Furqat tumani axborot-kutubxona markazi

Bugun tunda kelarmish, Bahor...

Derazangdan mo'ralab asta,
Gul yuzingdan bo'lib shikasta,
Uzun qishga siltab qo'lini,
Ham qalbingdan boshlab yo'lini,
To'qqiz oyki, elarmish bahor,
Bugun tunda kelarmish bahor...

Qoru muzni suvga g'arq qilib,
Izg'irinni butkul tark qilib,
Eshitgandek mening nolamni,
Guldastaga o'rab olamni -
Tushda boshing silarmish bahor,
Bugun tunda kelarmish bahor...

Gõzallikni eltib jahonga,
Sano aytib har õtgan onga,
Jamolingga bõlib mahliyo,
Istarangdan olgancha ziyo,
Bizga iqbol tilarmish Bahor,
Bugun tunda kelarmish Bahor..

Unutilar hazonrez kuzak,
Tabassuming yuzingga bezak.
Mehrlaring menga oğdirib,
Yomğirlarni yerga yoğdirib,
Suvlarini elarmish Bahor,
Bugun tunda kelarmish Bahor..

Hissiyotga tõldirib dilni,
Kengaytirib kichik kõngilni,
Duolarga ijobat etib,
Tabiatni chamanzor etib,
Baxtimizdek kularmish Bahor,
Bugun tunda kelarmish Bahor..

HAYOTNI SEVING…

16 yoshida Leylaga ko’chadagi lo’li hech qachon turmushga chiqmasligini aytdi. SHu sababli Vovka unga turmush qurishni taklif qilganida, darrov rozi bo’ldi.
- Mayli, - dedi u, - hech bo’lmaganda unashtirilgan qiz bo’laman. Ammo Leyla uchun kutilmaganda to’y bo’lib o’tdi.
Er-xotin uzoq vaqt farzand ko’rishmadi. SHifokorlar Leylaga tuzalmaydigan bepushtlik tashxisini qo’yishdi. Ammo u uch yil o’tib homilador bo’ldi.
- Siz bu bolani dunyoga keltirolmaysiz, bu sizning hayotingizga tahdid soladi! — deya shifokorlar yana ogohlantirishdi.
- Mayli, - dedi Leyla kamtarlik bilan, - hech bo’lmaganda homilador bo’lib ko’raman. Va u mutlaqo sog’lom o’g’il tug’di.
40 yillik baxtli hayotdan so’ng, Leylaga daxshatli tashxis qo’yildi, u ko’pi bilan olti oy umr ko’rishi mumkin...
- Xo’p, mayli, - Leyla jilmayib qo’ydi, - endi men nihoyat parashyutda sakrayman. Butun umr buni orzu qildim. Lekin qo’rqdim. Endi o’limdan qo’rqmayman
U parashyutda sakradi, yana va yana...
Tashxis esa tasdiqlanmadi!
Ol`ga Mal`tseva
Hayotni seving, har bir daqiqasidan foydalaning. Qariganingizda o’tgan umringiz uchun afsuslanmang.

TUGANMAS MEROS:
🕊
Bir oilada yashayotgan aka-uka, opa-singillarning go’zal tarbiyasi ularning davomchilari bo’lmish - o’z zurriyotlarida ham namoyon bo’lishi bilan belgilanadi. Zotan, ajdodlardan avlodlarga qoladigan meroslarning a’losi, bu - o’zaro ahillik, bir-birlariga beg’araz do’stlik, mehr-oqibatli bo’lish kabi insoniylik fazilatlaridir...
🍃
MOHIYATGA NAZAR:
Oyning o’zi emas, balki tarqatayotgan ziyosi nafis, hayratlanarli bo’lganidek, qobil farzandning xulq-atvori uni yanada shirintoy, sevimli, aqlli qilib ko’rsatadi...
🌸
MUATTAR HID:
Odobli farzand - muattar gul kabi. Uni hidlaganing sayin hidlaging, bu ne’matdan bahra olganing sayin bahra olging kelaveradi, kelaveradi...

OTA-ONA NAZARI XOSIYATI:
Yuzingdagi nur - bu ota-onangning senga nazari tufaylidir;Odamlarga qilgan yaxshiliklaring uchun ular seni maqtashyapti - ota-onang ibrati hosilasi;
• Ko’chada ketayotib, nogahon qalqib ketib, yerga yiqilding - ota-onangni ranjitganing natijasi;
• Farzandlar kamolini ko’rayapsan - ota-onangning Yaratganga iltijolari ijobati;
• ... Umuman, borsan, tiriksan, bu ham ul muborak zotlarning duosi barakotidandir...

«Farzandnoma» kitobidan.

#tanlov
#Ijod_yoshlari
#23_fevral_15_mart

"IJOD YOSHLARI" RESPUBLIKA TANLOVI

"Ijod yoshlari" respublika tanlovi Maktabgacha va maktab ta’limi vazirligi tizimidagi umumiy oʻrta ta’lim muassasalarining 4-, 5-, 6-sinf oʻquvchilari oʻrtasida oʻtkazilaTanlov 2 bosqichda tashkil etiladi:
tuman (shahar) bosqichi – joriy yilning mart oyida;
viloyat bosqichi – joriy yilning aprel oyida boʻlib oʻtadi.

“Ijod yoshlari” tanlovining asosiy maqsadi umumiy o‘rta ta’lim muassasalarining 4-, 5-, 6-sinflarida ta’lim olayotgan yosh ijodkor oʻquvchilarni aniqlash, ularning ijodiy qobiliyatlarini yanada rivojlantirish, nazm, nasr, badiiy publitsistika, adabiyotshunoslik yoʻnalishlari boʻyicha iste’dod va qiziqishlarini yanada oshirish uchun zarur shart-sharoitlar yaratishdan iborat.

Tanlovning ikkinchi (viloyat) bosqichida 1-, 2-, 3-o‘rinlarni egallagan 6-sinf oʻquvchilari navbatdagi oʻquv yilidan ijod maktablariga belgilangan qabul parametrlari doirasida imtihonsiz qabul qilinadi.

Shuningdek, 1-, 2-, 3-oʻrinlarga sazovor boʻlgan 4-, 5-sinf oʻquvchilari kelgusi yilda mazkur tanlovning ikkinchi (viloyat) bosqichida toʻgʻridan-toʻgʻri ishtirok etish huquqini qoʻlga kiritadi.

Tanlovda qatnashish uchun joriy yilning 23-fevralidan 15-martiga qadar (shu kuni ham) ijodyoshlari.piima.uz onlayn platformasida roʻyxatdan oʻtish lozim.

Telefon: +998 (71) 207-20-17 ichki raqamlar: 161, 164.