Dilmurod DO'ST | she'rlar

@Dil_Dost

Kanal geosi va tili: O‘zbekiston, O‘zbekcha

Toifa: Telegram

Икр-фикрлар, у-бу, шу-шу дегандек...
Донат учун:
https://tirikchilik.uz/dil_dost
Мурожаат учун: @DilDostgaMurojaatBot

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Statistika

Saralanganlar

Postlar filtri

O‘chirilganlarni yashirish

Repostlarni yashirish

Dilmurod DO'ST | she'rlar

9 Mar, 16:20

Амирқул Пўлкан dan repost

01:47

Video oldindan ko‘rish uchun mavjud emas

Telegram'da ko‘rish

#Пўлканхонлик

АРМОНИМ

🖌️ Амирқул Пўлкан шеъри
🎤 Дилмурод Дўстбеков ўқиди

https://t.me/amirqulpulkan

39 0 1 2

* * *
Ёмғирлар қўшиғи янграйди боғда,
Чаманлар ҳуснига боқ. Жуда кўркам.
Шундайин ғанимат, фоний бир онда,
Кел, сайр қилайлик бирга, маликам.

Ҳижрон доғларини ювиб кетсин ул,
То васлингга зарра қолмасин шубҳам.
Кўнглим гулзорида асраганим — гул,
Кел, сайр қилайлик бирга, маликам.

Иста, ёмғирпўшни қилайлик пана,
Қучоқ очайлик ё томчига, эркам.
Яратган раҳматин, булут ҳимматин
Бирга қаршилайлик, келгин, маликам.

Йўллар тугамаса, ёмғир тинмаса,
Бир жуфт қуш мисоли қўнишиб, кезсак...
Ғуборлардан холи бўлган дунёда
Покиза муҳаббат борлигин сезсак.

Кел, сайр қилайлик бирга, маликам...

© Дилмурод ДЎСТ

270 1 3 2

Dilmurod DO'ST | she'rlar

6 Mar, 21:07

Амирқул Пўлкан dan repost

01:14

Video oldindan ko‘rish uchun mavjud emas

Telegram'da ko‘rish

#Пўлканхонлик

“ЭЙ ГЎЗАЛ…”

🖌️ Амирқул Пўлкан шеъри.
🎤 Дилмурод Дўстбеков ўқиди.

https://t.me/amirqulpulkan

102 0 0 3

Dilmurod DO'ST | she'rlar

4 Mar, 22:02

ИККИ ХУШОМАДГЎЙ

Икки хушомадгўй учрашди бир кун,
Очиғи, тажриба алмашмоқ учун.

Шундоқ гапни бошлаб қолди ҳаваскор:
– Менинг қалбим тўла ғурур, ифтихор.

Охири меники бўлди хўжайин,
Ишларим юришиб кетмоғи тайин.

У кун ўзларини яладим анча,
Товонидан тортиб тиззасигача.

Гал келди иккинчи хушомадгўйга,
Гапин бошлади у, толган-ча ўйга:

– Ҳозирги касбдошлар ўзгарган буткул,
Камтарликни билмас, мақтанар нуқул.

Мана биз донгдормиз, танийди ҳар ким,
Лекин ўтирибмиз, гердаймасдан жим.

Айтсам ишонмайсан, эҳ содда укам,
Ялаганмиз ундан юқорисин ҳам.

©️Абдулла Орипов

170 0 2 7

Dilmurod DO'ST | she'rlar

3 Mar, 21:45

Обид ҚЎЛДОШ олами dan repost

Баъзан ўқишга арзигули шеърлар ҳам тавсия қиламиз.

Дилмурод ДЎСТ шеърларини мутолаа қилиб кўринг-чи...

https://t.me/azob4

187 0 1 7

Dilmurod DO'ST | she'rlar

3 Mar, 10:51

Madaniyat va ma'rifat /Rasmiy kanal/ dan repost

01:25

Video oldindan ko‘rish uchun mavjud emas

Telegram'da ko‘rish

#qaqnus

✍️ Mansur Jumayev
🎙 Dilmurod Do'st

📺 "Qaqnus"

Ijtimoiy tarmoqlardagi rasmiy sahifalarimiz.⬇️
🎥Instagram|🟦Facebook
☎️ Telegram |🟥YouTube

170 0 2 8

Dilmurod DO'ST | she'rlar

3 Mar, 08:40

* * *
Биламан, бу гал ҳам жавоб ёзмайсан,
Бу гал ҳам кўзларим йўлингда қолар...
Бепарво ўтарсан, бу гал ҳам гулюз,
Бу тун ҳам умримни ҳижронлар олар.

Биламан, ўтганда нигоҳинг осмон,
Биламан, атайдан ҳолим сўрмайсан.
Балки севмасдирсан жон қадар, аммо
Биламан, сен мени ёмон кўрмайсан...

© Дилмурод Дўст

226 0 3 10

Dilmurod DO'ST | she'rlar

1 Mar, 04:05

ҚУТЛОВ

На бўлғай яшашни сал осон қилсанг,
Қил сиғмаган кўнглинг
Шуълага тўлсин.
Ҳар намоз орасин Рамазон билсанг,
Бир кунда беш ҳайит
Муборак бўлсин!

© Аъзам ЎКТАМ

@Dil_Dost

356 1 1 10

Dilmurod DO'ST | she'rlar

28 Feb, 10:01

#Табрик

Бугун шоира Наргиза Одинаеванинг туғилган куни!
🎉🎉🎉🎉🎉🎉🎉🎉🎉

Наргиза ОДИНАЕВАга

Борса келмасгача томон йўналган
Йўлдан одимлайди вақтнинг карвони.
Тонгу шом оралаб кетиб борар жим,
Манзилин билмаган одамнинг жони.

Ўйловдимки, бу йўл кўкка элтади,
Баландлаб борамиз қадам-бақадам.
Руҳу тан бирлашиб Сўзга айланса,
Зинапоя бўлса қоғозу қалам.

Лек, ер тортиш кучи таъқиб этади,
Тупроқтан жонимнинг ҳаловатини.
Тобора ўзимни таниб бораман,
Ҳис қилиб таъқибнинг ҳалокатини.

Йўлда шундайин ҳур қўшиқ куйладим,
Жўр этиб Ул Гўзал мажнунларини.
Ишим қолипларни парчалаш бўлди,
Мудом буздим нафснинг қонунларини.

Ва шунда билдимки, чорламоқда кўк,
Нарвонга дўнмоқда йўлдаги куйим.
Ва шунда билдимки, мен озод бир руҳ,
Тан — шунчаки, йўлда урф бўлган кийим.

Дилмурод ДЎСТ

Telegram | Facebook | You tube | Instagram

562 1 3 1

Dilmurod DO'ST | she'rlar

27 Feb, 17:15

Madaniyat va ma'rifat /Rasmiy kanal/ dan repost

01:37

Video oldindan ko‘rish uchun mavjud emas

Telegram'da ko‘rish

🎤 "Qaqnus" – Mansur Jumayev xotirasiga bag‘ishlanadi

📚 Adabiyot osmonida porlagan yulduz…
✍️ Ijodiy meros, unutilmas satrlar va yuraklarni larzaga soluvchi xotiralar.

🕘 Bugun 21:00 da "Qaqnus"ni tomosha qiling!

#Qaqnus #Anons

Ijtimoiy tarmoqlardagi rasmiy sahifalarimiz.⬇️

🎥Instagram|🟦Facebook
☎️ Telegram |🟥YouTube

156 0 1 4

Dilmurod DO'ST | she'rlar

26 Feb, 06:57

Мансур ЖУМАЕВ шеърлари dan repost

САРДОБАДА

Дилмурод ДЎСТга

Нима фойда ёзғириб
йўллар совуқ мор бўлса,
Гулистоннинг ёмғири
Сардобада қор бўлса?!

Соя солган паҳлавон
булутмикан, тоғмикан...
даштлардаги қадрдон
омонмикан, соғмикан?!

Кенгликларни кўмса қор,
кўркин кўрар чоғлар йўқ.
Сардобада шўрхок бор,
Сардобада тоғлар йўқ...

Тун,
отелда ҳисобот
тўлдирса тўлиб кучга,
кечиргайми шоирни
блокнот билан ручка?!

Билса оёқ, бош қанда,
дурустмикан оғлари:
кетган бўлса Тошканга
Сардобанинг тоғлари?!

25 февраль 2021 йил, Сардоба.

© Мансур ЖУМАЕВ

192 0 2 14

Dilmurod DO'ST | she'rlar

21 Feb, 07:25

01:19

Video oldindan ko‘rish uchun mavjud emas

Telegram'da ko‘rish

Сен гўзал ўғрисан, нетай, энди ҳеч
Кўнгилни ўғридан тозалаб бўлмас.
Энг алам қилгани сендай ўғрини,
Ҳеч бир қонун билан жазолаб бўлмас!

Дилмурод Дўст

📺 "Қақнус"

👉 @mm_telekanal

701 1 14 15

Dilmurod DO'ST | she'rlar

17 Feb, 17:18

Jadid.uz dan repost

01:15

Video oldindan ko‘rish uchun mavjud emas

Telegram'da ko‘rish

⏳⏳⏳⏳

17-fevral – shoir Mansur Jumayev tavallud topgan kun

***
Necha bor qalbingda tikladim qasr,
Ayriliq bo‘roni buzdi muttasil.
Nechun yana qattiq
qish kelayotir,
Bahor emasmidi biz kutgan fasl?!

Sahroyi sevgimiz ko‘kargan dashtim,
Sog‘inch o‘rdasida muncha savashtim?..
Nahot, adashtirdim, nahot, adashdim,
Bahor emasmidi biz kutgan fasl?!

Sevildik – sevindik, ammo aqlli
Zotlardek bo‘lmadik sipo shaklli,
Ertaroq nishonlab qo‘ydik shekilli,
Bahor emasmidi biz kutgan fasl?!

Azizim, asalga evrilsin zahr:
Sevgida saxiy bo‘l, nafratda – baxil,
Bahorga aylantir qishni ham, axir,
Bahor emasmidi biz kutgan fasl?!
Bahor emasmidi biz kutgan fasl?!

Tilda, fikrda, ishda birlik!

Jadid.uz | Telegram | Facebook | Instagram | YouTube

256 0 1 6

Dilmurod DO'ST | she'rlar

17 Feb, 04:07

TAKLIFNOMA

2025-yil 17-fevral kuni soat 15:00da O‘zbekiston Yozuvchilar uyushmasida zo’r shoir Mansur Jumayevning "Hazrati ishq" kitobi taqdimoti bo‘lib o‘tadi.

@Dil_Dost

266 0 0 8

Dilmurod DO'ST | she'rlar

16 Feb, 06:07

ЙЎЛОЛДИ НИЯТ

Ўзим билан дучлатдинг,
Ўзим билан дўст қилгин.
Бу дўстликни ёмондан
Йироқ, бекам-кўст қилгин.
Виждонимни бўйимдан
Баланд қилгин, уст қилгин.

Дарё дил бер, ул дарё
Тошиб, музни билмасин.
Чанқоққа сув тутиб у
Кейин миннат қилмасин.
Гар чанқоқ босмас бўлса,
Унда дарё бўлмасин.

Саманим қанотига
Куч-қувват бер, қудрат бер.
Эл қатори бизга ҳам
Назарингдан ҳиммат бер.
Овозимга ҳикмат бер,
Парвозимга ҳикмат бер.

Дардмандга даъво бўлсин,
Ҳар дардим дармон деб бер.
Товоним ерга михлаб
Курагим осмон деб бер.
Боққа мени, андалиб
Тўра Сулаймон деб бер.

© Дилмурод Дўст

@Dil_Dost

265 0 2 14

Dilmurod DO'ST | she'rlar

15 Feb, 08:38

* * *
Ўнгда раҳмон — чапда шайтон.
(Халқ нақли)

Йўлда ўнгдан юриш бу — йўл қоидаси!
Йўлдамисиз?..
Демак, амал қиласиз.
Гар, уни бузгудай бўлсангиз шу он,
Жазо муқаррардир, буни биласиз.

Умр — йўл...
Шу қоида унда ҳам жорий,
Лек, мудом виждоннинг ипин узасиз.
Жазо тайинлигин билиб туриб ҳам,
Йўл қоидасини нега бузасиз?!

© Дилмурод ДЎСТ

@Dil_Dost

271 0 6 9

Dilmurod DO'ST | she'rlar

13 Feb, 23:20

O’tgan yili…

323 0 1 2

Dilmurod DO'ST | she'rlar

12 Feb, 19:13

Lirika dan repost

She'riy Konsertga BEPUL CHIPTA 🎉

Vodiyda ilk bor o‘tkazilayotgan she'riy konsertga bepul chipta yutib olishni xohlarmidingiz? Balki, kitob yutgingiz bordir?

Bu ajoyib imkoniyatni qo‘ldan boy bermang. Ishtirok etish juda oson:

✅ 1-qadam: Lirika kanaliga a’zo bo‘ling.
✅ 2-qadam: Pastdagi “Yashasin she'riyat” tugmasini bosing.

🎁 Telegram orqali 3 nafar g‘olib tasodifiy tanlanadi:

- 1 va 2-g'olibga: She'riy konsertga chipta + Aziz Saidning "Vaqt manzili" kitobi (muallif imzosi bilan).
- 3-g'olibga: "Yashamoq" va "Vaqt manzili" kitoblari sovg‘a sifatida taqdim etiladi.

📅 G‘oliblar 16-fevral, soat 20:00 da e’lon qilinadi.

🎟 P.S. Chipta yutib olsangiz-u, kela olmasangiz xavotir olmang - uni farg'onalik do'stingizga sovg'a qilishingiz mumkin!

@lirika_loyihasi

Yashasin she'riyat (94)

288 0 0 4

Dilmurod DO'ST | she'rlar

10 Feb, 08:08

✨#eski_daftardan🦋

ЎН БАРМОҚЛИ ТИЛ

Вокзал.
Ўн саккиз ёшли бир гунг йигитча,
Тирикчилик қиларди ҳаммоллик билан.
Юк ташир, елкалаб ҳаёт ташвишин
Яшарди меҳнатда, ҳалоллик билан.

...Бир кун
мисли кўкда моҳдай дилобар,
Кўзлари мунчоқдек, хушқомат, лобар.
Ҳурлиқо имламиш ҳаммол йигитни.
(Йўлқутилар турар, ғамга баробар)

Йигит унутганди дунёю дунни,
Ўтган бедор тунлар, ҳам оғир кунни.
Моҳмонанд қизни у севиб қолганди,
Изҳори дил учун излар бир унни.

Таассуфки, бехабар кетиб борар қиз...
Бир алам тирнарди йигит дилини.
Айни дам изҳорга имконсиз эди,
Банд қилганди юклар унинг тилини.

✍️Дилмурод ДЎСТ

👉 Telegram | Facebook | You tube | Instagram 👈

280 0 3 6

Dilmurod DO'ST | she'rlar

9 Feb, 06:58

Bobur Elmurodov|she’rlashuv dan repost

Soʻz mulkining sultoni

Jannat eshiklari koʻp,
Bir-bir oʻqiyman nomin:
“Bu yerda olim yashar”,
“Bu yerda yashar moʻmin”.

Titrab ketdim nogahon,
Koʻzlarim tushgan oni.
Bir eshikda yozilmish:
“Soʻz mulkining sultoni”.

Sezdim – ushbu dargohdan
Kelar jannat nafasi.
Salom berib yuzlandi
Menga eshik ogʻasi.

Dedi: men bilgum sizni –
Yomon ashʼor bitmassiz.
Faqat bir aybingiz bor,
Navoiyni bilmassiz.

Garchi rostgoʻy erursiz,
Garchi turkiy erursiz.
Bu eshikdan Hazratni
Anglaganda kirursiz.

Avvalo, doʻst tutining
Qalam birla xat bilan.
Yana qancha oʻqiysiz
“Xamsa”ni lugʻat bilan.

Oʻrganmaysiz ming hunar,
Qamishdan bogʻlab belni.
Koʻrmagansiz oʻzga yurt,
Bilmaysiz oʻzga tilni.

Yetti vodiy kezmaysiz,
Dilga qilmaysiz safar.
Yuribsiz oʻttiz yoshda
“Qush tili”dan bexabar.

Farhod boʻlib kelmassiz,
Majnun boʻlib sevmassiz.
Kaʼbaning chin manzilin,
Nechun hamon bilmassiz.

Bu oʻgitlarimni – sheʼr,
Yoki qoʻshiq deb biling.
Hazratning har baytini
Oʻsha eshik deb biling.

Oʻng boʻldimi yoki tush,
Shundan beri boshqaman.
Navoiyga koʻz emas,
Koʻnglim bilan boqaman.

Nasib boʻlsa, anglarman,
Ochilur qalbim koʻzi.
Bir kun eshik qoqarman,
Ochar Hazratning Oʻzi...

© Bobur ELMUROD