Chortoq live | Расмий

⚖Franshizing shartnomasi nima ? Franshizing shartnomasi - bir taraf ikkinchi tarafga haq evaziga litsenziarning firma nomidan hamda qo‘riqlanadigan tijorat axborot tizimidan, shuningdek, shartnomada nazarda tutilgan mutlaq huquqlarga kiruvchi boshqa obyektlardan (tovar belgisi, xizmat ko‘rsatish belgisi va boshqalar) litsenziatning tadbirkorlik faoliyatida foydalanish huquqini o'z ichiga olgan mutlaq huquqlar kompleksini berish majburiyatini tuklaydigan shartnoma.



🏛Uychi tuman adliya bo‘limi davlat xizmatlari markazi Ismoilov Akramjon ma‘lumot berdi.

@ChortoqLive

#Bilasizmi

"Litsenziya" axborot tizimi orqali "Nodavlat ta’lim xizmatlarini ko‘rsatish sohasidagi faoliyatni litsenziyalash" mumkin.

🔸Murojaatlar:

– "Litsenziya" AT - license.gov.uz;
– YIDXP – my.gov.uz qabul qilinadi:;

🔰Xizmatdan foydalanuvchilar: Yuridik shaxs

💸Arizani ko‘rib chiqish uchun to‘lanadigan yig‘im miqdori: 660 000 so'm (BHMning 2 baravari)

💸Litsenziya berilganligi uchun davlat boji miqdori: 3 300 000 so'm BHMning 10 baravari

⏱Arizani ko‘rib chiqish muddatlari: 15 ish kunida (oliy ta’lim turi bo‘yicha 30 ish kunida)

🔅Litsenziyaning amal qilish muddati: cheklanmagan

❗️Muhim ma’lumot: Nodavlat ta’lim xizmatlari ko‘rsatuvchi yuridik shaxslarga ta’limning har bir turi uchun alohida litsenziya beriladi. Litsenziyada faoliyatning litsenziyalanayotgan turi, ta’lim faoliyati yo‘nalishlari ro‘yxati va ta’lim shakllari aniq ko‘rsatiladi.

Uychi tumani adliya bo'limi DXM yetakchi mutaxassisi Sh.Ummataliyey

@ChortoqLive

Tadbirkorlik subyektlarini davlat ro‘yxatidan o‘tkazishni, qayta ro‘yxatdan o‘tkazishni rad etish uchun nima asos bo'ladi?

- Hukumat qarori bilan tasdiqlangan “Tadbirkorlik subʼektlarini davlat ro‘yxatidan o‘tkazish tartibi to‘g‘risida”gi nizomga asosan:

- davlat boji to‘lanmaganligi yoki uning to‘liq bo‘lmagan miqdorda to‘langanligi;

- Nizomda nazarda tutilgan holatlarda tegishli bo‘lmagan ro‘yxatdan o‘tkazish organiga murojaat qilinganligi;

- Hujjatlar va (yoki) maʼlumotlar to‘liq bo‘lmagan hajmda taqdim etilganligi;

- qonun va taʼsis hujjatlari bilan vakolat berilmagan organ tomonidan taʼsis hujjatlarini tasdiqlash (xulosaga kelish), ularga o‘zgartirish va (yoki) qo‘shimchalar kiritish to‘g‘risida qaror qabul qilinganligi;

- qonun hujjatlari bilan ustav fondining miqdoriga doir talablar bajarilmaganligi;

- yuridik shaxsning manzilini o‘zgartirishda yuridik shaxsning BHMning uch yuz baravaridan ortiq soliq qarzi mavjudligi yoki soliq hisobotlarini topshirmaganligi;

- ulushning (hissaning) boshqa shaxsga o‘tkazishda, muassisning muassislar ro‘yxati o‘zgarishiga roziligi mavjud emasligi;

- firma nomining  “Firma nomlari to‘g‘risida”gi Qonunga muvofiq emasligi;

- ta’sis hujjatlarini barcha ishtirokchilar tomonidan imzolanmaganligi;

- ustav fondining miqdori kamaytirilganda korxona kreditorlari belgilangan tartibda xabardor qilinmaganligi;

- tadbirkorning manzil ma’lumotlari soliq va kadastr organlarining ma’lumotlar bazalarida mavjud emasligi;

- tadbirkor tanlagan tashkiliy-huquqiy shakli qonunchilik hujjatlarida mavjud emasligi.

Xojiyev Baxtiyor
Uychi tuman adliya bo'limi Davlat xizmatlari markazi katta mutaxassisi

@ChortoqLive