YOSH OLIMLAR ToshDO'TAU

🔹 IX Xalqaro ilmiy-amaliy anjuman – Yosh tadqiqotchilar uchun yangi imkoniyatlar!

🔹2024-yil 30-noyabr kuni Alisher Navoiy nomidagi Toshkent davlat o‘zbek tili va adabiyoti universitetida “Filologiya masalalari yosh tadqiqotchilar nigohida” mavzusidagi IX xalqaro ilmiy-amaliy anjuman bo‘lib o‘tdi.

📚 Ilmiy izlanishlar maydoni bo‘lgan ushbu nufuzli tadbir yosh filologlar, olimlar va mutaxassislar uchun yangi g‘oyalarni muhokama qilish va ilmiy hamkorlikni rivojlantirish imkoniyatini yaratdi.

💼 Tashkilotchilik va yoritishdagi professional mehnati uchun Yosh filolog olimlar jamiyati:

🔹Sho'bada moderatorlik qilgan ustozlar
🔹Tahrirchilar
🔹Mediya menejerlar
🔹Dizaynerlar
🔹va barcha tashkilotchilarga o‘z chuqur minnatdorchiligini bildiradi. Sizning mahoratingiz va fidoyiligingiz anjumanning yuqori saviyada va tartibli o‘tishiga katta hissa qo‘shdi!

📖 Anjuman materiallari to‘plami tez orada kanalimizda e’lon qilinadi!

Yangiliklardan boxabar bo‘lish uchun bizni kuzatishda davom eting!

🔗 #YoshFilologlarJamiyati #IXIlmiyAnjuman #Filologiya2024

https://t.me/yosholimlarjamiyati

MASOFADAN ISHTIROK ETGAN TALABALARNING ISHLARI BO‘YICHA UMUMIY XULOSALAR

🔎Alisher Navoiy nomidagi Toshkent davlat o‘zbek tili va adabiyoti universitetida o‘tkazilgan “Filologiya masalalari yosh tadqiqotchilar nigohida” IX xalqaro ilmiy-amaliy anjumanida yosh tadqiqotchilar zoom orqali masofadan ishtirok etib, o‘zlari yozgan maqolalarni ustozlar nazaridan o‘tkazib olishdi.

🥇Talabalarning yozgan maqolalarini filologiya fanlari nomzodi, dotsent Oqila Abdullayeva, Kamola Musulmonova, Orifa Xudoyberdiyeva boshchiligidagi bir qator ustozlar baholab bordilar.

👩🏻‍🎓Konferensiya ishtirokchilari orasidan Qirg‘izistondagi O‘sh davlat universitetining uchinchi kurs talabasi Akunova M ning “Эл акындары жеңижок жана барпынын “аккан суу” ырын окутууда интерактивдүү ыкманы колдонуунун жолдору” maqolasi “Eng dolzarb mavzudagi maqola”, shuningdek, Chirchiq davlat pedagogika universitetining 2-kurs magistranti Safartosheva Shalolaning “Qayg‘usiz abdolning “Vujudnoma” asari va unda uchraydigan tasavvufiy timsollar tahlili” nomli maqolasi “Eng yaxshi ilmiy asoslangan maqola” nominatsiyasiga loyiq deb topildi.

https://t.me/yosholimlarjamiyati

VII SHO‘BA. O‘ZBEK TILI VA ADABIYOTINI O‘QITISH METODIKASI

Alisher Navoiy nomidagi Toshkent davlat o‘zbek tili va adabiyoti universitetida o‘tkazilgan “Filologiya masalalari yosh tadqiqotchilar nigohida” IX xalqaro ilmiy-amaliy anjumani O‘zbek tili va adabiyotini o‘qitish metodikasi sho‘basida filologiya sohasida tadqiqot olib borayotgan yosh metodistlar o‘z maqolalari bilan ishtirok etishdi va o‘zaro fikr almashishdi. Ularning yozgan maqolalarini filologiya fanlari nomzodi, dotsent Muhayyo Yo‘ldosheva, Gulbahor Iskandarova, Yekaterina Shirinova, Shokir Tursun hamda Meyliyeva Nasiba boshchiligidagi bir qator ustozlar baholab bordilar.

Konferensiya ishtirokchilari orasidan Alisher Navoiy nomidagi toshkent davlat o‘zbek tili va adabiyoti universiteti to‘rtinchi kurs talabasi Alisher Navoiy nomidagi Toshkent davlat o‘zbek tili va adabiyoti universitetida birinchi kurs magistranti Umurzokova Sevaraning “O‘zbek tilini xorijiy til sifatida o‘qitishda sohaviy matnlar integratsiyaning o‘rni” maqolasi “Eng dolzarb mavzudagi maqola”, shuningdek to‘rtinchi kurs talabasi Ikromova O‘g‘iloyning “5-sinf o‘quvchilarining og‘zaki nutq ko‘nikmasini baholash yuzasidan ayrim mulohazalar”; Jalolova Shaxloning “6-sinf o‘quvchilarining og‘zaki nutqini o‘stirishda qo‘shimcha darslarning ahamiyati” nomli maqolasi “Eng yaxshi ilmiy asoslangan maqola” nominatsiyasiga loyiq deb topildi.


https://t.me/yosholimlarjamiyati

V SHO‘BA. O‘ZBEK ZAMONAVIY NASRI MUAMMOLARI

🔎Alisher Navoiy nomidagi Toshkent davlat o‘zbek tili va adabiyoti universitetida o‘tkazilgan “Filologiya masalalari yosh tadqiqotchilar nigohida” IX xalqaro ilmiy-amaliy anjumani O‘zbek zamonaviy nasri muammolari sho‘basida filologiya sohasida tadqiqot olib borayotgan yosh adabiyotshunos va nasrshunoslar o‘z maqolalari bilan ishtirok etishdi. Ularning yozgan maqolalarini filologiya fanlari nomzodi Xoldorov Dilmurod Erkinjonovich, Suyunova Malika Mirfozil qizi, Xudayqulova Gulnoza Komilovna boshchiligidagi bir qator ustozlar baholab bordilar.

🥇Konferensiya ishtirokchilari orasidan Alisher Navoiy nomidagi toshkent davlat o‘zbek tili va adabiyoti universiteti to‘rtinchi kurs talabasi Abduraximova Maxbuba Dilshod qizining “Mustaqillik davri o‘zbek adabiyotida zamona qahramoni masalasi (Ulug‘bek Hamdamning “To‘rtko‘cha” romani misolida)” “Eng dolzarb mavzudagi maqola”, shuningdek to‘rtinchi kurs talabasi Bahriddinova Gulsanam Zavqiddin qizining “Xayriddin Sultonning obraz yaratish mahorati “Ishonch telefoni” qissasi misolida maqolasi” nomli maqolasi “Eng yaxshi ilmiy asoslangan maqola” nominatsiyasiga loyiq deb topildi.

https://t.me/yosholimlarjamiyati

IV SHO‘BA. TURKIY XALQLAR ADABIYOTI TARIXI

🔎Alisher Navoiy nomidagi Toshkent davlat o‘zbek tili va adabiyoti universitetida o‘tkazilgan “Filologiya masalalari yosh tadqiqotchilar nigohida” IX xalqaro ilmiy-amaliy anjumani Turkiy xalqlar adabiyoti tarixi sho‘basida filologiya sohasida tadqiqot olib borayotgan yosh adabiyotshunos va matnshunoslar o‘z maqolalari bilan ishtirok etishdi va o‘zaro fikr almashishdi. Ularning yozgan maqolalarini filologiya fanlari doktori, professor Orzigul Hamroyeva, Abdumurod Tilavov, Muhammadzada Karimulla Zabulla o‘g‘li hamda Muxammadsoliyev Sayfulloxon Xidiyatilla o‘g‘li boshchiligidagi bir qator ustozlar baholab bordilar.

🥇Konferensiya ishtirokchilari orasidan Alisher Navoiy nomidagi toshkent davlat o‘zbek tili va adabiyoti universiteti birinchi kurs doktoranti Axmedova Muattar Abduqayum qizining “Qur’oni karim va “Qisasi rabgʻuziy” maqolasi “Eng dolzarb mavzudagi maqola”, shuningdek O‘zbekiston milliy universiteti birinchi kurs magistranti Eshonqulova Shahnoza Baxtiyor qizining “Mirzo Siddiq fano devonidagi turkiy she’riyat manbalari, oʻrganilish tarixi” nomli maqolasi “Eng yaxshi ilmiy asoslangan maqola” nominatsiyasiga loyiq deb topildi.

https://t.me/yosholimlarjamiyati

II SHO‘BA. TURKIY TILLAR TARIXI, SHEVASHUNOSLIK VA QIYOSIY TILSHUNOSLIK

🔎 Alisher Navoiy nomidagi Toshkent davlat o‘zbek tili va adabiyoti universitetida o‘tkazilgan “Filologiya masalalari yosh tadqiqotchilar nigohida” IX xalqaro ilmiy-amaliy anjumani Turkiy tillar tarixi, shevashunoslik va qiyosiy tilshunoslik sho‘basida filologiya sohasida tadqiqot olib borayotgan yosh shevashunos va tilshunoslar o‘z maqolalari bilan ishtirok etishdi va o‘zaro fikr almashishdi. Ularning yozgan maqolalarini filologiya fanlari nomzodi Turdialiyev Anvarbek, Xojiyeva Oynisa, Egamqulov Kamoliddin hamda Qodirov Umarjon boshchiligidagi bir qator mutaxassislar baholab bordilar.

🥇Konferensiya ishtirokchilari orasidan Oriental universiteti 3-kurs talabasi Ravshanova Risolatning “Arab va o‘zbek tillarida rang-tus sifatlarining qiyosiy tahlili”maqolasi “Eng dolzarb mavzudagi maqola”, shuningdek Alisher Navoiy nomidagi Toshkent davlat o‘zbek tili va adabiyoti universiteti O‘zbek filologiyasi fakulteti 4-kurs talabasi Bosimova Feruzaning “O‘zbek va uyg‘ur tillaridagi ayrim o‘simlik nomlari qiyosi (meva va sabzavotlar misolida)” nomli maqolasi “Eng yaxshi ilmiy asoslangan maqola” nominatsiyasiga loyiq deb topildi.

https://t.me/yosholimlarjamiyati

ДИҚҚАТ, ЭЪЛОН!
АНИМАЦИОН ФИЛЬМЛАР АДАБИЙ СЦЕНАРИЙЛАРИ ТАНЛОВИГА МАРҲАМАТ
Ўзбекистон Республикаси Маданият вазирлиги ҳузуридаги Кинематография агентлиги ва “Ўзбекистон анимацион студиялар ассоциацияси” ННТ ёш авлодни кўп минг йиллик тарихимиз, беназир алломаларимиз даҳоси, шахсияти, ибратли фаолиятлари билан таништириш, уларда улуғ аждодларга муносиб бўлиш туйғусини шакллантириш ҳамда миллий ғоя ва она Ватанга муҳаббат, халқимизга хос юксак инсоний фазилатлар, қадриятларга содиқлик руҳида тарбиялаш мақсадида бир қатор мавзулар бўйича адабий сценарийлар Танловини эълон қилади.
Танлов мавзулари:
1. Янги Ўзбекистонннинг миллий мультқаҳрамонини яратиш мавзудаги сценарийлар.
2. Улуғ алломалар ҳамда буюк ва енгилмас тарихий қаҳрамонлар ҳақида тарихий-биографик мавзудаги сценарийлар.
3. Интеллектуал-замонавий мавзудаги сценарийлар.
4. Илмий-фантастик, хаёлий мавзудаги сценарийлар.
5. Миллий детектив асарлар асосида ғаройиб воқеа-ҳодисалар, саргузаштлар мавзусидаги сценарийлар.
6. Ўзбек халқ эртаклари, ривоят ва афсоналари асосидаги сценарийлар.
7. Ўзбек халқ оғзаки ижоди намуналари – достонлар асосида сценарийлар.
8. Ижтимоий-фалсафий, бебаҳо миллий қадриятлар мавзусидаги сценарийлар.
9. Ҳазил-мутойибалар, кулгули сюжетлар асосида юморга бой қизиқарли сценарийлар.
10. 2025 йил – Атроф-муҳитни асраш ва “яшил” иқтисодиёт йилига бағишланган атроф-муҳитни муҳофаза қилиш, табиат ва ундаги жониворларга меҳр-муҳаббат уйғотиш мавзусидаги сценарийлар.
11. “Болалигим-пошшолигим”, яъни бугунги кунда юртимизда болалар ҳуқуқлари ҳар томонлама ҳимоя қилинаётгани ҳамда болаларнинг бурч ва мажбуриятлари ҳақида маърифий мавзудаги сценарий
Танловга профессионал ва ҳаваскор ижодкорлар ўз ижод маҳсуллари билан қатнашишлари мумкин. Лойиҳалар танловнинг саралаш комиссияси томонидан сараланади. Сараланган кинолойиҳалар Агентлик қошидаги Бадиий кенгаш эътиборига тақдим этилади.
Танлов жаҳон андозаларига мос мультипликацион фильм яратиш мақсадида ўтказилади.
Танлов халқаро тажрибада муваффақиятли амалга оширилган “Питчинг” тақдимотлари орқали ўтказилади. Танлов учун Сценарийлар 2024 йил 25 декабрдан – 25 январга қадар тақдим этилиши лозим. Тақдим этилган адабий сценарийлар тақдимот кўринишида бўлиши керак.
Тақдимотда қуйидаги ҳужжатлар талаб қилинади:
-белгиланган мавзу бўйича Танловда иштирок этиш учун ариза;
-адабий сценарийнинг босма варианти ҳамда электрон варианти;
-танланган ижодий-техник гуруҳ таркиби ва улар ҳақида қисқача маълумот;
-мультфильм асосий персонажларининг эскизлари;
-мультлойиҳанинг техник-иқтисодий асослари.
Лойиҳалар Тошкент шаҳри (Тошкент 100115), Чилонзор кўчаси, 1-А уй манзилида қабул қилинади.
Мурожат учун телефон: + 998-88-001-77-99 (Telegram)
Танловга тақдим этилган сценарийларга тақриз ёзилмайди, топширилган сценарий ва ҳужжатлар муаллифларга қайтарилмайди.
https://t.me/uzasa_uz/17