Uzbekistan Football Association

Seminarni OʻFA birinchi vitse-prezidenti, CAFA hakamlar qoʻmitasi raisi Ravshan Irmatov ochib berib, ishtirokchilarga bugungi kunda futbol zamonaviy texnologiyalar sababli jadallik bilan rivojlanib borayotgani, bu esa hakamlarning mas’uliyatini yanada oshirishini taʼkidladi. Futbolning yanada jozibaliroq boʻlishida hakamlarning oʻrni beqiyos boʻlishiga alohida urgʻu berildi. Shu sababli hakamlar yangi mavsumga jiddiy tayyorgarlik ko‘rishi, futbol qoidalari va xorijiy tillar boʻyicha bilimlarini doimiy yangilab borishi kerakligi aytildi. Bugungi kunda ijtimoiy tarmoqlar orqali futbolni tahlil qilish ommalashgani shu sababli bosh hakam barcha yosh toifalaridagi musobaqalarda belgilangan qoidalarga muvofiq, yagona standart asosida qaror chiqarishi lozimligi ta’kidlandi. Oʻz oʻrnida, CAFA hakamlikka jiddiy eʼtibor berib, uning rivojlanishi yoʻlida qator ishlar amalga oshirayotgani bildirildi.