Ko'z ko'zga talpinar, dilda dilga, biroq,
Ko'z-ko'z qilolmadik sevgining kuchin.
So'ngsiz savollarim dilimda titroq,
Senga yetganimda ayrildim nechun?

Xudo xohlamasmi bizning visolni?
Bir ishora bermas baxtimiz uchun.
Va yoki xudoning xohishi shumi,
Senga yetganimda ayrildim nechun?

Sening ko'ngling kimda... hanuz bilmayman,
Sendan so'ray desam, endilar kech-u,
Menchi, sevaman, hech ta'na qilmayman,
Senga yetganimda ayrildim nechun?

Ko'zlaring yonar-u, qalbga o't yoqmas,
Ketishim kerakka o'xshaydi, tushun.
Tunga yuzlanaman savolla har kech,
Senga yetganimda ayrildim nechun?

Tun javob bermaydi, battar dil tirnar,
Umrbod yasharman, qalbimda tugun.
Ammo, tushunmadim hali butunlay,
Senga yetganimda ayrildim nechun?
Senga yetganimda ayrildim nechun?

©Xushnudbek Suyunov