Dilrabo KURYAZOVA MATBUOT KOTIBI

Ўзбекистон Республикасининг 14.07.2021 йилдаги “Лицензиялаш, рухсат бериш ва хабардор қилиш тартиб-таомиллари тўғрисида”ги Қонунига мувофиқ алкоголь маҳсулотларининг улгуржи савдоси лицензияланиши белгиланган.  Вазирлар Маҳкамасининг 21.02.2022 йилдаги 80-сон қарорига асосан  алкоголь маҳсулотларининг улгуржи савдоси  фаолияти учун лицензия олишда тақдим этиладиган ҳужжатлар ҳамда лицензия талаб ва шартлари қуйидаги тартибда белгиланган:

🔹 алкоголь маҳсулотларини сақлаш, қабул қилиш ва тарқатишни техник жиҳатдан тартибга солиш соҳасидаги норматив ҳужжатларга қатъий риоя қилиш;

🔹 алкоголь маҳсулотларини сақлаш, қабул қилиш ва тарқатиш учун мўлжалланган ва белгиланган талабларга жавоб берадиган бинога эгалик қилиш (ўз мулкида бўлиши, хўжалик юритишида, оператив бошқарувида бўлиши ёки ижарага олган бўлиши);

🔹 истеъмол ва техник этил спирти, алкоголь маҳсулотларини ишлаб чиқариш ва уларнинг айланмаси ҳажмини ҳисобга олиш ахборот тизимини ишлатиш;

🔹 Солиқ қўмитасининг ахборот тизимига интеграциялашган электрон ҳисобварақ-фактурадан фойдаланиш;

🔹алкоголь маҳсулотларини олиб кириш ҳамда сотишга доир чекловларга риоя қилиш, шунингдек, йиллик лицензия тўловини тўлаш;

🔹 устав фондини базавий ҳисоблаш миқдорининг 1 000 бараваридан кам бўлмаган миқдорда пул маблағи кўринишида шакллантириш;

🔹 алкоголь маҳсулотларининг чакана савдоси билан шуғулланишга ва (ёки) умумий овқатланиш корхоналари орқали чакана сотиш учун хабарномалар реестрига киритилмаган юридик шахсларга сотишга йўл қўймаслик, маҳаллий пиво маҳсулотлари, кўпикланадиган ва табиий винолар бундан мустасно;

🔹 алкоголь маҳсулотларига акциз маркаларини қўллаш тартибларига риоя этиш;

🔹 алкоголь маҳсулотлари ишлаб чиқариш фаолияти учун лицензияга эга бўлган маҳаллий ишлаб чиқарувчилар томонидан ишлаб чиқарилган алкоголь маҳсулотларини (бундан табиий винолар мустасно) сақлаш ва сотиш, бундан импорт қилинган алкоголь маҳсулотларини сақлаш ва сотиш мустасно.

Ушбу фаолият юзасидан лицензияга эга бўлишда тадбиркорлик субъектидан:
- ариза;
- алкоголь маҳсулотларини сақлаш, қабул қилиш ва тарқатиш учун мўлжалланган бинога нисбатан мулк ҳуқуқини ёки бошқа ашёвий ҳуқуқларни тасдиқловчи ҳужжат ёки ижара шартномасининг нусхаси;
- шакллантирилган устав фонди миқдори тўғрисида далолат берувчи ҳужжат нусхаси талаб этилади.

Маълумот ўрнида, бугунги кунда Республикамизда жами 149 та лицензияга эга алкоголь маҳсулотлари улгуржи савдоси билан шуғулланувчи тадбиркорлик субъектлари мавжуд.

@DilraboKuryazova

Ўзбекистон Республикасининг 14.07.2021 йилдаги “Лицензиялаш, рухсат бериш ва хабардор қилиш тартиб-таомиллари тўғрисида”ги Қонуни ҳамда Вазирлар Маҳкамасининг 21.02.2022 йилдаги 80-сон қарорига асосан тамаки маҳсулотлари ишлаб чиқариш фаолияти учун лицензия олишда тақдим этиладиган ҳужжатлар ҳамда лицензия талаб ва шартлари қуйидаги тартибда белгиланган:

🔹 тамаки маҳсулотлари ишлаб чиқариш соҳасидаги Ўзбекистон Республикаси қонунчилик ҳужжатларига, техник регламентларга ёки стандартларга мажбурий риоя қилиш;

🔹 ишлаб чиқаришнинг тўлиқ технологик жараёнига риоя қилиш — бинолар яхлитлиги, хом ашёни пировард истеъмолчига сотиш учун тайёр маҳсулот этиб қайта ишлашни таъминловчи технологик асбоб-ускуналарнинг мавжудлиги;

🔹 тамаки маҳсулотлари ишлаб чиқаришни техник назорат қилиш бўйича Ўзбекистон техник жиҳатдан тартибга солиш агентлиги органлари томонидан аккредитация қилинган лабораторияларнинг мавжудлиги;

🔹 тамаки маҳсулотлари ишлаб чиқаришда техника хавфсизлигини, ёнғин хавфсизлиги, ишлаб чиқариш санитарияси ва экология талаблари ва нормаларини таъминлаш;

🔹 рўйхатдан ўтказилган (патентланган) товар белгиларининг мавжудлиги;

🔹 маҳсулотнинг ҳар бир тури бўйича халқаро ва миллий стандартлар талабларига мувофиқ ишлаб чиқилган технологик йўриқномаларнинг мавжуд бўлиши;

🔹 ишлаб чиқарилаётган тамаки маҳсулотларини Ўзбекистон Республикаси қонунчилик ҳужжатларида белгиланган тартибда акциз маркалари билан маркалаш учун асбоб-ускуналарнинг мавжуд бўлиши;

🔹 тамаки маҳсулотларини ишлаб чиқаришда техник регламентлар ёки стандартлар талабларига жавоб берувчи ва қонунчилик ҳужжатларида белгиланган тартибда берилган тегишли сертификатларга эга бўлган, шу жумладан, импорт қилинган тамаки хом ашёсидан фойдаланиш. Бунда маҳаллий сотиб олинган тамаки хом ашёси тамаки маҳсулотлари ишлаб чиқаришда фойдаланиладиган умумий йиллик ҳажмнинг 20 фоизидан кам бўлмаслиги лозим.

Ушбу фаолият юзасидан лицензияга эга бўлишда тадбиркорлик субъектидан ариза ва ишлаб чиқариш объектининг паспорти талаб этилади.

Маълумот ўрнида, бугунги кунда Республикамизда жами 3 та лицензияга эга тамаки маҳсулотлари ишлаб чиқариш корхоналари мавжуд.

@DilraboKuryazova