Sirdaryo Davlat xizmatlari хаbаrlаri

#Adliya_loyiha

Nikohdan oʼtishning 1 oylik muddati bekor qilinadi

Kuni kecha, Oliy Majlis Qonunchilik palatasining navbatdagi majlisida Аdliya vazirligi tomonidan ishlab chiqilgan “Oʼzbekiston Respublikasining Oila kodeksiga oʼzgartishlar kiritish toʼgʼrisida”gi Qonun loyihasi muhokama qilindi.

Muhokamada adliya vaziri R.Davletov soʼzga chiqib, qonun loyihasi boʼyicha kiritilayotgan muhim oʼzgartirishlar haqida maʼlumot berdi.
Jumladan, loyiha bilan Oila kodeksining 13, 17 va 212-moddalariga quyidagi oʼzgartishlar kiritilmoqda:

1) nikohni qayd etishning bir oylik muddati va uni qisqartirish uchun asos boʼluvchi holatlar bekor qilinmoqda;

2) nikohni nikohlanuvchi shaxslar majburiy tibbiy koʼrikdan oʼtganlaridan soʼng rasmiylashtirish tartibi belgilanmoqda.

Loyihani ishlab chiqishda, ilgʼor xorijiy davlatlar, jumladan musulmon davlatlarning tajribalari ham oʼrganildi.

Qonun loyihasi qabul qilingandan soʼng, nikohlanuvchi shaxslar majburiy tibbiy koʼrikdan oʼtganlaridan soʼng 1 oylik muddatni kutmasdan istalgan vaqtda nikohdan oʼtishlari mumkin boʼladi.

Loyihaning qabul qilinishi, nikohni oʼz vaqtida rasmiylashtirish, FHDYo va sogʼliqni saqlash organlarida ortiqcha qogʼozbozlik, byurokratiya va korruptsiyaviy holatlarni bartaraf etish, otalik belgilash va sharʼiy nikoh asosida yashash holatlarini kamaytirish imkonini beradi.

Mazkur Qonun loyihasi Oliy Majlis Senati tomonidan maʼqullanib, Prezident tomonidan imzolangandan soʼng kuchga kiradi.

Аdliya vazirligi
Jamoatchilik bilan aloqalar boʼlimi

Kanalga ulanish👇👇👇
https://t.me/davxizmat

#Адлия_муносабат

ФҲДЁ органлари тугатилмайди

Ижтимоий тармоқларда ФҲДЁ органлари тугатилармиш деган асоссиз миш-мишлар тарқалди.

Шу муносабат билан ушбу масалага ойдинлик киритиб ўтишни зарур деб топдик.

Ҳозирги кунда никоҳ уйларини қайта ташкил этиб, уларни ФҲДЁ бўлимларига айлантириш режалаштирилмоқда.

Амалдаги тартибга кўра, Никоҳ уйлари фақат никоҳни расмийлаштиради. ФҲДЁ бўлимлари томонидан эса 4 та (туғилиш, никоҳ, ажрим ва ўлим) турдаги ҳаракатлар амалга оширилади.

Аслида, Никоҳ уйлари мустақиллигимизнинг илк йилларида барча ФҲДЁ органларида етарлича шароит бўлмаган, бинолар билан боғлиқ муаммолар фонида аҳолининг никоҳни тантанали қайд этилишига бўлган эҳтиёжини таъминлаш учун айрим ҳудудларда ташкил этилган эди.

Ҳозирги кунда, ФҲДЁ органларининг моддий-техник базаси мустаҳкамланиши туфайли барча ФҲДЁ органларида никоҳни тантанали қайд этиш учун алоҳида хоналар ва шароитлар яратилган.

Шундан келиб чиқиб, никоҳ уйларини сақлаб туришнинг зарурияти қолмаганлиги сабабли, никоҳ уйларини қайта ташкил этиб, уларни ФҲДЁ бўлимларига айлантириш режалаштирилмоқда.

Бундан кўзланган мақсад эса адлия органлари фаолиятини оптималлаштириш, ходимларга келаётган иш юкламасини тўғри тақсимлаш, бинолардан унумли фойдаланишдир.

Адлия вазирлиги
Жамоатчилик билан алоқалар бўлими