BUXGALTERIYA MALUMOTLAR | БУХГАЛТЕРИЯ МАЬЛУМОТЛАР

✅ Iyun oyidan boshlab o‘zbekistonliklar kredit olishga o‘zlari taqiqlov qo‘yishlari mumkin bo‘ladi.

🔒📄 Bu taqiqlov fuqaroning roziligisiz yoki xabarisiz kredit rasmiylashtirilishining oldini olish maqsadida joriy etiladi. Uni kiritish yoki bekor qilish uchun ariza kredit byurosiga, davlat xizmatlari markaziga yoki Yagona interaktiv davlat xizmatlari portali (YePIDU) orqali topshirish mumkin bo‘ladi.

💰🚫 Kredit byurosi ariza kelib tushgandan so‘ng darhol fuqaro ma’lumotlarini kredit olishni taqiqlovchi reyestrga kiritishi shart. Xizmat bepul taqdim etiladi, uning aniq tartibini Vazirlar Mahkamasi belgilaydi.

⚖️🚨 Banklar, mikro-moliya tashkilotlari va boshqa kredit muassasalariga fuqaroni ushbu reyestrda tekshirmasdan kredit rasmiylashtirish taqiqlanadi. Agar fuqaroning roziligisiz kredit ajratilsa, bunday muassasalar huquqiy oqibatlar uchun javobgar bo‘ladilar.

ℹ️✅ Shuningdek, kredit olishni taqiqlovchi reyestrdagi shaxslar haqidagi ma’lumotlar bepul taqdim etiladi.

@Buxgalteriya_malumotlar

Ҳудудларни секторларга бўлиб бошқариш амалиёти бекор қилинди

Бундан буён секторлар фаолияти билан прокурор, ички ишлар ва солиқ шуғулланмайди — президент.

Уларнинг ўрнига эндиликда Бош вазир ўринбосарлари ўзига тегишли соҳалар билан ўз кучи ва тизими билан шуғулланиши белгиланди.

@Buxgalteriya_malumotlar

Сунъий ҚҚС "возврати"дан миллиардлар ўмарилган

Ўтган йилнинг охирида жиноят ишлари бўйича Шайхонтоҳур тумани суди Солиқ қўмитаси Йирик солиқ тўловчилар бўйича ҳудудлараро давлат солиқ инспекцияси бош инспектори Авазбек Сотволдиев ва унинг 29 нафар жиноий шеригига ҳукм чиқарди.

Гап шундаки, у ўз ваколат ва имкониятларидан фойдаланиб, ҳамтовоқлари билан ўнта МЧЖ орқали ишлаб чиқариш, экспорт билан боғлиқ сохта амалиётлар ташкил этади, бу амалиётлар бўйича ҚҚСнинг салбий фарқини давлат бюджетидан қайтариш схемаларини бажаради, қайтарилган маблағлар эса жиноий гуруҳ аъзолари ўртасида тақсимланади.

Яъни сунъий равишда ҚҚС салбий фарқи яратилиб, давлат бюджетидан миллиардлаб маблағлар олиниб, талон-торож қилинган. Қонунни уни яхши билган бузади, дейишганидек, жиноий гуруҳ аъзолари томонидан ҳужжатлар қалбакилаштирилган, "тўғри расмийлаштирилиб" тизимга киритилган, зарур бўлса, пора берилган, пора олди-бердисига воситачилик қилинган.

Жиноий иш доирасида Авазбек Сотволдиевдан ташқари яна 29 кишига айблов эълон қилинган. Улар орасида МЧЖларни ташкил этган уддабуронлар, “қўғирчоқ” директорлар, Андижон вилояти Солиқ бошқармасининг 4 нафар масъул ходимлари, ҳисобчилар ва бошқалар бор. Судда аниқлашича, жиноий гуруҳ хатти-ҳаракатлари натижасида қарийб 168 млрд сўмлик маблағ транспорт воситалари, кўчмас мулк, тадбиркорлик субъектлари сотиб олиш йўли билан легаллаштирилган.

Суд ҳукмига кўра, Авазбек Сотволдиев 11 йилга озодликдан маҳрум этилди. Жиноий гуруҳнинг бошқа аъзолари ҳам турли муддатларга озодликдан маҳрум этилиб, айримлари шартли жазо олган.

Жиноий гуруҳнинг асосий ташкилотчи ва ижрочилари давлатга етказилган қарийб 168 млрд сўмлик зарарни ҳам солидар тартибда қайтариши керак бўлади.

Хотин-қизлар куни ва Наврўз байрами муносабати билан дам олиш кунлари:

◦ 8-март (шанба) – Хотин-қизлар куни (байрам);
◦ 9-март (якшанба) – Дам олиш куни;
◦ 10-март (душанба) – 5 кунлик иш ҳафтасида ишловчилар учун дам олиш куни, 6 кунлик иш ҳафтасида ишловчилар учун иш куни.
◦ 21-март (жума) – Наврўз байрами (байрам);
◦ 22-март (шанба) – 5 кунлик иш ҳафтасида ишловчилар учун дам олиш куни, 6 кунлик иш ҳафтасида ишловчилар учун иш куни.
◦ 23-март (якшанба) – Дам олиш куни.

☝️Меҳнат кодексининг 208-моддасига кўра, агар байрам дам олиш кунида бўлса, у кейинги иш кунига кўчирилади.