Аъзамжон Исаков вилоят мактабгача ва мактаб таълими бошқармаси бошлиғи лавозимига тайинланди

Вилоят мактабгача ва мактаб таълими бошқармасида таълим сифат ва самарадорлиги, битирувчиларни ОТМларга йўналтириш, таълим тизимида бугунги кун ислоҳотларининг бориши,  йўл қўйилган камчиликлар таҳлили, амалга оширилиши лозим бўлган устувор вазифаларга бағишланган йиғилиш бўлиб ўтди. Унда Мактабгача ва мактаб таълими вазири ўринбосари Фарҳод Боқиев, вилоят ҳокими ўринбосари Ғуломжон Муродхўжаев, шаҳар ва туман мактабгача ва мактаб таълими бўлими бошлиқлари ва кенг жамоатчилик вакиллари иштирок этди. Таълим тизимини тубдан такомиллаштириш, муаммоларни тизимли  ҳал этиш масалалари чуқур таҳлил қилиниб, келгусидаги вазифалар муҳокама этилди. Йиғилишда ташкилий масала кўрилди. Аъзамжон Исаков вилоят мактабгача ва мактаб таълими бошқармаси бошлиғи лавозимига тайинланди.

Аъзамжон Исаков айни пайтга қадар Янги Наманган тумани ҳокимининг ёшлар сиёсати, ижтимоий ривожлантириш, маънавий ва маърифий ишлари бўйича ўринбосари лавозимида фаолият юритиб келган.

Мазкур тайинлов Ўзбекистон Республикаси Мактабгача ва мактаб таълими вазирининг буйруғи асосида амалга оширилди.

Наманган вилояти мактабгача ва мактаб таълими бошқармаси Ахборот хизмати

Sayt | Telegram | Instagram | Facebook |Twitter | YouTube