Behruzjon Ergashev blogi

@Ergashev_blog

Kanal geosi va tili: O‘zbekiston, O‘zbekcha

Toifa: Hazil va o‘yin-kulgi

Haqiqat - shu qadar shirinki, totib ko’rging keladi. Shu qadar achchiqki, tilingni kuydiradi!
©️ O'tkir Hoshimov
Foydamiz tegsa xursandmiz)
Murojaat uchun: @behruz_6402
✅ @My_Movie_House — kinoxona

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Hazil va o‘yin-kulgi

Statistika

Saralanganlar

Postlar filtri

O‘chirilganlarni yashirish

Repostlarni yashirish

Behruzjon Ergashev blogi

25 Feb, 18:47

🌨 Bu yilgi qish hisobidan eng zo'r qor yog'ishi. Ertalabgacha yarim metr bo'lib tursa hayron qolmayman.

37 0 0 1 1

Behruzjon Ergashev blogi

25 Feb, 16:21

BLACK-SABBATH-Paranoid-Official-Video —

02:51

Black-Sabbath-War-Pigs —

07:54

black-sabbath-Iron-Man-lyrics —

05:52

44 0 0 1

🎸 Guruhning gitarachisi Toni Ayommi yoshligida zavodda ishlagan va bir necha barmoqlaridan ayrilgan. Shifokorlar uning gitara chalolmasligini aytishgan, lekin, Ayommi maxsus protezlar yordamida chalishni davom ettirgan va guruhning asosiy gitarachisiga aylangan.

💽 Guruhning "Paranoid" qo'shig'i aslida albomni to‘ldirish uchun yozilgan va atigi 20 daqiqada yaratilgan. Biroq, bu qo‘shiq keyinchalik ularning eng katta xitlaridan biriga aylangan.

💉 Ozzi Osborn 1979-yilda guruhdan chiqarilgan, chunki uning giyohvandlik va spirtli ichimliklarga qaramligi ijodiy jarayonga salbiy ta'sir ko‘rsatgan. Uning o‘rnini sobiq Rainbow vokalisti Ronni Jeyms Dio egallagan. Biroq, Ozzi 1997-yilda guruhga qaytib, ular yana birlashib ijod qilishgan.

🏟 2025-yil 5-iyulda Black Sabbath o‘zining asl tarkibi bilan birgalikda Birmingemdagi Villa Park stadionida "Back to the Beginning" nomli yakuniy konsertini o‘tkazadi. Bu Ozzi Osbornning so‘nggi chiqishi bo‘lib, barcha daromadlar xayriya tashkilotlariga taqdim qilinadi.

36 0 0 1

Behruzjon Ergashev blogi

25 Feb, 16:20

Black Sabbath — 1968-yilda Birmingemda gitarachi Toni Ayommi, barabanchi Bill Uord, baschi Gizer Batler va vokalist Ozzi Osborn tomonidan tashkil etilgan ingliz rock guruhi. Ular og‘ir metal musiqasining asoschilaridan biri hisoblanadi. Guruh o‘zining qorong‘i mavzulari, og‘ir gitara rifflari va o‘ziga xos uslubi bilan tanilgan. Ularning ilk uch albomi — "Black Sabbath" (1970), "Paranoid" (1970) va "Master of Reality" (1971) — og‘ir metal janrining rivojlanishida muhim ahamiyatga ega bo‘lgan. Dastlab, guruh "Polka Tulk Blues Band" va keyinchalik "Earth" nomlari ostida faoliyat yuritgan. Biroq, ular o‘zlarini boshqa "Earth" nomli guruh bilan adashtirilayotganini sezib, yaqin atrofdagi kinoteatrda namoyish etilayotgan 1963-yilgi "Black Sabbath" (o‘zbekcha: "Qora shanba") dahshatli filmi nomidan ilhomlanib, guruh nomini "Black Sabbath" deb o‘zgartirishgan. Black Sabbath o‘zining boy musiqiy merosi va og‘ir metal janriga qo‘shgan ulkan hissasi bilan butun dunyoda tan olingan.

43 0 0

Behruzjon Ergashev blogi

25 Feb, 15:53

Ushbu guruh nomini ilk marta 2023-yili, Avengersni ko'ryotganimda eshitganman. Franshizani qaysidir qismida Tony Stark (Robert Downey Jr.) ushbu guruh nomi tushirilgan futbolkada yuradi. Vaqt o'tib bu bekorga emasligini tushundim, guruhning Tony Stark bilan bog'liq qo'shig'i sabab ekan. Shundan so'ng bu guruh haqida ba'zi joylarda eshitgandim.

44 0 0

Behruzjon Ergashev blogi

25 Feb, 08:51

Bular balo chiqdi. Ochilmagan qirralari ochilib ketyapti. Oldinroq topshirib, maza qilib zakovat o'ynasam bo'larkan men ham)

56 0 0 1 1

Behruzjon Ergashev blogi

24 Feb, 17:53

Bugun GOATlar kuni ekanda)

62 0 0 1

Behruzjon Ergashev blogi

23 Feb, 21:45

Yana bir narsa, Liverpul 10 yillik qora an'anaga barham berdi. Qizillar 2015-yildan beri Etihadda g'alaba qozona olmayotgan edi)

74 0 0

Behruzjon Ergashev blogi

23 Feb, 21:38

Bugungi o'yinda himoyachimizni Sofascore 7.2 balga loyiq ko'rdi. Va bu borada bugungi o'yinda jamoasida eng yaxshi ikkinchi o'yinchi bo'ldi. Umuman olganda bugun Man Cityning eng yaxshi o'yinchilaridan biri aynan Abduqodir edi.

71 0 0 3

Behruzjon Ergashev blogi

23 Feb, 21:38

Tugadi, o'yindan oldin aytganimdek bo'ldi, Abduqodir zo'r o'ynadi, Liverpul yutdi)

Ha, kallar to'qnashuvida bu safar ham avvalgidek hisobda Slotning qo'li baland keldi. 2-goldan keyin biroz o'tib (80' daqiqadan boshlab) Liverpul to'liq himoyaga o'tdi. City faollikni oshirdi. Vaziyat yuzaga kelsa Liverpul qarshi hujumga otildi. Bu esa to'p egaligi bo'yicha statistikada Cityni katta ustunligini ta'minladi, albatta bu Gvardiola jamoasiga xos.

O'zimizning jigar Abduqodirga kelsak, u zo'r o'yin o'tkazdi. Bir qancha zarbalarga bloklar qo'ydi. Markazda ishonchli harakat qildi. Ba'zi ba'zida qanotga ham o'tib turdi. Menimcha Pep uni zarur paytda qanotda ham o'ynatmoqchi va shunga ko'nikma hosil bo'lishi uchun shunaqa ko'rsatma bergan. Hozir jarohatlar ko'pligini hisobga olsak bu tabiiy. Himoyachimiz to'liq o'yin o'tkazdi. Murabbiy Akeni olib o'rniga Diashni tushirdi. Bu esa Pepning Abduqodirga ishonchi ortyotganidan va o'yinidan ko'nikish hosil qilyotganidan darak.

55 0 0 2

Behruzjon Ergashev blogi

23 Feb, 19:18

Birozdan so'ng Manchester City - Liverpul o'yini boshlanadi. Jigarimiz Abduqodir asosiyda yana. Davomli bo'lsin. Men esa yaqinda Real Madrid muxlislari aytgan gapni aytaman: Abduqodir zo'r o'ynasin, xato qilmasin, Liverpul yutsin)

55 0 0 8 2

Behruzjon Ergashev blogi

23 Feb, 17:52

O'yinni boshidan to'liq ko'ra olmadim. Asosiy vaqtning so'nggi 10 daqiqasidan keyin to'liq ko'rdim, oxirigacha. Shu sababli to'liq o'yin haqida biror yakuniy fikr ayta olmayman, ammo ko'rganlarim asosida bir narsa deyishim mumkin.

Yigitlar kech uyg'onishdi. Aslida asosiy vaqtda biz masalani hal qilib ketishimiz kerak edi, Haydarovning goli (90+4') g'alaba goli bo'lishi kerak edi. 1-daqiqadagi penaltyni urganimizda yoki koreyslar hisobni tenglashtirganida va oldinga chiqib olganida uyg'onib vaziyatni o'nglashga kirishish kerak edi. 3-1 dan keyin tarkib sochilib ketdi, oxirida yangi qonlar qo'shilib, hujumlarimiz ko'paygunga qadar. "Shu o'yindan o'tib olinglar, yo'llanmani qo'lga kiritib olinglar mayli uyog'iga yarim finalda yutqizsanglar ham hechkim xafa bo'lmaydi sizlardan" deb turibman o'yin davomida ich-ichimdan. Chunki, terma jamoa oldidagi asosiy vazifa ham shu bo'lsa kerak deb o'ylayman. Qit'a chempionligi keyingi masala. Yarim finalda yutqizgan taqdirda ham 3-o'rin uchun o'ynash imkoni bo'lar edi.

Yoshlarimizda xarakter ham borligini ko'rdik, taym so'nggidagi bizga taqdim etgan emotsiyalari, tinimsiz hujumlarida ko'rindi bu. Bu tarkibni yanada pishitib, tarbiyalab U-23 uchun baza yaratish kerak. Bizning U-23 oxirgi 10 yillar davomida kuchsiz bo'lmagan, kerak bo'lsa Osiyo lideri, jahon darajasidagi jamoa bo'lib kelgan.

Shu o'rinda, koreyslar ham o'yinga yaxshi tayyorlanganligi, jismonan baquvvat va bo'y jihatdan uzun futbolchilarni asosiy tarkibda tushirganligining mevasi standartlarda ko'rindi. Ular 2-qavatda bizdan ustun edi.

Mayli, barchasi shaxsiy fikrlarim, jahon chempionatiga kuchli jamoa chiqishi kerak edi va Janubiy Koreya terma jamoasi bilan tengma teng, ba'zi o'rinlarda ustun o'ynagan bizning yoshlar ham yo'llanmaga loyiq edi albatta. Shunchaki ikkala taraf ham masalani lotareyagacha olib borishdi va yakunda omad, ruhiyat, bosim hammasini hal qildi.

Shuncha mehnat va bizga taqdim etgan emotsiylar uchun Farhod Nishonov boshchiligidagi murabbiylar shtabiga, yoshlarimizga va umuman O'zbekiston U-20 terma jamoasiga rahmat 🙌

61 0 0 11 2

Behruzjon Ergashev blogi

23 Feb, 08:59

Nirvana-Come-As-You-Are-Official-Music-Video —

03:44

Nirvana-Lithium-Official-Music-Video —

04:15

Nirvana-Smells-Like-Teen-Spirit-Official-Music-Video —

04:38

55 0 0 2

Behruzjon Ergashev blogi

23 Feb, 08:59

☸ "Nirvana" soʻzi sanskrit tilida "oʻchish" yoki "toʻxtash" degan ma'noni anglatadi va buddizmda azob-uqubatlardan xalos boʻlish holatini ifodalaydi.

🧴 "Smells Like Teen Spirit" qoʻshigʻining nomi Kurt Kobeynning doʻsti, Bikini Kill guruhining a'zosi Ketlin Xannaning hazil tariqasida devorga "Kurt smells like Teen Spirit" (Kurt "Teen Spirit" kabi hidlanadi) deb yozib qoʻyishidan kelib chiqqan. "Teen Spirit" oʻsha paytda mashhur boʻlgan dezodorant brendi edi.

💽 Dastlab, "Nevermind" albomidan 250 ming nusxa sotilishi kutilgan edi. Biroq, albom chiqqanidan keyin olti oy ichida faqat AQShda uch milliondan ortiq nusxa sotildi.

📚 Kurt Kobeyn Patrik Zyuskindning "Parfyumer" romanini oʻzining eng sevimli asarlaridan biri deb hisoblagan va 1993-yilda chiqqan "In Utero" albomidagi "Scentless Apprentice" qoʻshigʻini ushbu kitob ta'sirida yozgan.

🎸 Nirvana atigi 7 yil faoliyat yuritgan boʻlsa-da, ushbu davrda ular granj janrining yetakchi guruhlaridan biriga aylanishdi va rok musiqasiga katta ta'sir koʻrsatishdi.

65 0 0 2

Behruzjon Ergashev blogi

23 Feb, 08:58

Nirvana — 1987-yilda AQShning Vashington shtatida, Kurt Kobeyn va Krist Novoselic tomonidan tashkil etilgan granj janridagi rok guruhi. Guruh 1991-yilda chiqqan "Nevermind" albomidagi "Smells Like Teen Spirit" qoʻshigʻi bilan katta shuhrat qozongan. Ushbu albom granj musiqasini ommalashtirib, 1990-yillar boshidagi rok musiqasiga sezilarli ta'sir koʻrsatgan. Afsuski, 1994-yilda Kurt Kobeynning vafotidan soʻng, guruh faoliyati toʻxtagan. Nirvana guruhi 3 asosiy a'zodan iborat edi:

1. Kurt Kobeyn (vokal, gitara) guruhning yetakchisi va asosiy qo‘shiq muallifi bo‘lib, 1994-yilda vafot etgan.

2. Krist Novoselic (bas-gitara) Kobeyn bilan birga guruhni tashkil qilgan va keyinchalik siyosiy faollik hamda boshqa musiqiy loyihalar bilan shug‘ullangan.

3. Devid Grohl (baraban) 1990-yilda guruhga qo‘shilgan va Nirvana tarqalganidan so‘ng Foo Fighters guruhini yaratgan. Guruhning boshqa barabanchilari ham bo‘lgan, ammo eng mashhur tarkib shu uch kishidan iborat edi.

54 0 0 2

Behruzjon Ergashev blogi

23 Feb, 08:48

00:16

Video oldindan ko‘rish uchun mavjud emas

Telegram'da ko‘rish

52 0 0 1

Behruzjon Ergashev blogi

23 Feb, 08:33

Biz bugun gaplashadigan guruhning eng mashhur qo'shig'ini rock, metallarga qiziqmasimdan avval ham eshitib yurardim va u juda jangovar, shiddatli bo'lib, kayfiyatimni ko'tarishga va o'zimga ishonchni oshirishga oz bo'lsada yordam berardi ⚡️🎸♨️🧴

59 0 0 1

Behruzjon Ergashev blogi

22 Feb, 11:05

"The Terminal" — 2004-yilda rejissyor Stiven Spilberg tomonidan suratga olingan dramatik-komediya janridagi film. Filmda Viktor Navorskiy (Tom Xanks) Sharqiy Yevropadagi Krakoziya davlatidan AQShga keladi, biroq uning mamlakatida davlat to‘ntarishi sodir bo‘lgani sababli pasporti yaroqsiz bo‘lib qoladi. Shu sababli u Nyu-Yorkdagi Jon Kennedi aeroportida qolib ketadi va AQShga kirish yoki vatanga qaytish imkoniyatisiz yashashga majbur bo‘ladi. Film inson irodasi, bardosh va insoniylik mavzulariga bag‘ishlangan bo‘lib, hayotiy hikoya va Tom Xanksning ajoyib aktyorlik mahorati bilan tomoshabinlarga yoqadi.

📊 IMDB: 7.4/10

📢 Rejissyor: Steven Spielberg

🎞 Prodyuserlar: Walter F. Parkes, Laurie MacDonald, Steven Spielberg

📝 Ssenariy mualliflari: Sacha Gervasi, Jeff Nathanson

🎬 Rollarda: Tom Hanks, Catherine Zeta-Jones, Stanley Tucci, Chi MakBrayd, Diego Luna

🎻 Bastakor: John Williams

🇺🇸 Mamlakat: AQSH

💵 Byudjeti: $60 million

💵 Daromadi: $219.4 million

🎥 Treylerini ko'rish

🇺🇿 O'zbekcha tarjimasini ko'rish