E-ma'muriy ish

⚡️Энди барча жарималарни 15 кун ичида тўланса 50 % чегирма, 30 кун ичида 30% чегирма

Президентнинг тегишли қарорига (ПҚ-99, 23.03.2023й) кўра, 2023 йил 1 майдан бошлаб маъмурий ҳуқуқбузарликлар бўйича қўлланилган жаримани ихтиёрий тўлаш тизими янада соддалаштирилади. Унга кўра:

✅ ҳуқуқбузар унга жарима солиш тўғрисидаги қарор топширилган кундан бошлаб 15 кун ичида жарима миқдорининг 50 фоизини,
30 кун ичида 70 фоизини ихтиёрий равишда тўлаган тақдирда, у жариманинг қолган қисмини тўлашдан озод қилинади;

✅ мазкур тартиб суд қарорларига асосан қўлланиладиган жарималарга нисбатан ҳам татбиқ этилади.

➖➖ @Emamuriyish ➖➖

1 июндан ойлик иш ҳақлари оширилади

1 июндан бюджет ташкилотлари ходимларининг иш ҳақи 12 фоизга оширилади. Меҳнатга ҳақ тўлашнинг энг кам ва базавий ҳисоблашнинг янги миқдорлари белгиланмоқда.

Ўзбекистон президенти Шавкат Мирзиёевнинг тегишли фармонига биноан, 2022 йил 1 июндан бошлаб бюджет ташкилотлари ходимларининг иш ҳақи 12 фоизга оширилади. Ҳужжат аҳоли турмуш даражасини яхшилаш ва фуқаролар даромадларини изчил оширишга қаратилган чора-тадбирлар кўламини кенгайтириш мақсадида қабул қилинди.

2022 йил 1 июндан бошлаб:

🔸меҳнатга ҳақ тўлашнинг энг кам миқдори — 920 минг сўм миқдорида (ҳозир 822 минг сўм);
🔸базавий ҳисоблаш миқдори — 300 минг сўм миқдорида (ҳозир 270 минг сўм) белгиланди.

Фармон билан иш берувчиларга иш ҳақи миқдорини қонунчилик ҳужжатларида белгиланган меҳнатга ҳақ тўлашнинг энг кам миқдоридан кам бўлмаган ҳолда тўлашни таъминлаб, иш ҳақи миқдорини меҳнатга ҳақ тўлашнинг энг кам миқдорига мувофиқ ошириш тавсия этилмоқда.


➖➖ @Emamuriyish ➖➖

⚡️ Эски ҳайдовчилик гувоҳномасини алмаштириш муддати узайтирилди

Ҳукумат қарори (178-сон, 12.04.2022 й.) билан “Миллий ҳайдовчилик гувоҳномасининг ҳамда автомототранспорт воситаси рўйхатдан ўтказилганлиги тўғрисидаги гувоҳноманинг янги намуналарини жорий этиш чора-тадбирлари тўғрисида”ги қарорга ўзгартиришлар киритилди

🔸Киритилган қўшимчаларга мувофиқ, эски намунадаги барча миллий ҳайдовчилик гувоҳномалари ва автомототранспортни рўйхатдан ўтказилганлиги тўғрисидаги гувоҳномаларни мажбурий алмаштириш муддати қуйидагича узайтирилди:

➖2010 йилгача бўлган даврда берилганлари – 2023 йил 31 мартгача;
➖2010 – 2012 йилларда берилганлари – 2023 йил 30 июнгача;
➖2013 – 2015 йилларда берилганлари – 2023 йил 30 сентябргача;
➖2015 йилдан кейин берилганлари – 2023 йил 31 декабргача.

📌 Юқоридаги муддатларгача алмаштирилмаган гувоҳномалар ҳақиқий эмас деб ҳисобланади.

➖➖ @Emamuriyish ➖➖

⚡️ Ҳукумат қарори билан йўл ҳаракати қоидалари тасдиқланди. Ҳужжат билан:

🔸 аҳоли пунктларида транспорт воситаларининг тезлигини соатига 70 километрдан, мактаб ва мактабгача таълим ташкилотлари атрофидаги йўлларда 300 метргача бўлган масофада 30 километрдан, турар жой даҳалари ва ёндош ҳудудларда (уй-жой бинолари орасидаги ер участкасида) эса соатига 20 километрдан оширмасдан ҳаракатланишга руҳсат этилади.

Бунда Ўзбекистан Президентининг 2022 йил 4 апрелдаги ПҚ-190-сон қарори билан ташкил этилган Йўл ҳаракати хавфсизлигини таъминлаш соҳасидаги республика комиссиясининг қарори асосида Тошкент ва Нукус шаҳарлари ҳамда вилоятлар марказларидаги йўл ҳаракати қатнови юқори бўлган ва аҳоли гавжум ҳудудларда транспорт воситалари ҳаракатланишининг юқори тезлиги соатига 60 километр этиб белгиланиши мумкин;

🔸 енгил автомобилларда юк ташишга уларнинг том қисмига ўрнатилган юкхонадаги юкнинг баландлиги 1 метрдан (махсус мосламалар билан мустаҳкамланган ҳолда велосипедларни ташиш бундан мустасно) ва узунлиги автомобилнинг габаритидан 0,5 метрдан ошмаган тақдирда йўл қўйилади;

🔸 юк автомобиллари, Йўл ҳаракати қоидаларида белгиланган айрим истиснолардан ташқари барча ҳолатларда, йўлнинг фақат ўнг қатнов қисмидан ҳаракатланиши шарт;

🔸 транспорт воситаларининг қайрилиб олиш жойларида ва унга 30 метр етмасдан ёки ўтиб тўхташ тақиқланади;

🔸 сутканинг коронғи вақтида ва етарлича кўринмайдиган шароитда велосипед йўлкаси бўлмаган ҳолда йўлнинг қатнов қисмида ҳаракатланаётган велосипедчилар нур қайтаргичли камзулда ёки нур кайтарувчи элементлар бўлган устки кийимда бўлиши шарт.

❗️ Янги таҳрирдаги Йўл ҳаракати қоидалари 2022 йил 1 майдан бошлаб амалга киритилади.

➖➖ @Emamuriyish ➖➖

ЖАРИМА БАЛЛАРИ ҲАҚИДА БИЛИШИ КEРАК НАРСАЛАР!

Ушбу тартиб йўл ҳаракати хавфсизлигини таъминлаш бўйича қўшимча чора ҳисобланади. Йўл ҳаракати қоидаларини бузганлик учун жарима балли ИИВ Жамоат хавфсизлиги бошқармаси Давлат йўл ҳаракати хавфсизлиги хизмати томонидан автоматлаштирилган электрон тизимда инсон омили ҳисобга олинмаган ҳолда белгиланади.

🔸Ҳайдовчиларнинг йўл ҳаракати қоидаларига риоя қилмаслиги йил давомида 12 та жарима балли асосида баҳоланади.

🔸Ҳайдовчилик гувоҳномасини биринчи марта олган фуқаролар томонидан содир этилган ҳуқуқбузарликлар ҳайдовчилик гувоҳномасини олган кундан бошлаб йил охиригача баҳоланади.

🔸 Жарима баллари ҳайдовчи томонидан биринчи қоидабузарлик содир этилган кундан бошлаб кейинги йилнинг шу кунигача берилади. Агар йил давомида жарима баллари 12 баллга этмаса, ушбу муддатдан кейин улар бекор қилинади.

🔸Ҳуқуқбузарлик хусусиятидан келиб чиқиб, ҳайдовчилар томонидан йўл ҳаракати қоидаларини бузганлик учун жарима балллари қарор лойиҳаси иловасига мувофиқ ҳисоблаб чиқилади.

🔸Кўп жарима баллари қалбаки ёки бошқача тарзда ўзгартирилган давлат рақамлари билан, шунингдек, ушбу транспорт воситасига тегишли бўлмаган давлат рақам белгиларига эга бўлган транспорт воситаларини бошқарганлик учун (Ўзбекистон Республикаси Маъмурий жавобгарлик тўғрисидаги кодексининг 125-моддаси 6-қисми) назарда тутилган.

🔸Йўл ҳаракати қоидаларини бузганлик учун ҳайдовчига жарима балли қўлланилиши, шунингдек, жами ўн икки ва ундан ортиқ балл тўплаган ҳайдовчилик гувоҳномасидан маҳрум этилиши уни қонун ҳужжатларида назарда тутилган асосий жазодан озод этмайди.

🔸 Ҳайдовчи томонидан бир нечта маъмурий ҳуқуқбузарлик содир этилган ҳолларда ҳар бир ҳуқуқбузарлик учун жарима балллари алоҳида ҳисоблаб чиқилади ва бу баллар умумлаштирилади.
Агар 12 ой ичида содир этилган қоидабузарликлар учун ҳайдовчига ҳисобланган жарима балларининг умумий миқдори 12 баллдан ошса, у транспорт воситасини бошқариш ҳуқуқини йўқотади.

🔸Транспорт воситаси ҳайдовчиси томонидан содир этилган қоидабузарлик 8 баллига тенг бўлган тақдирда, бу ҳақда “SMS” хабари ёки почта алоқаси орқали хабар қилинади.

🔸Ҳайдовчи йўл ҳаракати қоидаларини бузганлик учун эътироз билдирса ва ишни жиноят ишлари бўйича судга юборса, жиноий иш бўйича суднинг якуний қарори асосида жарима балллари белгиланади.

🔸Автотранспорт воситасини бошқариш ҳуқуқидан маҳрум этилган ҳайдовчилар маъмурий жазо муддати ўтганидан кейин ҳайдовчилик гувоҳномасини олиш учун белгиланган тартибда малака ошириб, назарий ва амалий имтиҳонларни топширадилар.

🔸Йил давомида йўл ҳаракати қоидаларини бузмаган ҳайдовчиларга кейинги йилда биринчи марта йўл ҳаракати қоидаларини бузганлик учун биринчи жарима балли рағбатлантириш тариқасида белгиланмайди. Бундай ҳолатда ҳайдовчи асосий жазодан озод этилмайди.

➖➖ @Emamuriyish ➖➖

1 мартдан Ўзбекистонда ниқоб тақиш мажбурияти бекор қилинади

23 февраль куни коронавирусга қарши курашиш бўйича Республика махсус комиссияси йиғилиши бўлиб ўтди.

Йиғилишда бош вазир Абдулла Арипов ковид инфекцияси тобора камайиб бораётгани сабабли (суткасида 200 тадан кам) чекловларни юмшатиш, айримларини бекор қилишга тўхталиб ўтди.

1 мартдан фуқароларнинг очиқ ҳавода ниқоб тақиш мажбурлиги бекор қилинди. Жамоат транспорти, йирик савдо дўконлари, таълим муассасалари, давлат ва нодавлат идоралари, масжидлар, театр, кинотеатр, музей, санъат саройлари, маиший хизмат кўрсатиш муассасалари ва бошқа одамлар гавжум жойларда ниқоб тақиш тавсиявий характерга эга бўлади.

Соғлиқни сақлаш муассасаларида тиббиёт ходимларига, улар коронавирус билан касалланганлар билан алоқада бўлишидан қатъий назар, ниқоб тақиш талаби қолдирилади.

Xatolarni tan olish vaqti keldi. «Mening jarimalarim»

🔸 Onet ID orqali ro'yxatdan o'tish haqiqatan ham to'g'ri ishlamadi. Muammoning bir qismi hal qilindi. Biz Google play - dan yangi versiyani tasdiqlashni kutmoqdamiz. Oneidea tomonidan muammoning bir qismi hal qilinmoqda.
Ayni paytda tizimga kirish imkoni bo'lmagan yechimi: To'liq dastur keshini tozalab ko'ring va birinchi sahifada OneId orqali qayta avtorizatsiya qiling. Noqulaylik uchun uzr so'raymiz.

🔸Yordam xizmati joriy etilmoqda, biz uni imkon qadar tezroq qo'shamiz.

🔸 2020 yil va 2021 yil boshida YXXBB dan To'lanmagan protokollariga kelsak. Ma'lumotlar bazalari bilan tekshirmoqdamiz. Sizning barcha to'lovlaringiz mavjud, Xavotir olmang

————————————————————

Пришло время признавать ошибки. «Mening jarimalarim»

🔸 Авторизация через OneId действительно работает не корректно. Часть проблема решена. ждем подтверждения от Google play новой версии. Часть проблемы со стороны OneId в процессе решения.
На данный момент Решение у кого не получается Авторизоваться: Попробуйте очистить весь кеш приложения и И на самой первой странице повторно авторизоваться через OneId. Приносим извинения за неудобства.

🔸 Служба поддержки на стадии реализации, в кратчайшие сроки добавим.

🔸 Что касается неуплаченных штрафов ГАИ 2020 года и начала 2021года. Идет сверка с базами данных по оплате штрафа. Мы обязательно решим.

➖➖ @Emamuriyish ➖➖

Бугундан бошлаб Ўзбекистонда “Омикрон”нинг янги штамми пайдо бўлиши муносабати билан бутун мамлакат бўйлаб карантинни кучайтириш чоралари жорий этилмоқда.

Хусусан, Республика махсус комиссиясининг қарори билан:

▪️ жамоат жойларида ниқоб тақиш ва ижтимоий масофани сақлаш устидан назоратни кучайтириш

▪️ барча ташкилотлар, муассасалар, савдо марказлари, супермаркетлар ва кўнгилочар масканларга кираверишда тана ҳароратини текширишни таъминлаш.

▪️аҳолини тўлиқ эмлаш ва бустер доза билан эмлаш ишлари жадаллаштириш

▪️ ташкилот ва муассасалар раҳбарларига, ишчиларнинг эмлангандан сўнг иш жойларига киритишга рухсат берилади. Мазкур тартибни бузган ташкилот раҳбарларига нисбатан қонун ҳужжатларида белгиланган тартибда қатъий чора кўрилади.

▪️ таътил вақтида университет талабаларини тўлиқ эмлаш чораларини кўриш. Бунинг учун олий ўқув юртлари раҳбарлари шахсан жавобгар.

▪️ Ўзбекистонга келувчи шахс келишидан 48 соат олдин ўтган ПЗР тести салбий сертификатига эга бўлиши ёки аэропорт, вокзал ёки назорат-ўтказиш пунктида экспресс тестдан ўтиши керак.

▪️ Умра зиёратларидан қайтишларида короновирусга ПЗР ёки экспресс тестни Саудия Арабистони ҳудудида ўзбек тиббиёт ходимлари томонидан олиниши ва манфий натижасига мувофиқ кириб келишини ташкил этиш