𝘽𝙪𝙭𝙤𝙧𝙤 𝙫𝙞𝙡𝙤𝙮𝙖𝙩𝙞 𝙁𝙑𝘽/ УЧС Бухарской области

"RAHBAR VA YoShLAR" UChRAShUVI

Yangi O'zbеkiston yoshlarining farovon va baxtiyor kеlajagini ta'minlash maqsadida yoshlar bilan ishlash tizimini takomillashtirish, ularning qalbida vatanparvarlik tuyg'usini shakllantirish, ona vatanga va xalqiga sadoqat bilan xizmat qilishda harbiy-vatanparvarlik ruhidagi tarbiyaning o'rni va ahamiyatini tobora oshirish maqsadida qator tadbirlar amalga oshirilmoqda. Jumladan, yoshlarga oid davlat siyosatining ajralmas qismi sifatida qonun ustuvorligini ta'minlash, korrupsiya illatining oldini olish, yoshlar ongini din niqobi ostidagi yot g'oyalardan asrash, vatan himoyasini eng ulug', eng aziz maqsad sifatida qo'yish kabi vazifalar egallagan.
Bugun, viloyat Monomarkazi binosida viloyat Harbiy prokurori, Favqulodda vaziyatlar boshqarmasi rahbariyati va mas'ullari, Yoshlar ittifoqi mas'ul xodimi ishtirokida tashkil etilgan "Rahbar va yoshlar" uchrashuvida ayni shu masalalar yuzasidan yoshlar bilan suhbat o'tkazildi. Yoshlarga harbiy sohaning Vatanimiz osoyishtaligini ta'minlash tizimidagi o'rni, xizmatga mas'uliyat bilan yondashish, sadoqat bilan xizmat qilish, sohada va ishga kirish chog'ida korrupsiyaga yo'l qo'ymaslik, din niqobi ostidagi yot g'oyalardan muhofazalanish, mamlakatimizda yoshlarga yaratib bеrilayotgan imkoniyat va sharoitlar to'g'risida fikr bildirildi. Uchrashuvga taklif etilgan yoshlar o'zlarini qiziqtirgan savollarga javob oldilar. Taklif va mulohazalar tinglandi.

𝑩𝒖𝒙𝒐𝒓𝒐 𝒗𝒊𝒍𝒐𝒚𝒂𝒕𝒊 𝑭𝑽𝑩
𝑨𝑿𝑩𝑶𝑹𝑶𝑻 𝑿𝑰𝒁𝑴𝑨𝑻𝑰