Misvok sunnati

Musulmon kishi kundalik hayotida misvok tutishi sunnat bo'lgan bir necha o'rinlar bor. Masalan:

1) Besh mahal namoz oldidan.

2) Ishroq, choshgoh, tahajjud va boshqa namozlar oldidan.

Rasullulloh sollallohu alayhi vasallam aytadilar:
«Agar ummatimni mashaqqatga solib qo'ymaganimda ularni har bir namoz oldidan misvok tutishga buyurgan bo'lar edim» (Imom Buxoriy va Imom Muslim rivoyati)

3) Uyga kirganda.

Imom Muslimning sahihida Oisha onamiz roziyallohu anhodan rivoyat qilingan hadisda Rasullulloh sollallohu alayhi vasallam uyga kirganlarida birinchi bo'lib og'izlarini misvoklashlari naql qilingan.

4) Qur'on qiroati oldidan.

5) Uyqudan turganda.

6) Og'izning hidi o'zgarganda.

Rasullulloh sollallohu alayhi vasallam aytadilar:
«Misvok og'izni tozalovchi, Haq taoloni rozi qiluvchidir» (Imom Ahmad rivoyat qilgan).

Ushbu sunnatni tatbiq etishdagi foydalar:
—Alloh taolo bandasidan rozi bo'ladi
—Og'iz pok va sog'lom bo'ladi.

Zamonaviy tibbiyot ham misvokning tish va milkka foydali ko'plab moddalarga ega ekanini kashf qilishgan. Jumladan:
1) bakteriyalarga qarshi moddalar;
2) umumiy tozalovchi (dezinfektsiya qiluvchi) moddalar;
3) tishlarni oqartiradigan moddalar;
4) og'izni xushbo'ylantiruvchi moddalar;

#sunnat_uchun