"БУНЁДКОР" МФЙ УЙДА ҚОЛИНГ

Бола 2000 сўмдан ниқоб сотяпти. Бир мижозга юзланиб:
— «Амаки, ниқоб олинг», деди.
Мижоз эса уни масхаралаб деди:
— «Ниқоб олишга пулим йўқ».
— «Бепул олаверинг», деди болакай.
— «Онангни жаҳли чиқмайдими?»
— «Онам, «Ҳозир ёмон касаллик тарқалган, пули бўлмаган одамларга ниқобни текинга бер», деганлар», деди болакай.

У — она. У — ахлоқ мадрасаси. У — яхшилик қилиш инқирозга юз тутган замонда яхшилик улашиш фурсатини бой бермасликни ўргатадиган буюк мадраса.

Оналар жамиятнинг ярмидир. Қолган ярми эса улардан туғилганлар.

Маҳалла фуқаролари диққатига. Эртага соат 8:00 да Наманган шаҳар бандликка кўмаклашиш марказида меҳнат ярмаркаси ўтказилади. Мазкур ярмаркада 40 дан ортиқ йирик иш берувчиларни иштирок этиши кўтилмоқда. Оилаларни меҳнатга лаёқатли оила аъзоларини мазкур ярмаркада иштирок этишини сўрайман. Ярмаркада қатнашувчилар "Бунёдкор" МФЙ дан келдик деб ёздириб қўйинглар.
Манзил: Бобур боғига кириш Чорсу бозори томонидан

#Рейд_тадбирлари

Тартибсиз тўйлар яна қанча ташвиш келтиради

Наманганда карантин юмшатилди дегани, тугатилди дегани эмас. Шундай қалтис вазиятда ҳар бир киши ўзини эҳтиёт қилиб яшашга, ишлашга ўрганиши ва ўзини ўргатиши керак. Бу вирусни авж олиши фуқароларнинг бежа-бесар ҳаракатланиши, карантин талабларига беписандларча қараб, ўзини муҳофаза қилмаслик оқибатида касалланиш ҳолатлари ортиб кетишига, жиддий вазиятни юзага келтиришга сабабчи бўлмоқда.

Наманган шаҳрининг “Тараққиёт” маҳалласи Оқ ер кўчасида яшовчи Хасанбой Каримов карантин қоидаларини бузиб 30 киши иштирокида ўтказмай тўй қилаётгани учун маъмурий баённома расмийлаштирилди. Худди шундай ҳолат “Гузар” маҳалласининг 1-уйида ҳамда “Яккатут” маҳалласидаги 1-уйда яшовчи фуқароларда ҳам аниқланиб тегишли тартибда чора кўрилди.
Шаҳар ИИО ходимлари ва тегишли мутасаддилар иштирокида олиб борилган рейд тадбири давомида бугун 8 сентябрь куни кечки соат 19:00да “Роял” тўйхонасида “Обиҳаёт” мҳалласида яшовчи фуқаро Турсунпўлат Абдуғаниев ўғлининг никоҳ тўйини белгиланган меъёрлардан чиқиб кенг тарзда ўтказаётгани аниқланди. Тўйхона раҳбари Аъзам Аҳроровга нисбатан Ўзбекистон Республикаси “Маъмурий жавобгарлик тўғрисида”ги Кодекснинг 54-моддаси 2-қисми билан баённома расмийлаштирилди.
Жумладан, ИИБ ходимлари томонидан пандемия даврида карантин талабларига риоя қилмасдан тўй кортежларида ҳаракатланган ҳайдовчилар ва тўй эгалари ҳам юқоридаги тартибда қонуний жавобгарликка тортилди.

@axborotxizmati

Қабристонда кеча ёққан қор
Милдир-милдир эриб ётибди.
Гўр устида бир ит инграб зор,
Лойга бағрин бериб ётибди.

Кеча тобут кўтарилган дам
У беором югурган-елган.
Қувсалар ҳам, тош отсалар ҳам
Эл ортидан мозорга келган.

Отасидан айрилса агар
Бунча куймас одам боласи.
Ёлғон эди кеча йиғилар,
Рост эди шу итнинг ноласи.

Совуқ тунда қотиб, дийдираб,
Қабрга у қўйиб ётди бош.
Эриган қор каби милдираб
Кўзларидан тинмай оқди ёш…

Биз инсонмиз, соҳиби дунё,
Қудратлимиз, мағрурмиз, тўқмиз.
Садоқатда, меҳрда аммо
Шу бечора бир итча йўқмиз...

©Эркин Вохидов .