BBA Qashqadaryo viloyati bo'limi rasmiy kanali

Munosabat

Ma’lumki, 25–26-yanvar kunlari kimyo va biologiya fanlaridan milliy sertifikat imtihonlari o‘tkazilgan edi. Shundan so‘ng ijtimoiy tarmoqlarda talabgorlar tomonidan turli munosabatlar bildirildi. Shundan kelib chiqqan holda Bilimni baholash agentligi quyidagilarni ma’lum qiladi:

Talabgorlarga umumta’lim fanlaridan bilish darajasini aniqlash va sertifikat berish masalasi O‘zbekiston Respublikasi Vazirlar Mahkamasining “Umumta’lim fanlarini bilish darajasini baholashning milliy test tizimini joriy etish to‘g‘risida” 2020-yil 12-oktabrdagi 646-son qarori bilan tartibga solinadi.

Mazkur qarorning 3-bandiga asosan umumta’lim fanlarini bilish darajasini aniqlash va davlat namunasidagi sertifikatni berish uchun tuziladigan test savollari davlat ta’lim standartlariga mos ravishda hamda ta’lim o‘quv dasturiga muvofiq ishlab chiqilishi belgilangan va savollar talabgorlarning bilim darajasini aniqlashga yo‘naltirilgan.

Test topshiriqlari fan ekspertlarining ijod mahsuli hisoblanadi va u darsliklar emas, balki o‘quv dasturlari asosida shakllantiriladi.
Pedagogik o‘lchovlar nazariyasiga ko‘ra faqat qiyinlik darajasi past bo‘lgan test topshiriqlari bilan talabgorlarning bilim darajasini baholashning imkoni mavjud emas. Shu sababli nafaqat O‘zbekiston Respublikasida, balki rivojlangan mamlakatlar tajribasida ham bilim darajasi maqsadga muvofiq bo‘lgan meʼyorda - turli qiyinlik darajasidagi test topshiriqlari bilan aniqlanadi. Bundan tashqari standartlik va qiyinlik darajalari meʼyorini taʼminlash uchun test variantlarida test topshiriqlari spetsifikatsiya asosida dasturda qamrab olingan mavzular va qiyinlik darajalari bo‘yicha taqsimlanadi.

Xususan, biologiya hamda kimyo fanlaridan qisqa javobni talab etuvchi ochiq test, kengaytirilgan javobni talab etuvchi ochiq test (ya’ni yozma ish), yopiq test topshiriqlaridan foydalanilgan.

Test tuzuvchilar test topshiriqlarini kiritayotganda bu topshiriqlarni bajarish uchun qanday ko‘nikmalar (malakalar, kompetensiyalar) ishga solinishi lozimligini tahlil qilishadi, bu ko‘nikmalar testning maqsadi bilan qay darajada mos ekanligiga baho berishadi.

Xorij tajribasini o‘rganish hamda aprobatsiya natijalarini hisobga olgan holda kimyo va biologiya fanlaridan milliy test sinovi tizimi uchun test spetsifikatsiyasi qayta ishlab chiqildi va Bilimni baholash agentligining 2024-yil 24-dekabrdagi 9-son Ilmiy-metodik kengashida tasdiqdan o‘tkazildi.

Yozma ishlarni bajarish uchun ketadigan vaqt me’yorlari xorij tajribasini o‘rganish hamda aprobatsiya natijalarini hisobga olgan holda (3 ta yozma ish uchun 80 daqiqa) belgilangan.

Test sinovi natijalari Rash modeli asosida ilmiy tahlil qilinadi, tahlil natijalariga ko‘ra test topshiriqlarini takomillashtirish, Rayt xaritasiga ko‘ra test variantida har bir qobiliyat darajasiga mos test topshiriqlari mavjud bo‘lishi yuzasidan takliflar ishlab chiqiladi. Mazkur takliflar Bilimni baholash agentligining Ilmiy-metodik kengashida muhokama qilinadi. Ilmiy tahlillar asosida test topshiriqlari qayta ishlanadi. O‘tkazilgan har bir milliy sertifikat imtihonidan so‘ng talabgorlarning test natijalari tahlil qilinadi va tahlil natijalari agentlikning rasmiy veb-saytida talabgorlar diqqatiga havola qilinadi.

✅ Agentlikning rasmiy sahifalari:
Telegram | Facebook | Instagram | YouTube

⚡️ Test sinovlarida nazoratchi sifatida ishtirok etish uchun tanlov

📣 Bilimni baholash agentligi 2025-yilda Agentlik tomonidan tashkil etiladigan test sinovlarida guruh nazoratchisi sifatida ishtirok etish istagida bo‘lgan nomzodlar uchun 2-tanlovni e’lon qiladi.

✅ Tanlov 3 bosqichda amalga oshiriladi:

1️⃣-bosqich — nomzodlarning belgilangan talablarga muvofiqligi o‘rganiladi.

2️⃣-bosqich — nomzodlar malaka oshirish kursida o‘qitiladi va yakuniy nazorat sinovi o‘tkaziladi. Yakuniy nazorat sinovida eng yuqori natijaga erishgan talabgorlar hududlar kesimida guruh nazoratchilariga bo‘lgan ehtiyojdan kelib chiqqan holda keyingi bosqichga tavsiya etiladi.

3️⃣-bosqich — nomzodlar bilan suhbat o‘tkaziladi va suhbat natijasiga ko‘ra guruh nazoratchiligiga tavsiya etilgan nomzodlar bilan shartnoma tuziladi.

📌 Mazkur tanlovda 25 yoshdan 45 yoshgacha bo‘lgan oliy ma’lumotli, ijtimoiy faol O‘zbekiston Respublikasi fuqarolari ishtirok etishlari mumkin.

📆 Buning uchun talabgorlar 1-martga qadar my.uzbmb.uz saytining "Guruh nazoratchiligiga 2-tanlov" bo‘limi orqali ro‘yxatdan o‘tishlari lozim.

❗️ Izoh: Talabalar, repetitorlar hamda o‘quv markazlarining direktorlari va o‘qituvchilari tanlovda ishtirok etishi mumkin emas.

✔️ Agentlikning rasmiy sahifalari:
Telegram | Facebook | Instagram | YouTube

⚡️Mazkur e'lon bo‘yicha qo‘shimcha ma'lumot

📚 Oxford Test of English va Oxford Test of English Advanced:
✅ Afzalliklari:
• test natijalari dunyodagi nufuzli universitetlar va ish beruvchilar tomonidan qabul qilinadi.
• CEFR darajalarini qamrab oladi:
o Oxford Test of English: A2, B1, B2 darajalarini;
o Oxford Test of English Advanced: B2 va C1 darajalarini baholaydi.
• Moslashuvchan test: test har bir ishtirokchining bilim darajasiga moslashadi, bu esa yanada aniq natijalarni beradi.
• Tezkor va qulay: test sinovi 2 soat davom etadi va uni yil davomida Agentlikda istalgan vaqtda topshirish mumkin.
📝 Formati:
• Listening (Tinglab tushunish)
• Reading (O‘qib tushunish)
• Writing (Yozish)
• Speaking (So‘zlashish)
🏢 Qaysi tashkilot tomonidan tashkil etiladi?
Oxford Test of English va Advanced versiyasi Oxford University Press tomonidan ishlab chiqilgan va butun dunyo bo‘ylab tan olingan.
🌟 Nega bu testni tanlash kerak?
• CEFRga mos ravishda qamrab oluvchi darajalar.
• natijalar ishonchli va tezkor.
• moslashuvchan va arzon narxda.
📖 Tayyorlanish uchun qo'shimcha resurslar:
• namuna testlar: Demo testlar va tayyorlanish resurslari

✅ Agentlikning rasmiy sahifalari:
Telegram | Facebook | Instagram | YouTube

2025-yil yanvar oyida Bilim va malakalarni baholash agentligi tomonidan o'tkaziladigan test sinovlari hajmidan kelib chiqqan holda, xorijiy davlatlarda ta'lim olganlik haqidagi hujjatlarni tan olish bo'yicha test sinovlarini o'tkazish grafigiga o'zgartirish kiritildi.

Unga ko‘ra xorijiy davlatlarda ta’lim olganlik haqidagi hujjatlarni tan olish bo‘yicha 2025-yil 31-yanvar kuni o‘tkazilishi rejalashtirilgan test sinovlari joriy yilning 30-yanvar kuni o‘tkazilishi belgilandi.

Test sinovlari o‘tkaziladigan hududlar va test sinovlarining boshlanish vaqtlari haqidagi ma’lumotlar qo‘shimcha tarzda e’lon qilinadi.