Yakkasaroy tumanida xotin-qizlar uchun tadbir o‘tkazildi

✨ Yakkasaroy tumanidagi “Belariq” mahallasida xotin-qizlar o‘rtasida jinoyatchilik va oilaviy ajrimlarning oldini olishga qaratilgan ma’naviy-ma’rifiy tadbir bo‘lib o‘tdi.

📊 Tadbirda tuman hokimi o‘rinbosari, Oila va xotin-qizlar tuman bo‘limi boshlig‘i D.Rasulmuxamedova, tuman Ichki ishlar organlari xodimlari, xotin-qizlar masalalari bo‘yicha mutasaddilar hamda hamkor tashkilot vakillari ishtirok etdilar.

📱 Mazkur uchrashuvda xotin-qizlar o‘rtasida jinoyatchilikka qarshi kurash, oilaviy qadriyatlarni mustahkamlash va ajrimlarning oldini olish borasida muhim mavzular muhokama qilindi.

🔼 Ishtirokchilar xotin-qizlarning huquqiy savodxonligini oshirish, ularning jamiyatdagi faolligini qo‘llab-quvvatlash, turli muammolarga yechim topish yo‘llari haqida fikr almashdilar.

✨ Tadbir ishtirokchilari bunday uchrashuvlar xotin-qizlarning huquqiy ongini oshirish, oilalarda totuvlikni mustahkamlash hamda jamiyatda ijtimoiy himoya mexanizmlarini kuchaytirishda muhim ahamiyat kasb etishini ta’kidladilar.

✍️ Yakkasaroy tuman hokimligi Matbuot xizmati