Bekobod Hayoti 24 — Бекобод хаёти 24

Бекобод ШЭТ шуни маълум қилади.


Бугун 12 март куни соат 10:00дан таҳминан 16:00 гача н ,ст Тошлок , фидер козонхона ўчирилади.

Сабаби тп 85 а  га янги трансформатор ўрнатиш ишлари бажарилади.

Электр таъминоти ўчадиган ҳудудлар, 15-даха, тегирмон, Киров курғони қисман, Металлург МФЙ лар ва
А. Каҳҳор кўчалари.

Бекобод ШЭТ маъмурият ноқулайликлар учун олдиндан узур сўрайди.

@bekobodhayoti_24

⚡️⚡️⚡️

Фарзанди битирувчи синфга ўтганда оёғи куйган товуқдай югуриб, репетиторга бериб, пул ва вақт сарфлаб, йўқ нарсадан бор яратишга уринаётган ота-оналарга ачинаман, ҳам қилмишларидан азбаройи фиғоним фалак бўлади.

Ҳурматли ота-оналар, деб жар солгим келади. Фарзандингизни дунёга келтирдингиз, тарбия қилдингиз, улғайтириб ўстирдингиз, сизга беҳад ташаккур, шу ерига ҳеч бўлмаганида ўзидан бир оғиз сўранг келажакда ўзи ким бўлмоқчи экан!
Ўзи нимага қизиқади, қандай фанларни ўзига қизиқиш деб билади, нимадан роҳат олади, нима унга завқ беради сўранг!

Елкасидан олиб, дарсга бормаса юзини деворга ишқаб, тарсаки тушириб, зўрлик билан уни бошқариб, камига ҳадеб фарзандим дарсга келдими телефон қилиб, тергаб, орқасидан пойлаб, ҳар қадамини санашни бас қилинг!

Фарзандингиз сиздан алоҳида шахс, у инсон, сизнинг ушалмаган орзуларингиз қули ёки чўриси эмас!
Сиз ёшлигингизда доктор бўлаолмаган бўлсангиз, у доктор бўлиб сизни орзуйингизни ушалтириб берадиган қурол эмас, унга бундай қарашни бас қилинг, барака топгур!

У ўқиб-ўргансин, излансин, фақат ўзи истаган касб эгаси бўлсин. Қўйиб беринг ўзи танласин, ичида нима бор, нимага қизиқади бир бор қизиққанмисиз ўзи?

Футболга қизиқадиган, келажакда футболист бўламан деган, миясига алиф ҳам кирмайдиган болангизни курсга олиб келиб, уч ой ичида IELTC дан 8.0 олишини ёки математикадан пифагор теоремасини ечишини кутманг, устозлар сизга доҳий Архимедни ясаб берадиган, сеҳрли таёқчаси бор ускуна эмас, бундай қарашларни улоқтиринг.

Баъзан ўйга чўкаман. Нега бизнинг орамиздан олимлар чиқиши тўхтаб қолган? Ўқишга илгаридан кўра шароитлар бўла туриб, илмда пассивликдамиз? Балким илм олишга кўмаклашувчи воситалар кўплиги ва аксинча, илмдан бизни чалғитувчилар (ижтимоий тармоқ ва ҳоказо) туфайлидир?

Менингча, биз эътиборни кучли томонга эмас, заиф томонга йўналтирамиз. Йўналиш нотўғри, йўналишни ўзи абсурд.
Фарзандларимиз математикадан яхши ўқимадими, бас уни математика курсига бериб, "азоблаймиз". Унга бунда истеъдод, иқтидор бор-йўқлиги мавжуд эмас, бу бизни қизиқтирмайди. Тилга қизиқиши йўқми, уни мажбурлаб сингдиришга ҳаракат қиламиз. Назаримда, боладаги мавжуд ижобий томонларга кўпроқ урғу бериш керак.

Инсон ўз севган касби эгаси бўлсин, шунда у бир умр ишга хуш кайфиятда боради, у учун ўз иши осон ва кўнгилочар машғулот бўлади, пул топишга мажбурлик эмас.

Танловларни ҳурмат қилишни ўрганайлик, эшитишни ҳам.

✍ Малика Латифжонова

@bekobodhayoti_24

УЛУҒЛАР ҲИКМАТИ

1️⃣. Руҳни даволамай туриб, танани даволаб бўлмайди.

2️⃣. Дуо қилувчининг ейдиган таоми, киядиган кийими, тураржойи, барча нарсалари ҳалолдан
бўлиши керак.

3️⃣. Энг яхши дори – хордиқ ва нафсни тийиш.

4️⃣. Секин-секин шошил.

5️⃣. Феъл кенглиги – ризқ мўллиги.

6️⃣. Кулиш билан йўқотилган нарса йиғлаш орқали топилмайди.

7️⃣. Кўп ухлайдиган одамнинг умри бебарака бўлади.

8️⃣. Ким бировнинг пайини қирқса, ўзиники ҳам қирқилади.

9️⃣. Ғазабнинг аввали тентаклик, охири надоматдир.

1️⃣0️⃣. Болаларим мени ҳурмат қилсин десанг, ота-онангни эъзозла.

1️⃣1️⃣. Бойликнинг яхшиси ҳалолдан топилгани, савобли ишларга сарфланганидир.

1️⃣2️⃣. Кибрланма, зинога яқинлашма, ота-онага хизмат қил, исрофгарчилик қилма, ҳалол меҳнат қил, кийимингни тоза тут. Шунда соғлом бўласан, узоқ яшайсан.

1️⃣3️⃣. Уйқуга кетишдан олдин “Аллоҳга шукр, мен соғман, мен яхшиман”, деган сўзларни
такрорла.

1️⃣4️⃣. Кўп кишилар сир сақлай билмаганлари учун ҳалокатга учрайдилар.

1️⃣5️⃣. Умринг аввалида қанчалик сергак бўлсанг, умринг охирида ҳам шунчалик ҳушѐр туриб,
тадоригингни кўриб қўй.

1️⃣6️⃣. Қудуқ ичидан осмонга қараган одам жуда оз нарсани кўради.

1️⃣7️⃣. Деворни нам, инсонни ғам йиқитади.

1️⃣8️⃣. Ният хайрли бўлса, оқибат ҳам хайрли бўлади.

1️⃣9️⃣. Ёмғир ѐғаѐтганда кўзасини тўлдирмаган сувсиз қолади.

“Бахтли ҳаёт сари” китобидан📚

@bekobodhayoti_24