Бобокул Усмон шеьрияти

Тўнғич неварам, жафокашим, меҳнаткашим, билимдоним, илм ва истеъдод соҳиби МИРЖАЛОЛИМ!

Инглизларнинг, Буюк Британияликларнинг тилини шу даражада эгаллаб, КАТТА ЮТУҚҚА эришганлигинг билан чин қалбдан табриклаймиз.Одамлар ўзининг она тилисида тўғри гапира олмайди.

ОСОН ЭРМАС, БУ МАЙДОН ИЧРА КИРМОҚ,
ИНГЛИЗЛАР ПАНЖАСИҒА ПАНЖА УРМОҚ.

Аллоҳ илмингга, ризқингга, умрингга барака бериб, ҳамиша ўзининг ҳифзу ҳимоясида асрасин! Янги-янги ғалабалар сари бўлажак келин билан бирга олға!

Абдулла Орипов

ҲАСАДГЎЙ
Инсоф берар бўлса Худойим агар
Ўғрини тарбият айламоқ мумкин.
Ногаҳон бировга етказса зарар,
Телбани занжирга бойламоқ мумкин.

Энг катта ёвни ҳам енгмоқлик осон,
Битта сотқинини қўлга олсанг бас.
Донога айланар ҳаттоки нодон,
Фақат ҳасадгўйни даф қилиб бўлмас.

✍️2013 йил 27 декабрь

@abdullaorifijodi

БАЛИҚЧИНИНГ ИҚРОРИ
ривоят

Денгиз соҳилида кичкина қишлоқ,
Аҳолиси яшарди тинчгина иноқ.

Эркаклар балиқ овига кетарди,
Аёллар уларни уйида кутарди.

Кунлардан бир куни пешинда бехос,
Довул турди уни кучи хавфга мос.

Бундан аёллар беҳад ташвишга қолди
Кўпчилик бандаргоҳ томон йўл олди.

Қоронғи тушди дарак йўқ эрлардан,
Хабар келмади ака -укалардан.

Аёллар қирғоқ бўйлаб зир югуришади,
Эрлар тушган кема зор кутишади.

Барча нотинч, изтиробли бир ўйда,
Шу пайт ёнғин чиқибди ёлғиз уйда....

Эрталаб эрлар кемаси кўринди,
Уларни кўрганлар жуда севинди.

Уйи ёниб кул бўлган биргина аёл,
Ғам-қайғуга ботиб, сурарди хаёл.

Шунда эри уни ҳайратга солиб,
Ажойиб гап айтди, қувониб -кулиб:

--Ўша ёнғинга-чи, кўп шукрлар бўлсин,
Омон келдим юз-кўзинг нурга тўлсин.

Кучли довул сурганди бошқа ёққа,
Биз билмасдик кема кетарди қаёққа.

Бир маҳал тутунни кўриб қолдик,
Унга қараб, соҳилга етиб олдик.

Дунёда юз бераётган ҳар бир фалокат,
Иқрор бўлинг, эмас экан беҳикмат.
Ҳаким КАМОЛОВ.
Шофиркон тумани, "Ҳорин" МФЙ, Наврўз қишлоғи, фахрий ўқитувчи.

ИЖОДКОР ИЖОДИДАН...
Мураббий, оддийгина бу сўзлар замирида улкан маъно мужассам. Зеро, ҳар қайси инсон ўқитувчининг қўлида савод чиқаради, таълим-тарбия олади. Бугун ҳар биримиз жамиятда ўз ўрнимизни топганлигимиз, обрў-эътиборга сазовор бўлаётганимиз, касб-коримиз билан юрт тинчлиги, Ватан тараққиёти ва халқ фаровонлиги йўлида хизмат қилаётганлигимиз учун улардан миннатдормиз.
Ҳаким Камолов номини тилга олишимиз биланоқ, кўнгилларда ғурур, уйғонади. Кўзлар қувончдан порлайди. Беихтиёр дилдаги меҳр тилга кўчади: “Ўзидан-да ишини севгучи мураббий!».
Ҳаким Камолов туманимиздаги ўрта-умум таълим мактабларининг бирида 40 йилдан ортиқ, ўзбек тили ва адабиёти фани ёшларимизга, интер актив воситаларидан самарали фойдаланган холда сабоқ берди.
Мактаб ўқувчи ва ўқитувчилари турли кўрик-танловларда туман, вилоят ҳатто Республика миқёсида фахрли ўринларни эгаллаб келмоқда. Хуллас, Ҳаким Камолов ҳақида кунлаб гапирсак озлик қилади. У оилада севимли ёр ва меҳрибон ота.
Кейинги 10 йил давомида тумандаги 48-мактабда ўқув ишлари бўйича директор ўринбосари сифатида фаолият олиб борди.
Ҳаким Камолов ижодкор ўқитувчи эмасми, тумандаги 50-мактабда ижодий -маданий масалалар бўйича тарғиботчи вазифасига тайинланди. Хозирги кунда оила аъзолари қуршовида қарилик гаштини суриб келмоқда.
Ҳаким Камолов ўқувчилик кезларидаёқ матбуотга меҳр қўйиб, бадиий адабиётга ишқи тушганди. Мен қатори у киши ҳам севимли, ўзининг кўп сонли ўқувчиларига эга бўлган туманимизнинг "Шофиркон хақиқати", "Шофиркон овози" газеталарида мунтазам, туманимиз хаётида бўладиган янгиликлар, шунингдек мақола, шеър ва ҳикояларини, жамоатчи мухбир сифатида ёритиб келмоқда. Буни кундалик матбуотни кузатиб бораётганлар буни яхши билишади.
Ҳаким Камолов умр йўли давомида дилкаш дўст, яхши устоз, меҳрибон мураббий, талабчан раҳбар сифатида барчага бирдек ибрат бўларли хаёт йўлини босиб ўтган инсон сифатида, ёш авлод, умуман, кўплаб инсонлар учун ибрат мактабидир.

Ҳа, бу табаррук заминда инсонлар, азалдан фидойиларча меҳнат қилган, юрт ташвиши йўлида заҳмату машаққат чекканлар ҳар доим қадр, иззат-икром топган!

"Маърифат" республика ўқитувчилари газетасининг 23-январь сонида Ҳаким Камоловнинг навбатдаги шеърий -ривояти эълон қилинди. Уни эътиборингизга ҳавола этамиз.

Mirzoqul.uz канали маъмури Аҳмедов Ҳаким Облоевич

ҒАЗАЛ

То жаҳонда ишқу ғам ёдгори бор,
Ҳар кўнгулнинг ўз азиз асрори бор.

Кимки, юзда кулгуси бор – пардадур,
Дилда ўлмас дардининг мозори бор.

Топди иймон давлатин улким, мудом
Дилда – тасдиқ, тилда ҳам иқрори бор.

Пок кўнгул Ҳаққа нечоғ бўлса яқин,
Шунча кўп қўрқувда оҳу зори бор.

Боқ, қуёшга кўп яқин бўлган сари
Чўққилар бошида оппоқ қори бор.

Кундузи қайнар жаҳон бозорлари,
Ишқ элининг кечалар бозори бор.

Тунлари бўлгай қамардек нур фишон,
Ҳар кишининг гар шамсдек ёри бор.

Бор ҳаёт урфики, булбул дод этар,
Гулнинг эрса бир сукут изҳори бор.

Маъсият домида Мирзо йиғлагай,
Дилда – андуҳ, тилда истиғфори бор.


01.12. 2022.


Мирзо КЕНЖАБЕК



@m_kenjabek
┈┈• ❀ 🌷☘️🌷 ❀ •┈┈•

ТЎРТЛИКЛАР-------------

Илоннинг бунчалар сўхтаси совуқ,
Қўрқувдан лабингга тоширар учуқ.
Турқи совуқлардан асрасин Худо,
Бундайлар жойидир жарлик ё қудуқ.

****
Сени йўқотдим-у бўзлаб йиғладим,
Бағримни қақшатиб, минг бор тиғладим.
Муҳаббат жон берди, ўлди севгимиз,
Кенг, ёруғ дунёга шунда сиғмадим.

********
Дўстликнинг риштаси қилдан бўлмасин,
Дўстлар паймонаси бевақт тўлмасин.
Қарилик етса-ю ажал қувласа,
Дўстлар ўлса ҳамки, дўстлик ўлмасин

СУБҲОН ЖУМА ЁР

Бир-бирини сотган қавм,
Бир-бирини отган қавм,
Жаҳолатга ботган қавм,
Бирлашолмас, эл бўлолмас!

Бухорийни ҳайдаганлар,
Қалбига тош қалаганлар,
Ўз даҳосин талаганлар,
Бирлашиб, бир йўл бўлолмас!

Қодирийни йўқотганлар,
Чўлпонларга ўқ отганлар,
Усмон Носирни сотганлар,
Бирта мушт, бир қўл бўлолмас.

...Еб тўймас, филни ютганлар,
Оролни, Нилни ютганлар,
Дарё-ю кўлни ютганлар,
Бирлашиб, бир йўл бўлолмас.

Дил бошқа, тили бошқалар,
Мазҳаби--йўли бошқалар,
Нияти, кўнгли бошқалар,
Бирлашиб, бир эл бўлолмас.

Бир шоирман, содда дилман,
Шу юртга ошиқ булбулман,
Халқим учун содиқ қулман,
Севгисизлар қул бўлолмас!

БОБОҚУЛ УСМОН