Botirjon | Blog

O’zbekistonda ish kammi yoki mutaxassis?

O’qish vaqti: 1-1,5 daqiqa

Kecha bir kanalga “You Tube manager kerak” deb e’lon berdim. Talablar astronomik emas, onlayn ishlash ham mumkin. Shu yo’nalishda atiga 6 oy tajribasi bor, sal kallali inson mos keladigan vakansiya, xullas.

Hali 24 soat bo’lmadi e’lon berilganiga, kamida 70+ odam yozdi. Kamida.

Eng qizig’i, pichoqqa ilinadigan bittagina kandidat chiqdi xolos. Bitta. Qolganlari “O’rdak”, dermidi. Uchadi, yuradi, suzadi. Lekin birortasini yaxshi eplolmaydi. Ba’zilari e’lonni to’liq o’qib ham ko’rmagan.

”Resume bilan murojaat qiling” desangiz, namuna bormi deydi. “Xa, Googleda”, dedim.

Resume yuborganlardan “Bu loyihada nima ish qilgansiz?” deb so’rasangiz, javob bermaydi.

“Ish yo’q”, deymiz. Lekin “Qaysi sohani yaxshi bilaman?” deb o’zimizga savol bermaymiz. Umrimda ko’rmaganman qaysidir sohani haqiqiy mutaxassisi ishsiz qolganini.

Shu birgina e’londan anchagina xulosa oldim. O’zbekiston bozori, istalgan sohada, hali bo’sh va to’yinmagan. Mutaxassislar har doim qadrlanadi. Ish beruvchilar ularni ko’proq olib qolishga harakat qiladi.

Ish yo’q emas, mutaxassis yo’q. Shu. Agar ishimiz bo’lmasa, demak mutaxassis emasmiz yoki shuni ustida ishlamayamsiz. Aks holda tekinga bo’lsa ham ishlab tajriba orttirar edik. Va uzog’i 6 oyda ish beruvchilar o’zlari bizga taklif bilan chiqardi.

P.S: Yuqoridagilar avvalo o’zimga tegishli.

P.S2: Yoqimli iftorlik, bizni ham duo qilish esdan chiqmasin.

@sarvarstime

Endi 5x5 cs 1.6 qivorish kerak