#Ustozlar_Ijodi
КИНОТЕАТР
Шамол гувилларди. Ёмғир қуярди.
Кимнидир изларди сен сепган атир.
Кузалган дарахтлар сени суярди,
Сени суяр эди кинотеатр.
Сен кўрдинг, бечора юрагим яғир,
Англадинг кўзларим нолаларидан.
Севги ичармиди шимиб оқ ёмғир
Қора сочларингнинг толаларидан.
Қўлингдаги мато ҳозиргача то
Соябон эдими? Бўлди ёмғиртўс.
Мушукфеълли жилдинг билмасди ҳатто:
Ошиқларми эдик ва ё икки дўст.
Кинолар, кинолар... кино кўрдилар,
Хиёбон – кўчага чиққан кинозал.
Қаҳрамон дарахтлар, гуллар сўрдилар:
Олмос узук эдинг, мен-чи, тилла ҳал.
Ўшанда... ўшанда жала қуярди,
Кимнидир изларди узук ва атир.
Узуклар, атирлар сени суярди,
Мени суймас эди кинотеатр.
© Салим АШУР
@Erkin_Hojimuhammad
КИНОТЕАТР
Шамол гувилларди. Ёмғир қуярди.
Кимнидир изларди сен сепган атир.
Кузалган дарахтлар сени суярди,
Сени суяр эди кинотеатр.
Сен кўрдинг, бечора юрагим яғир,
Англадинг кўзларим нолаларидан.
Севги ичармиди шимиб оқ ёмғир
Қора сочларингнинг толаларидан.
Қўлингдаги мато ҳозиргача то
Соябон эдими? Бўлди ёмғиртўс.
Мушукфеълли жилдинг билмасди ҳатто:
Ошиқларми эдик ва ё икки дўст.
Кинолар, кинолар... кино кўрдилар,
Хиёбон – кўчага чиққан кинозал.
Қаҳрамон дарахтлар, гуллар сўрдилар:
Олмос узук эдинг, мен-чи, тилла ҳал.
Ўшанда... ўшанда жала қуярди,
Кимнидир изларди узук ва атир.
Узуклар, атирлар сени суярди,
Мени суймас эди кинотеатр.
© Салим АШУР
@Erkin_Hojimuhammad