Qidiruv uchun matnni kiriting
Ilg‘or kanal qidiruvi

Атомный конкурс uz

Power bank в стильном брендированном шопере
img
reklama

Чистая Энергия ӏ Sof Energiya

Безуглеродная энергетика: Узбекистан и мировые новости
img
reklama

uz Зеленые проекты: новости

Узбекистан сэкономил 1,5 млрд кубометров газа
img
reklama

Dilmurod DO'ST | she'rlar

@Dil_Dost
Kanal geosi va tili: O‘zbekiston, O‘zbekcha
Toifa: Telegram

Икр-фикрлар, у-бу, шу-шу дегандек...
Донат учун:
https://tirikchilik.uz/dil_dost
Мурожаат учун: @DilDostgaMurojaatBot

Связанные каналы  |  Похожие каналы
Kanal geosi va tili
O‘zbekiston, O‘zbekcha
Toifa
Telegram
Statistika
Kanal siznikimi? Tasdiqlash Kanal tarixi
Postlar filtri

Dilmurod DO'ST | she'rlar

13 Nov, 18:53

Telegram'da ochish Ulashish Shikoyat qilish
#Эски_машқлардан

УСМОН НОСИР МОНОЛОГИ

Қандай ҳузур экан шу ҳолингга ҳам,
Сени кўролмаслар борлиги, эй, дўст.
Сен юрган йўллардан чанқоқ, оч-наҳор,
Сендай юролмаслар борлиги, эй, дўст.

Ўйлайсиз: қанотин қирқсам учолмас!
Ерда кўк қучгувчи қуш хилиданман.
Билиб қўйинг, агар билмас бўлсангиз,
Қанотсиз учгувчи қуш хилиданман.

Ҳар сония ўйлайсиз, минг битта чора,
— Не қилсам, ўрнини эгалларкинман?
Тулпор бўлмаса ҳам, майлига, хачир
Эшагим “тулпор” деб эгарларкинман?!

Ер юзида мавжуд, жами шеърларим
Ёқиб... нишонлайсиз ўлганлигимни.
Демак, сиз билмайсиз, шеърни қоғозмас,
Кўнгилларга ёзиб бўлганлигимни.

Дилмурод ДЎСТ

Telegram | Facebook | You tube | Instagram
64 0 0 2
Dilmurod DO'ST | she'rlar

13 Nov, 08:08

Telegram'da ochish Ulashish Shikoyat qilish
* * *
Сен ҳақингда узоқ гаплашадиган
Атрофимда бирор одам қолмади.
Бари Қуёш билан ботиб кетгандек...

Мен эса расмингга термуламан жим
Ва сезаман соғинч кузранг дарахтдай
Қалбим узра томир отиб кетгандек...

Сен келмас йўлларга ёмғир бўлсин, дея
Кўзёш сочарми деб, кўзимга боқсам
Ҳижронзада дийдам қотиб кетгандек...

Ҳар кун узр сўрайман покиза ишқдан,
Оқламоқчи бўлсам сени, негадир
Кўринасан ишқни сотиб кетгандек...

Дилмурод ДЎСТ

Telegram | Facebook | You tube | Instagram
91 0 1 2
Dilmurod DO'ST | she'rlar

10 Nov, 04:48

Telegram'da ochish Ulashish Shikoyat qilish
НАЖОТКОР УМИД

Дўстим Н.га

Инсоннинг тафтини инсон оларкан,
Дилни азоб тиғсиз қонатган чоғи.
Унут бўларкан-у барча аламлар,
Лекин, ўчмас бўлиб қоларкан доғи.
Бурним қон, лек дилда орзу-ла ўсдим,
Ҳар кимга бир даврон келади, дўстим!

Тақдир кўчалари ўйимдай чалкаш,
Бизлар берк кўчага дуч келавердик.
Синовли кунларда бўлишиб дилкаш,
Орзуга эргашиб, куч йиғавердик.
Бу кун — ҳали унут бўлади, дўстим,
Ҳар кимга бир даврон келади, дўстим!

Кўзланган манзиллар гарчи олисдир,
Қимирлаб қир ошиб етурмиз, албат!
Бизга куч бағишлар бу йўлда дуо,
Ҳам содиқ ҳамдамли оташ муҳаббат!
Ишқда синов — ҳижрон бўлади, дўстим,
Ҳар кимга бир даврон келади, дўстим!

Кимга ғам келгани, кимгадир қувонч,
Сабру ҳаракатдан толмасак бўлди.
Ой — ўн беши зулмат, ўн беши ёғду,
Зулматда адашиб қолмасак бўлди.
Бизнинг ой ҳам бир кун тўлади, дўстим,
Ҳар кимга бир даврон келади, дўстим!

Биз тонгни кутяпмиз, тонг узоқ эмас...

© Дилмурод Дўст

Telegram | Facebook | You tube | Instagram
157 0 2 5
Dilmurod DO'ST | she'rlar

5 Nov, 23:59

Telegram'da ochish Ulashish Shikoyat qilish
Shavkat Mirziyoyev_press-service dan repost
Video oldindan ko‘rish uchun mavjud emas
Telegram'da ko‘rish
"Мен 29 ёшдаман"
Мансур Жумаев - Ўзбекистон Ёзувчилар уюшмаси бош мутахассиси, шоир
—
"Мне 29 лет"
Мансур Джумаев - главный специалист Союза писателей Узбекистана, поэт

Prezident.uz|Facebook|Instagram|YouTube|Twitter
205 0 1 6
Dilmurod DO'ST | she'rlar

5 Nov, 23:56

Telegram'da ochish Ulashish Shikoyat qilish
Najmiddin Ermatov dan repost
Marsiya

Mansur Jumayevga

Toshkentdan Qarshi qadar yomg‘ir yog‘ib borodur,
O‘n bir dilpora do‘sting esdan og‘ib borodur,
Kuygan ko‘kay kuydirgi ko‘zni sog‘ib borodur,
Yo‘l ham bizga qo‘shilib,  zorlanib borar,  do‘stim.

Qatordan kamni sanab,  kuzak hayron boqodur,
Yulduzini uchirgan osmon vayron boqodur,
Sen kutgan fasl* kelib,  vale giryon boqodur,
Qilmishidan qismating orlanib borar,  do‘stim.

Oldinda bir ulov bor,  ichida ikki murg‘ak,
So‘lg‘in bitta gul bordir - sen sevgan o‘shal yurak,
Kim bosh bo‘lar ularga,  kim bo‘lar endi tirgak?..
Orzular xazon yanglig‘ xorlanib borar,  do‘stim.

Buncha uzun bu yo‘llar,  buncha bag‘ri yag‘irdir,
O‘n bir yo‘ldosh boradur,  bari yag‘ir bag‘irdir,
She'rlar qoldi shoirsiz,  nahot she'r ham sag‘irdir?..
Lek shoiri Tangriga yorlanib borar,  do‘stim.

Derazadan termulsam,  otilib chiqib oting,
Xayolimda siniqqan surating turar qotib,
Tark etdi deb ingrasam, battar o‘rtabon yoding
Borgan sari dunyoda borlanib borar,  do‘stim.

*''Biz kutgan fasl'' kitobi
162 0 1 12
Dilmurod DO'ST | she'rlar

5 Nov, 17:16

Telegram'da ochish Ulashish Shikoyat qilish
Doʻstim Mansur Jumayev bugun chin dunyoga safar qildi.
Manziling jannat boʻlsin, joʻra.

МЕН ҚАЙТАМАН

Мен қайтаман, кипригинг соясига қайтаман,
ирмоқларга – дунёнинг доясига қайтаман,
бошларини тошларга урган кекса бургутнинг
полапони кўз очган қоясига қайтаман.

Мен қайтаман, дилу ёд орасида қайтаман,
мен қайтаман, кўзларинг қорасида қайтаман,
бир қизчанинг кулгичли чеҳрасида порлагум,
бир жунунваш ўғилнинг оразида қайтаман.

Мен шундайин куюк дил порасида яшарман,
мен шундайин беғубор, норасида яшарман,
мен шундайин беқарор – тупроқ, ҳаво, ўт ва сув
ҳимматидан зарралаб бино бўлган башарман.

Англамайман қандайин туғилмоқда айтарим;
қулоғингга шивирлаб айтаётган байтларим
андозаси руҳимда яралгандир, эҳтимол,
раббим билан фалакда ваъдалашган пайтларим.

Мен қайтаман, кетди деб суюнма бир лаҳза ҳам,
ё қароқда жимирлаб ўйнамасин зарра нам,
ғам чекмагин, Сендаман – пок дилингда зиндаман;
шоирлар ўлиш учун туғилмайди, жонгинам!

© Мансур ЖУМАЕВ

@Dil_Dost
157 0 0 7
Dilmurod DO'ST | she'rlar

1 Nov, 07:06

Telegram'da ochish Ulashish Shikoyat qilish
✨МУНОЖОТ ✨

Фоний жоним риштасин
Фоний жона боғладинг.
Боғладингу шу асно
Қалбимни-да доғладинг.
Сўнгра мени имконсиз
Ишлар томон чоғладинг.
Руҳу тан, ақлу юрак
Аро саргардон этдинг.

Мени тупроқдан ясаб
Юракка юлдуз экдинг.
Умримни шамга менгзаб
Тун дунга кундуз экдинг.
Юрган йўлимда бир бор
Хуррамлик раво кўрсанг,
Шу бирга етгунимча
Турфа ғамни юз экдинг.

«Қул» дединг ҳузурингда
Қулдай ҳокисор бўлдим.
«Гул» дединг — неъматингга
Ошиқ, жоннисор бўлдим.
Тупроқтан жоним изин
Ердан узмадим лаҳза,
Аммо кўнгил кўкида
Озод учган сор бўлдим.

Сен не десанг — ҳукмдир,
Эътирозга ўрин йўқ.
Чунки бари одилдир,
Бирорта ноўрин йўқ.
Фоний дунё фонийдир,
Ишқим ундан мустасно,
Демак, мудом тирикман —
Ошиқларга ўлим йўқ.

© Дилмурод Дўст

Telegram | Facebook | You tube | Instagram
188 0 0 4
Dilmurod DO'ST | she'rlar

28 Oct, 19:46

Telegram'da ochish Ulashish Shikoyat qilish
Мансур ЖУМАЕВ шеърлари dan repost
САРДОБАДА

Дилмурод ДЎСТга

Нима фойда ёзғириб
йўллар совуқ мор бўлса,
Гулистоннинг ёмғири
Сардобада қор бўлса?!

Соя солган паҳлавон
булутмикан, тоғмикан...
даштлардаги қадрдон
омонмикан, соғмикан?!

Кенгликларни кўмса қор,
кўркин кўрар чоғлар йўқ.
Сардобада шўрхок бор,
Сардобада тоғлар йўқ...

Тун,
отелда ҳисобот
тўлдирса тўлиб кучга,
кечиргайми шоирни
блокнот билан ручка?!

Билса оёқ, бош қанда,
дурустмикан оғлари:
кетган бўлса Тошканга
Сардобанинг тоғлари?!

25 февраль 2021 йил, Сардоба.

© Мансур ЖУМАЕВ
249 0 1 10
Dilmurod DO'ST | she'rlar

25 Oct, 15:07

Telegram'da ochish Ulashish Shikoyat qilish
BARIBIR

Men samodan topgan so‘zni
siz tuproqqa ko‘mgaysiz.
Balki, menga ayon sirlar
sizga biroz o‘ng‘aysiz.
Menga Xudo bergan ishqqa
shunga ko‘zni yumgaysiz.
Men dunyoni sharh etsam ham
baribir tushunmaysiz.

Ko‘ngildan arz etsam, sizlar
qaydan so‘rayapsizlar?
Nafas bo‘lib kirgan qolib,
loydan so‘rayapsizlar.
Gul shirasi bol bo‘lguncha
ming to‘lg‘ongan arining
qismatini boldan emas,
maydan so‘rayapsizlar.
Qay es bilan ishq sharhini
Qaysdan so‘rayapsizlar?
O'z-o'zidan adashganga
Najot bo'ladi qay iz?
Men dunyoni sharh etsam ham
Baribir tushunmaysiz.

Qarang,  ikki qanot bilan
bir o‘ram go‘sht uchyapti,
Bu qushlari yolg‘on, tandan
ruh degan qush uchyapti.
Dunyosining sumbatiga
bino qo‘yib yurganlar
bu dunyodan xas ololmay
qo‘li bo‘m-bo‘sh uchyapti.
Ey, kuyini yo'qotganlar,
navo bo'lmaydi naysiz.
Men dunyoni sharh etsam ham
baribir tushunmaysiz.

Milliard zarra birlashgay-u
Bir vujudga jam bo'lgay,
Kimda nedir ortiq bo'lgay,
Kimda nedir kam bo'lgay,
Yo qumursqa, yo burgut, yo
hazrati Odam bo'lgay.
Ne bo'lsa ham bir hikmat bor,
hukmi muhtasham bo'lgay,
Va barchasi avval-oxir
yo'q bo'lgay, adam bo'lgay,
Qo‘yib bersa bu olamga
ustun bo‘lmoqqa shaysiz.
Men dunyoni sharh etsam ham
baribir tushunmaysiz.

© Suhrob Ziyo

@Dil_Dost
636 1 3 10
Dilmurod DO'ST | she'rlar

25 Oct, 15:07

Telegram'da ochish Ulashish Shikoyat qilish
#Tabrik

🎉 Bugun shoir inim Suhrob Ziyoning tugʻilgan kuni.

Suhrob hayrat atalmish noyob kashshofni oʻzida pokiza saqlab qololgan.
Uning oʻshal hayratlar hosilasi boʻlgan goʻzal sheʼrlari allaqachon oʻz muxlislarini topib ulgurgan.
Suhrobga uzoq umr, salomatlik tilaymiz!

* * *
Bu shaharning devorlari mo'l,
Bu dunyoning yo'llari dovli.
Uch tomonga boshlab ketar yo'l
Men, Suhrob va ko'ngil uchchovni.

Ko'zlarimni yumdim... va xayr,
Endi uzun bir she'r aytaman.
Birlashmasa agar bu yo'llar,
Men o'zimga qanday qaytaman?!

© Suhrob Ziyo

@Dil_Dost
537 1 4 5
Dilmurod DO'ST | she'rlar

25 Oct, 08:20

Telegram'da ochish Ulashish Shikoyat qilish
Najmiddin Ermatov dan repost
Икки нафар ўғлим бор: Акбар ва Алп Арслон! Шу кунларда учинчиси дунёга келгандек шодман, отини “Турон соғинчи” атадим!
“Излам” рукнида шу номдаги шеърий китобим босмадан чиқди. Бунинг учун Академнашрга, унинг раҳбари—замона жадиди Санжар Назарга, китоб муқовасини улуғвор ишлаган Баҳриддин Бозоровга ва барча нашриёт ходимларига миннатдорлик билдираман.
Сизларга ҳам бир юмиш бор: китобни сотиб олинг, совға қилинг, ўзингиз туғилган қишлоқ, ўқиган мактабларингиз кутубхоналарига улашинг! Нашриёт ва муаллифни қўллаб қувватлашнинг йўлидир бу!!!

Оnlayn buyurtma: t.me/akademsavdo

Tel: 99 433-16-77

Manzil: t.me/Akademnashr/1461
Ish vaqti: 9:00 — 18:00 (dushanba - juma)
193 0 0 5
Dilmurod DO'ST | she'rlar

24 Oct, 16:33

Telegram'da ochish Ulashish Shikoyat qilish
Orif Tolib dan repost
Ilk uchrashuv

Atoqli rus shoiri Vladimir Mayakovskiy politexnika institutiga uchrashuvga boradi. U yerda nutq soʻzlayotib:

– Men ruslar orasida oʻzimni rus deb his qilaman, gruzinlar orasida esa gruzin... – deydi. Shu payt:

– Ahmoqlar orasida-chi? – deb baqiradi kimdir zaldan.

– Ahmoqlar orasida birinchi bor boʻlishim, – deb javob beradi shoir oʻsha zahotiyoq.

👉 Mashhurlar hayotidan

@oriftolib
192 0 3 9
Dilmurod DO'ST | she'rlar

21 Oct, 16:33

Telegram'da ochish Ulashish Shikoyat qilish
Bobur Elmurodov dan repost
Video oldindan ko‘rish uchun mavjud emas
Telegram'da ko‘rish
Tajohil-ul orif

(Men tahsil olgan Zahiriddin Muhammad Bobur nomli oʻrta maktabning aziz ustozlariga bagʻishlanadi.

Manzil: https://t.me/Bobur_Elmurod
188 0 1 3
Dilmurod DO'ST | she'rlar

13 Oct, 12:41

Telegram'da ochish Ulashish Shikoyat qilish
Jadidmedia | yangiliklar dan repost
❗️
🍁 Kuz ilhomlari
Oltin fasl haqida she'rlar

Ko‘m-ko‘k ekan, sarg‘aydilar yaproqlar
Og‘riq, mag‘lub, tutqun Sharqning yuzidek.
Bo‘ronlarning ko‘zlarikim o‘ynoqlar
G‘olib G‘arbning qonga to‘lgan ko‘zidek.


📱 Batafsil: jadid-media.uz/kuz-ilhomlari

✅ Jadidmedia’ga obuna bo‘ling
238 0 2 2
Dilmurod DO'ST | she'rlar

10 Oct, 16:03

Telegram'da ochish Ulashish Shikoyat qilish
2024-yil Adabiyot bo‘yicha Nobel mukofoti Xan Kangga berildi


2024-yil Adabiyot bo‘yicha Nobel mukofoti janubiy koreyalik yozuvchi Xan Kangga "tarixiy jarohatlarni teran yorituvchi va inson hayotining nozikligini ochib beruvchi ta’sirchan she’riy nasri uchun" berildi.

Xan Kang o‘z asarlarida tarixiy jarohatlar va ko‘zga ko‘rinmas qoidalarni tadqiq etadi hamda har bir ijodida inson hayotining mo‘rtligini namoyon qiladi.

U jism va ruh, tiriklar va marhumlar o‘rtasidagi aloqalarni noyob tarzda anglaydi va o‘zining she’riy hamda tajribaviy uslubi bilan zamonaviy nasrda yangilik yaratuvchiga aylandi.

@Dil_Dost
233 0 1 1
Dilmurod DO'ST | she'rlar

2 Oct, 09:37

Telegram'da ochish Ulashish Shikoyat qilish
ШОИРЛАРНИНГ БАРИ ҚЎШХОТИН...

Шоирларнинг бари бевафо,
Қўш хотинлик бари-бариси.
Битта уйда эр-хотин аро
Кундош яшар – илҳом париси.

Бир истисно – Навоий ҳазрат,
Садоқати даҳоларга хос.
Устоз икки паридан фақат
Биттасига уйланган холос...

© Эркин Воҳидов

@Dil_Dost
302 0 4 9
Dilmurod DO'ST | she'rlar

27 Sep, 09:35

Telegram'da ochish Ulashish Shikoyat qilish
324 0 0 3
Dilmurod DO'ST | she'rlar

26 Sep, 09:24

Telegram'da ochish Ulashish Shikoyat qilish
Alibek Anvariy dan repost
Hurmatli, she'r muhiblari! Badiiy teleportatsiyaga oid yakuniy so‘rovnomada qatnashing. Yuqoridagi sarbast she'rda muallifning subyektiv his-tuyg‘usi sizning qalb-u shuuringizda asar qoldirdimi? Javobingiz biz uchun muhim. Tashakkur.
So‘rovnoma
  •   Juda ta'sirlandim. Shoirning tuyg‘usi menga ham ko‘chdi. Ko‘zim yoshlandi...(16-35 yoshdaman).
  •   Juda ta'sirlandim. Shoirning tuyg‘usi menga ham ko‘chdi. Ko‘zim yoshlanmadi... 35-60 yoshdaman).
  •   Juda ta'sirlandim. Shoirning tuyg‘usi menga ham ko‘chdi. Ko‘zim yoshlandi...(60 + yoshdaman).
  •   Ta'sirlanmadim. Ko‘zim yoshlanmadi...(16-35 yoshdaman).
  •   Ta'sirlanmadim. Ko‘zim yoshlanmadi...(35-60 yoshdaman).
  •   Ta'sirlanmadim. Ko‘zim yoshlanmadi...(60+ yoshdaman).
781 ta ovoz
260 0 0
Dilmurod DO'ST | she'rlar

26 Sep, 09:24

Telegram'da ochish Ulashish Shikoyat qilish
Alibek Anvariy dan repost
▫️▫️▫️


Bizni baxt yaratgan.

Qishloqdagi onamizga
o‘xshash baxt.

Ammo uni
tashlab ketdik.

Ba’zan sog‘inib
ko‘rgani boramiz.
Yayraymiz uyida.
Ammo
Mehmonligimizni
sezib turamiz.

Baxtdan naridagi hayot
baribir bizniki.

Ketish kerak…

Baxt bizni quchoqlab
xayrlashar,
Labida tabassum,
ko‘zlarida yosh.

Ba’zan baxt
sog‘inib ko‘rgani keladi.

O‘shanda bayram.
Bolalarga o‘xshab qolamiz.

Birdan ketishga hozirlanar.
“Qol”, deymiz.
Ammo so‘zlarimizdan
samimiyat qochganini,
allaqachon sezgan.
Aniq biladi
bebaxtlikka ko‘nikkanimizni.

Mahkam quchoqlab
xayrlashar.
O‘pib,
hidlab xayrlashadi.

“Bir ongina
baxtni ko‘rsak edi,
o‘ylaymiz
yurak orziqqanda,
Bir damgina diydoriga to‘ysak”.

Bir kuni baxtni
ko‘mgani boramiz.
Yig‘laymiz.

Anglaymiz:
biz o‘ldirganmiz
bu baxtni;
bizni sog‘inib
o‘lgan bu baxt.

Endi
bizni yo‘qlab,
hech kim kelmaydi.
Endi biz
hech kimni
yo‘qlab bormaymiz.

Endi bemalol
yashash mumkin.
Endi bemalol
o‘lsak ham bo‘laveradi…


Usmon Azim
192 0 2 2
Dilmurod DO'ST | she'rlar

24 Sep, 09:46

Telegram'da ochish Ulashish Shikoyat qilish
МЕНГА ХУШХАБАР АЙТ...

Менга хуш хабар айт, ёлғон бўлса ҳам…
Дарду машаққатлар ўтгайдир бари,
Ўксима, оёққа тургайсан, деб айт.
Умрингнинг фараҳбахш, тотли онлари
Ҳали олдиндадир, кўргайсан деб айт.

Менга хуш хабар айт, ёлғон бўлса ҳам...
Дўстларинг бордир-ку ҳали дунёда,
Сени кулфатларда қолдирмас деб айт.
Ёвузлик бўлса ҳам ҳаддин зиёда
Сени чангалига олдирмас, деб айт.

Менга хуш хабар айт, ёлғон бўлса ҳам…
Олис муҳаббатинг юрибди дегил.
Сарғайган дафтарин варақлаб пинҳон,
У сени тушида кўрибди дегил.

Менга хуш хабар айт, ёлғон бўлса ҳам…

© Абдулла Орипов

@Dil_Dost
409 0 10 6
20 ta oxirgi post ko‘rsatilgan.