Aspekt24 | Rasmiy kanal

Қўқонда нима гаплар?

Ассалому алейкум, Азиз тепа маҳалласи Меҳржон кўчасида 40 йилдан бери яшаб келамиз. Маҳалламиз тинч тотув ва бир бирига аҳил.

Хабарингиз борми йўқми МЖК заводида қурилиш ишлари олиб борилмоқда. Шу сабабли 1 ойдан бери маҳалламизга ҳокимият вакиллари ва Ҳоким Маруфжон Усмонов бошчилигида келиб уйларингиз бузилади, ҳар бир сутиги учун 15 миллион сўмдан берамиз деб айтишди. Биз 3 та оила  5 сутикли уйда турамз. Шунда бизга 3 та оилага 75 миллион сўм билан алдаб уйимизни бузишмоқчими?

Президентимизни очиқлик ва шаффофлик сиёсатлари қани Қўқонда? Уйимизни кадастр ҳужжатлари ҳамма нарсаси жойида. Мен фарзандларим, оилам билан қаерга борамиз унда? Президент ишонган инсони ҳоким шунақа деб турса бошқалардан нима кутайлик?

Прокурор келишди 10 кун олдин ҳеч ким розилигизсиз, сизни рози қилмасдан  буза олмайди деб айтиб кетишди. Ҳоким жаноблари эса бузамиз ҳар бир сотих уцун 15 миллион сўмдан берамиз дейишмоқда.

Қўқон шаҳримизнинг Меҳржон ҳамда Истиқлол кўчаларидаги 70 дан зиёд аҳоли энди кўчада қоладими?

Вазият  бўйича келиб ўрганинглар илтмос сизлардан. Уйларимиз бузилиб кетишини истамаймиз. Бу ахир давлат дастури эмас ҳусусий сектор  қурилиши.

Шу расмда қизил чизиқ ичидаги аҳоли уйлари ҳаммасини бузамиз дейишмоқда ҳоким жаноблари 100 лаб аҳолига қараб.

100 лаб инсонлар ҳусусий кадастрлик уйига ҳам эгалик қила олмайдими шунда Маруфжон Усмонов ҳокимлик бўлган шаҳарда? Юқори турувчи давлат органларидан амалий ёрдам кутиб қоламиз. — дейилади мурожаатда.

Хааа.... Ушбу мурожаатлардан сўнг «Онангни қози сўкса, додингни кимга айтасан?» деганлари шу бўлса керак-да, деб гоҳида ўйлаб қоласан киши.

Бизнинг саҳифаларга обуна бўлинг:
Telegram | Youtube | Facebook

🔴 Нефть арзонламоқда, Ўзбекистонда бензин арзонлайдими?

Иқтисодчи Отабек Бакиров бутун дунёда нефть арзонлаганда нега бизда бензин арзонламайди, деган ҳақли сўров негадир Ўзбекистонда янграмайди, деб савол қўйди.

Ўтган ҳафта охирида брент типидаги нефть котировкалари 69 долларгача арзонлаган. Йил бошидан нефть котировкалари ўртача 12%га, ўтган йилнинг шу даврига нисбатан 23%га пасайган. Шимолликларнинг Urals маркали нефти 2 йиллик минимумларда сотилмоқда (бизга асосан шу нефтдан бўлган бензин импорт қилинади).

Иқтисодчининг ёзишича, бутун дунёда нефть арзонлаганда нега бизда бензин арзонламайди, деган ҳақли сўров негадир Ўзбекистонда янграмайди. Иқтисодий қарор қабул қилувчиларнинг кун тартибида ҳам бу масала йўқ.

«Балки ҳамма билади: Ёқилғи-энергетика тизимини тили ва чўнтаги бир олигархлар ва монополистлар эгаллаб олган. Эркин бозор ва истеъмолчига қарши барча сунъий ва маъмурий тўсиқлар қўйилган.

Сунъий дефицит ва қиммат ёқилғи орқали суғуриб олинаётгани рента аҳолининг тўлов қобилиятини пасайтираётгани, ички ва ташқи бозорда ўзбек товарларининг рақобатбардошлилиги ўлдираётгани туфайли йўқотишлар билан солиштирилмайди. Кимнингдир чўнтагига юз миллион доллар тушиши учун Ўзбекистон иқтисодиётига неча миллиард доллар зиён келтирилаётгани ҳақида ўйлаш бошланган куни бу масалада ўзгаришлар бошланади», деб ёзди Отабек Бакиров.

Маълумот учун, 2025 йил 1 январдан Ўзбекистонда аввалроқ хусусийлаштирилган энг йирик ёнилғи қуйиш шохобчаларидан бўлмиш Carvon (UNG Petro) тармоғида Аи-80 маркали бензин 6900 сўмдан 8150 сўмгача қимматлашди. Йиллик ҳисобда нарх деярли 34 фоизга ошган.

Бизнинг саҳифаларга обуна бўлинг:
Telegram | Youtube | Facebook