Bozorshunos

Marketing sohasiga endi kirib kelayotganimda oʻz fikrimni aytsam "Qayerdan bilasan?" degan savol bilan yuzimga urishardi 😅

Har holda men yuzimga urishadi deb oʻylardim. Keyinchalik bildimku bu havodan statistika olib gapirmaslikka oʻrgatarkan.

Toʻgʻrisiyamda koʻrsatkich barmogʻini ogʻziga tiqib, namlab havoga 5 sekund tutib turib shimolga yuramiz deyish oʻrta asrlarda ishlatilgan texnika 😅 hozir u ish bermaydi.

Auditoriyaga hurmatsizlik qilmang va gapirayotgan gapingizni, yozayotgan postingizni manba bilan keltiring! Iltimos!

@Bozorsshunos - Marketing haqida

Farhod akani storieslari ekan 😁

Amaliyotda Ansoff Matritsasini qanday qilib amaliyotda qo‘llash mumkin?

1️⃣ Bozor va mahsulot tahlilini amalga oshirish
Strategiyani to‘g‘ri tanlash uchun bozor ehtiyojlari, raqobat muhiti va mijozlarning xatti-harakatlarini chuqur tahlil qilish kerak. Bilamizki bozor tahlili bizga bozorning jami hajmi haqida to'liq ma'lumot olishga yordam beradi.

2️⃣ Raqobatchilar strategiyasini kuzatish yoki raqobatchilar tahlili
Raqobatchilarni o'rganish, ularning bozor ulushi va mahsulot strategiyasini kuzatish kompaniyaga aniqroq yo‘nalish tanlashga va real imkoniyatlarini aniqlashga yordam beradi.

Qaysi strategiyadan foydalanish kerakligini shu ikki usulning o'zi bilan aniqlash mumkin ammo quyidagi tavsiyalarga ham amal qilish muhim!

3️⃣ Risklarni baholash va boshqarish
Diversifikatsiya kabi yuqori riskli strategiyalarni amalga oshirishda ehtiyot bo‘lish kerak. Kompaniya resurslari yetarli ekanligini aniq bilish bunda juda muhim.

4️⃣ Tajribalardan foydalanish
Ansoff Matritsasini qo‘llagan muvaffaqiyatli kompaniyalar tajribasidan o‘rganish muhimdir.

"Ushbu tahlillar xato bajarilsa yoki tavsiyalarga amal qilishga suskashlikka yo'l qo'yilsa nima bo'ladiiiii?"

- deysizmi?. Buning natijalarini biznes olamining haqiqiy "Titani"ning tarixi misolida ko'rib chiqishingiz mumkin)

Xalqaro Case-Study’lar: Qaysi Kompaniyalar Ansoff Matritsasini Qo‘llagan?
1. Nike – Mahsulotni rivojlantirish
Nike o‘zining mahsulot innovatsiyalariga qaratilgan strategiyasi orqali o‘sishni davom ettirmoqda. Misol uchun, ular "Nike Flyknit" texnologiyasini ishlab chiqib, poyabzal mahsulot qatorini kengaytirdi va sotuvlarni oshirdi.

2. McDonald's – Bozorni rivojlantirish
McDonald's Osiyo va Yaqin Sharq bozorlariga kirib, global miqyosda kengaydi. Ular mahalliy taomlarning xususiyatlarini inobatga olib, menyularini moslashtirish orqali muvaffaqiyat qozonishdi.

Izohlarda O'zbek brendlaridan qaysilari qanday strategiya qo'llayotganini tahmin qilib ko'ringchi...

Xulosa
Ansoff Matritsasi kompaniyaga strategik qarorlar qabul qilishda yordam beruvchi qudratli vositadir. Nike, Amazon va McDonald's kabi xalqaro brendlar bu modeldan foydalanib o‘z o‘sish strategiyalarini muvaffaqiyatli amalga oshirgan. Siz ham o'z korxonangiz strategiyasida Ansoff Matritsasini qo‘llashingiz mumkin.

Mabodo buning uchun ishonchli tadqiqotlar kerak bo'lsa khm-khm)

@Bozorsshunos - Marketing haqida!

Ansoff Matritsasi (1-qism)

Ansoff Matritsasi (Ansoff Matrix) kompaniyaning o‘sish strategiyasini rejalashtirish uchun mo‘ljallangan strategik boshqaruv vositasi. Ushbu vosita kompaniyaga bozordagi mavjud imkoniyatlardan maksimal foydalanish va yangi yo‘nalishlarni o‘rganish uchun strategik yondashuvni belgilashga yordam beradi. Matritsa, 1957-yilda Igor Ansoff tomonidan ishlab chiqilgan bo‘lib, hozirgi kunda butun dunyoda korporativ strategiya ishlab chiqishda qo‘llaniladi.

Xoʻoʻoʻoʻshsh 🤔 uni qanday qilib amaliyotga qoʻllash mumkin?. Ansoff Matritsasi Qanday Qismlardan Tarkib Topgan?.

Siz olovchani🔥 bosib qoʻying men esa davom etaman 😉

Ansoff Matritsasi to‘rtta asosiy strategik variantni taklif qiladi. Ular kompaniyaning mahsulotlari va bozorlari (mavjud va yangi) bo‘yicha ajratilgan:

1️⃣ Bozorni chuqurlashtirish (Market Penetration)

Mavjud mahsulotlarni mavjud bozorda sotishni oshirishga qaratilgan strategiya. Bu strategiya quyidagi yo‘llar bilan amalga oshiriladi:

- Raqobatchilardan bozor ulushini tortib olish.
- Xaridorlarni ko‘proq xarid qilishga undash (chegirmalar, aksiyalar).
- Yangi marketing kampaniyalari orqali brendni kuchaytirish.

Misol: Coca-Cola o‘zining mavjud mahsulotlari (Coke, Diet Coke) bo‘yicha marketing kampaniyalarini kuchaytirib, iste’molchilarni brendga yanada yaqinlashtirishga erishgan. Manba

2️⃣ Bozorni rivojlantirish (Market Development)

Mavjud mahsulotlarni yangi bozorlarga olib chiqish. Bu yangi geografik hududlar yoki yangi auditoriyalarni qamrab olishni o‘z ichiga oladi.

Misol: Koʻpgina katta korporatsiyalar o‘zining mavjud mahsulotlarini hali toʻliq egallanmagan Yevropa va Osiyo bozorlariga olib chiqib, global rivojlanishni amalga oshirgan.

3️⃣ Mahsulotni rivojlantirish (Product Development)

Mavjud bozorlarda yangi mahsulotlarni ishlab chiqarish va taklif qilish. Bu strategiya kompaniyaga mijozlarning o‘zgaruvchan ehtiyojlarini qondirish imkonini beradi.

Misol: Apple har yili yangi iPhone modellarini chiqarib, mavjud mijozlarga innovatsion yechimlarni taklif qiladi.

4️⃣ Diversifikatsiya (Diversification)

Yangi mahsulotlarni yangi bozorlarga olib chiqish. Bu strategiya yuqori riskli boʻlsa ham, katta mukofot va yutuqlar olib kelishi mumkin.

Misol: Amazon dastlab onlayn kitob savdosi bilan shug‘ullangan, keyinchalik esa AWS (Amazon Web Services) orqali texnologiya sohasiga diversifikatsiya qilgan.

Ertaga ikkinchi qism yani qanday qilib amaliyotga qoʻllash boʻyicha gaplashamiz 🌚

@Bozorsshunos - Marketing haqida!

📢 Storytelling strategiyasi: Brendlarni millionlab insonlar yuragiga joylagan qurol.

"Reklama aql bilan, tahlil va tadqiqotlardan keyin chiqarilgan insightlar asosida qilinadi" - deysizmi?. fikringiz tog'ri ammo reklamaga hissiyot qo'shmas ekansiz mijozlaringizning yuragigacha yetib bormaydi…

(Bu postga cubic hamjamiyatidan ilhomlanildi.) 

Bir reklama ko'rdingiz va unutib yubordingiz. Boshqasi esa sizni larzaga soldi, o'ylashga majbur qildi. Ammo nega?

Sababi, kuchli reklamalarda brendlar sizga mahsulot sotishdan oldin, hikoya sotadi. Storytelling - bu mijozlar bilan hissiy aloqa o'rnatishning eng kuchli vositasidir.

🔥 Nega storytelling marketingda muhim?
1️⃣. Hissiy bog'lanish yaratadi - Odamlar faktlarni unutishi mumkin, lekin hikoyalarni eslab qolishadi.
2️⃣. Brendni insonga yaqinlashtiradi - Xaridorlar mahsulotni emas, uning g'oyasini va berayotgan yechimini sotib olishadi.
3️⃣. Ishonch uyg'otadi - Real voqealar va mijoz tajribalari yangi mijozlar uchun kompaniyaga nisbatan ishonch hosil qilishga yordam beradi.

Quyida sizga mumtoz va ustamonlik bilan foydalanilgan storytelling misollarini keltiraman...

📈 Eng muvaffaqiyatli storytelling misollari:

📌 Nike: "Just Do It" - Faqat shior emas, butun kompaniya falsafasi

Nike o'z mahsulotlari haqida gapirmaydi. Ular sportchilar, oddiy insonlar va hatto nogironlar haqida hikoya qiladi. Hikoya shunday ilhomlantirardiki, odamlar Nike krossovkalarini sotib olishni xohlashdi, chunki bu ularning ham imkoniyatlarini kengaytirishiga ishonishdi.

📌 Apple: 1984 reklamasi - Qanday qilib brend inqilobiy bo'ldi?

Apple'ning ilk reklama roligi 1984-yilda Super Bowl'da namoyish etilgan. Unda Orwellning "1984" romaniga o'xshash distopiya tasvirlangan va Apple o'zini texnologiya dunyosini ozod qiluvchi sifatida ko'rsatgan. Natija? Millionlab odamlar Macintosh sotib olish uchun navbatga turdi.

📌 Aurus Pharm: "Bir inson g'alabasi"

Ayni damda Aurus Pharm korxonasida faoliyat olib boryapman, bu reklama uchun ulardan pul olmadimuuu mayli 😁 Bu videoda oddiy insonning faol turmush tarzi uchun qanday kurashganligi va argon unga qanchalik katta foyda bergani haqida ajoyib tarzda so'zlab berilgan.

📌 Coca-Cola: "Share a Coke" - Ismingizni qidirganmisiz?

Coca-Cola mijozlar bilan bevosita aloqa qilish uchun shishalariga odamlarning ismini yozdi. Har bir kishi o'z ismini yoki do'stining ismini topib, bu voqeani baham ko'rdi. Bu yondashuv Coca-Cola sotuvlarini sezilarli darajada(7%) oshirdi va brend xabarini yanada chuqur his qildirdi.

🚀 Xoʻp Storytelling strategiyasini qanday qilib joriy qilish mumkin?
Mmmmm, bu yerda ham bir qancha tavsiyalar bilan aqllilik qilishim mumkin edi, ammo keling bu mavzuda oʻz sohasining mutaxasislardan eshitamiz…

📖 Sizningcha, qaysi brend eng kuchli storytelling yaratgan? O'z fikringizni kommentlarda qoldiring!

@bozorsshunos - Marketing haqida!

Sizningcha tushlik soat nechidan nechigacha?..🤔

Senga yoqadigan brend shunday xatolar qilgani yoqimsizda)

@bozorsshunos - Marketing haqida!

Marketingda eng ko'p ishlatiladigan va bilishingiz shart bo'lgan terminlar va metrikalarning barchasini bitta joyga jamladim. Uni ushbu link orqali bilib olishingiz mumkin.

Postni keyinchalik yo'qotib qo'ymaslik uchun saqlab qo'ying!

@bozorsshunos - Marketing haqida!

Manchester city clubiga oʻzbek tilini biladigan copywriter kerak!

Haliyam esimda...

Uydagilarga 1 kun ichida aytib, ertasi kuni Toshkentga ketgan edim(01.08.2023). O'sha vaqtda katta orzular va maqsadlarim men bilan hamroh edi.

O'tgan 1.5 yil ichida oshpaz, mardikor, xona mudiri, amaliyotchi-shogird, SMM menejer va Marketolog pozitsiyalarida ishladim.

Ko'pgina yaxshi insonlar bilan tanishdim va bilimlar to'pladim. 2024-yilning so'ngida maqsadsizlik va qandaydur davomli stressni boshimdan o'tkazdim. Yaxshiki yaqinlarimga buni sezdirmayman. Ayni paytda nihoyat ishga qaytdim va yangi loyihada bugun to'liq jamoa bilan tanishdik.

Yangi maqsadlar va yillik rejalarni o'zim uchun tasdiqlab oldim. Qisqa qilib aytganda endigina qishki uyqudan uyg'onyapman)

Sizlarga esa yillik maqsadlarimdan birini ochiqlamoqchiman) Yilning oxirigacha 10 k umumiy obunachilarga chiqaman(nasib). Agar erisha olmasam shu kanal obunachilariga $ 1000 beraman!

@bozorsshunos - Marketing haqida!