назорат инспекцияси инспекторларига тегишли топшириқ ва кўрсатмалар берилди.

Бу борадаги назорат тадбирлари давом эттирилмоқда.

👉https://t.me/FargonaViloyatProkuraturasi