Buxoro tumani hokimligi

Buxoro tumanida gʻalla parvarishiga bag‘ishlangan ko‘rgazmali seminar

Buxoro tumanidagi “Panji Fayz Obod” fermer xo‘jaligi dalasida viloyat hokimi o‘rinbosari A.Nazarov, tuman hokim A.Ochilov boshchiligida tuman hokimlarining qishloq va suv xo‘jaligi masalalari bo‘yicha o‘rinbosarlari, o‘simliklar karantini va himoyasi ilmiy-tadqiqot instituti olimlari, “Agroinspeksiya” va irrigatsiya bo’limi xodimlari hamda fermer xo’jaliklari rahbarlari ishtirokida gʻalla maydonlarini oziqlantirish, suspenziya sepish va yomg’irlatib sug’orish texnalogiyalarini keng joriy etish bo‘yicha viloyat ko‘rgazmali seminar bo‘lib o‘tdi.

Seminarda dastlab, g‘alla parvarishi va bugungi kun yumushlarini tahlil qilinib, bug‘doyni mineral va mahalliy o‘g‘itlar bilan oziqlantirish, sug‘orish, dala chetlarini obodonlashtirish, ichki sug‘orish tarmoqlarini betonlash, chigit ekishga tayyorgarlik masalalariga batafsil to‘xtaldi.

Tadbirda so‘zga chiqqanlar bug‘doy hosildorligi va don sifati o‘simlikning o‘sish davrida yetarli miqdordagi zarur minerallardan iborat ozuqa elementlari bilan ta’minlanish darajasiga bog‘liq ekanligini qayd etdi. G’allani oziqlantirishda mineral o‘g‘itlar to‘g‘ri tanlab qo‘llanilsa, bug‘doydan yuqori va sifatli hosil olish mumkinligi ta’kidlandi.