Дуога муҳтож қул

Толиби илмнинг кун тартиби

• Толиби илм кунини бомдоддан эмас, таҳажжуддан бошлайди.
Кун тартибида икки ракъат бўлса ҳам таҳажжуд бўлмаган толиби илм, толиби илм эмас.

• Толиби илм бомдоддан кейин ухламайди,
Балки эртталабки зикрлар, ва Қуръон тиловати билан машғул бўлади…
Бир кунда энг камида бир жуз Қуръон ўқимаган ўзини илм оляпман деб ҳисобламаса ҳам бўлади.

• Машойихлариииз айтганидек:
«Бомдоддан кейин ухлаётган толиби илмни кўрсанг, жанозасини ўқиб қўяверинглар..»

• Толиби илм дарс қолдирмайди,
Университетга илм олгани боради, олим бўлишга азм қилади...
«Зеро амаллар ниятларга боғлиқдир...»

• Илм олгани машинада ёки пиёда, ёки автобусда кетаётган толиби илм,
Бошқалар телефон билан, уйқу билан, мусиқа эшитиш билан машғул бўлганда, унинг тили (зикр) истиғфор билан машғул бўлади…
Агар ҳаётида муаммолари, камчилиги ёки ҳал бўлмаётган иши бўлса, ҳавқола
(лаа ҳавла валаа қуввата иллаа биллааҳил алиййил аъзийм) ни лозим тутади.

• Толиби илм тушликгача  ўқиб, тушликдан кейин қайлула вақтида дам олади.
Чунки нафсга дам бермаса, нафс инсонга бўйсунмайди.

• Тушликдан кейин уйга вазифалари билан машғул бўлади,
• Агар ўғил бола бўлса ҳар битта намозни масжидда адо қилади.

• Толиби илм учун энг биринчи ўринда илм олиш, ёдлаш туради, 
Бошқа нарсалар иккинчи даражада.
Толиби илмнинг луғатида чарчаш, толиқиш  каби калималар бўлмайди.

• Толиби илм ҳар бир фарз намозни ўз вақтида адо этади,
Шом вақти кирганида эса кечки зикрлар билан кунини зийнатлайди…

• Кечки пайт оиласи даврасида машғул бўлади,
Лекин ўйин кулгуга берилмайди…
Чунки кўп кулиш қалбни ўлдиради.

• Шу тариқа, энг муҳим дарслари, ёзиш билан, китоб мутолааласи билан машғул бўлади,
Кунини илм билан бошлаб, илм билан тугатади….!!
🕊Дуога муҳтож қул

#Дуо

Дуо қабул бўладиган 18 ўрин ва вақт

📖 Қуръон ўқигандан сўнг.
🕋 Каъбани кўрганда.
🌧 Ёмғир ёғаётганда.

🤝 Душман билан рўбару келганда.
❗️ Зулм ва адолатсизликка учраганда.
🤲🏻 Жамоат ва кўпчилик билан дуо қилганда.
🕌 Фарз намозидан кейин.

🙇‍♂ Саждада.
📿 Аллоҳ таолонинг гўзал исмларини айтиб дуо қилганда.
🌅 Тонг вақтида.
🌃 Пайшанбадан жумага ўтар кечаси ва бутун жума куни давомида.

🌌 Ражаб ойининг биринчи кечасида.
✨ Шаъбон ойининг ўн бешинчи кечасида.
🎊 Ҳар икки ҳайитнинг биринчи кечасида.

🎉 Арафа кунида.
💫 Рамазон ойи куну тунларида.
🌔 Қадр кечасида.
🍽 Ифтор пайтида.

🕊Дуога муҳтож қул

Қадр кечасидаги ибодат фазли

• Ривоят қилинишича,
• Бир куни Мусо алайҳиссалом
• Аллоҳ таолога нидо қилиб:
• “Илоҳо, сенинг яқинлигингни билишни истайман”, - деди.
• Аллоҳ таоло:
• “Мен Қадр тунида уйғоқ бўлганларга яқиндирман”, - деди.

• Мусо алайҳиссалом яна:
• “Илоҳо, сенинг раҳматингнинг орзусидаман”, - деди.
• Аллоҳ таоло:
• “Менинг раҳматим Қадр кечасида мискинларга раҳм қилганларгадир”, - деди.

• Мусо алайҳиссалом:
• “Илоҳо, сирот кўпригидан яшиндек ўтишни истайман”, - деганларида,
• Аллоҳ таоло:
• “Қадр кечасида фақирларга садақа берганларни олдинроқ ўтказаман”, - деди.

• Мусо алайҳиссалом нидоларини давом этиб:
• “Илоҳо, жаннат боғларида бўлишни ва уларнинг мевасидан тановул қилишни истайман”, - деди.
• “Қадр кечасида тасбеҳ айтиб, Мени зикр этиш билан машғул бўлганлар жаннат боғларига сазовор бўлишади”, - деди Аллоҳ таоло.

• Мусо алайҳиссалом:
• “Илоҳо, дўзахдан нажот топишни истайман”, - деганларида,
• Аллоҳ таоло:
• “Қадр кечасида истиғфорни кўп айтганлар дўзахдан нажот топадилар”, - деди.

• Мусо алайҳиссалом яна илтижо қилиб:
• “Илоҳо, сенинг розилигингни топишни истайман”, - деганларида,
• Аллоҳ ҳақ субҳанаҳу ва таоло:
• “Эй Мусо,
• Менинг розилигимни қадр кечасида икки ракъат нафл намоз ўқиганлар топадилар”, - деди.

“Зубдатул воъизин” китобидан

🕊Дуога муҳтож қул