Begmurod Nizamiddinov

Уй ишларини қиладиган аёлингизга ойига камида 600 -700$дан беринг...

Ўзбек уй бекасининг бир ойлик хизмати ҳисоблаб чиқилди, аёлнинг ҳар бир иши пулга ҳисобланганда:
— ҳар ҳафталик "генерал. уборка" — 20$ 4марта = 80$;
— уйни тоза сақлаш — 26 кун 2,5$ = 65$;
— пишир-куйдирга — 30 кун5$ = 150$;
— болаларни парвариш қилиш (энага) — 250$;
— болалар билан дарсларини бажариш — 24 кун 5$ = 120$

Жами: ойига 665$

Шундай экан аёлингизни қадрига етинг уй ишларида ёрдамлашинг ёки 700$ ни тўлаб қўйинг!

@Begmurod_Nizamiddinov1

Аёл ҳаёт безаги, тирикликнинг доясидир!

Аслида аёлларимизга ҳар қанча эъзозлаб, эҳтиром кўрсатсак, уларнинг таърифу тавсифларига шеъру достонлар битилса арзийди. Бежизга шоирларимиз “улар борки, олам мунаввар” эканини эътироф этишмаган.

Чунки аёл ҳаётнинг безаги, тирикликнинг доясидир! Энг юксак муваффақиятга эришган ҳар қандай эркакнинг ортида албатта, оқила ва закий бир аёл борлиги ҳам айни ҳақиқатдир.
Гўзаллик ва нафосат байрами бўлган 8 март – Халқаро хотин-қизлар куни муносабати билан юрт равнақига ҳисса қўшаётган аёлларимизга эҳтиром кўрсатиб, муборакбот этамиз.

Фурсатдан фойдаланиб, барча онахонлару опа-сингилларимизни, қолаверса, бутун дунё хотин-қизларини чин дилдан қутлаймиз!

Ҳамиша яхшиликлар, меҳру муҳаббат қуршовида бўлинг!
—————————-
@Begmurod_Nizamiddinov1

Бирор яқин одамингизни зиёрат қилмоқчи бўлсангиз, рамазон яхши вақт. Уни ортиқча уринтирмай, шунчаки гаплашиб келсангиз бўлади.

Ифторни мўлжалламанг!

@Begmurod_Nizamiddinov1

КИТОБ

Бугун китобим чиқди.
Ҳар гал янги китобим чиқиши билан биринчи нусхасини онамга атар эдим. Ҳар гал бир хил сўз ёзиб берардим: «Биринчи ўқитувчим – онамга!» Онам китобни кўриши билан кўзлари қувончдан порлаб кетар, узундан-узоқ дуо қилар, пешонамдан ўпиб, яккаш битта гапни такрорлар эди.
– Сен менинг суянган тоғимсан, ўғлим...
Кейин худди биров олиб қўядигандек, китобни ёстиғининг тагига яширарди.
Шунда мен китобим чиққани учун ўзимдан кўпроқ онам қувонганини билиб турардим.
Бир куни маҳалланинг нариги чеккасида турадиган нонвойникига кириб қолдим. (Нима юмуш билан борганим эсимда йўқ.) Қарасам, ёғоч сўрида китобим ётибди. Варақлари титилган, офтобда сарғайиб кетган. Қизиқиб қўлимга олдим. Ўқисам, ўзимнинг дастхатим: «Биринчи ўқитувчим – онамга!»
Ўшанда нима учун бундай аҳволга тушганимни билмайман. Худди биров мени масхара қилаётгандек бўлиб кетди. Келиб онамга тўнғилладим:
– Китобни етти маҳалла нарига ташлаб келинг, деб берганмидим сизга!
Онам айбдор қиёфада маъюс жилмайди.
– Мавлу ҳеч қўймади-да, болам. «Битта ўқиб бераман», деди.
– Мавлудагача яна мингта қўлдан ўтгани кўриниб турибди, – дедим зарда билан. – Мақтангансиз.
– Ўзингни сиқма, жон болам. Ҳозир олиб келаман.
Чиндан ҳам, ўша куни китоб қайтиб келди...
Ҳар гал китобим чиқса, онам бир гапни айтарди:
– Сен менинг суянган тоғимсан, ўғлим...
Билмаган эканман, мен онамнинг эмас, онам менинг суянган тоғим экан. Тоғим тўсатдан қулаб тушди. Бугун янги китобим чиқди. Биринчи нусхасини эмас, битта нусхасини эмас, олтмиш минг китобнинг ҳаммасини онамга бағишладим. Лекин...

Ўткир Ҳошимов

@Begmurod_Nizamiddinov1