" ARK_PLUS " Oʻquv markazi

Yurtning kuchi – birlikda, qadri esa tinchlikdadir!

Kecha Mustaqillik bayramidagi Prezident nutqi oldingilardan mazmun jihatdan keskin farq qilganiga e’tibor bergan bo‘lsangiz kerak. Joriy yilgi nutq qilingan ishlarning hisoboti shaklida emas, asosan xalqqa, ota-onalarga va yoshlarga murojaat ko‘rinishida bo‘ldi, kelgusida oldimizda turgan rejalar va marralar haqida ruhlantiruvchi gaplar aytildi.

Masalan, Prezident "qizlaringizni o‘qiting, orzu-umidlarini ro‘yobga chiqarishlarida ularga ko‘makchi bo‘ling" deya xitob qildi.

Prezident nutqidan to‘rtta muhim signalni anglash mumkin edi:

1️⃣ Birinchisi, beshta ustuvor masalaga e’tibor davom etadi. Bular: sifatli ta’lim, malakali tibbiyot, rivojlangan tadbirkorlik, korrupsiyadan xoli, adolatli sud va barqaror ekologiya;

2️⃣ Ikkinchisi, Jahon savdo tashkilotiga a’zo bo‘lish yo‘lida qat’iy davom etiladi va alohida kompaniyalarga berilgan monopol huquq va imtiyozlar bosqichma-bosqich bekor qilinadi;

3️⃣ Uchinchisi, 37 millionlik katta xalqmiz. Demak, aholi sonining oshishini davlat muammo sifatida ko‘rmaydi, balki mehnat va bilim orqali inson resursini katta salohiyatga aylantiradi. Buning uchun kreativ sohaga e’tibor kuchaytiriladi;

4️⃣ To‘rtinchisi, Markaziy Osiyoni tinchlik va hamjihatlik ruhi hukm suradigan mintaqaga aylantirish orzusi yo‘lida sobitqadamlik ko‘rsatiladi.

Shavkat Mirziyoyev nutqi so‘nggida fidokorona mehnati bilan yangi hayot binosini barpo etayotgan buyuk xalqimizga farzandlik mehri bilan ta’zim qilishini ma’lum qildi.

Yashasin O‘zbekiston Respublikasi!
Yashasin O‘zbekiston xalqi!


👉 @xushnudbek 👈