Xushnudbek Xolmuhammad

#odob
⚡️Ilm talab qiluvchi tolib birodarim:
Agar ilmda qimmatli bir foyda topib qolsang yoki murakkab bir muammoni hal qilsang, yoxud qalbingga undan go‘zal bir fikr kelsa, uni e’tiborga loyiq qilib, eng chiroyli so‘zlar bilan bayon qilishga tortinma. Agar buni kitob, tadqiqot yoki maqolada yozib qoldirsang, unga aniq manba ko‘rsatishdan ham tortinma. Bu amalda faqat Alloh taologa ixlosli niyatni qalbingda saqla.

Imom Abu Zakariyyo Navaviy rohimahulloh o‘zining “Bo'ston al-Orifiyn” kitobi muqaddimasida shunday deydilar:
"Bu kitob ichida, inshaalloh, turli shar’iy ilmlar turlari, hadisiy va fiqhiy nozik qovllar, diniy odoblar, hadis ilmining ayrim boblari va fiqhning sirli nozik tomonlari, aqida asoslaridan muhim masalalar, qoidalar ichidagi noyob durdona xulosalar va jamoaviy majlislarda yodga olishga arzigulik ajoyib latifalar jam bo‘ladi. Shuningdek, qalb ilmlari, uning kasalliklari va davolari ham yoritildi.

Ba’zan ba’zi masalalar keng tushuntirishga muhtoj bo‘ladi, lekin ushbu kitobning hajmi bunga toqati yetmaydi (sig'dirolmaydi). Bunday hollarda men maqsadni qisqacha eslataman yoki tafsilotini boshqa bir olimning, basirat va zakovat egasining kitobiga havola qilaman. Ba’zan esa o‘zim yozgan boshqa bir kitobga ishora qilaman.

Buni aytishimdan maqsad, inshaalloh, o‘z kitoblarimni ko‘rsatib, maqtanish yoki ko‘plab asarlar yozganim bilan iftixor qilish emas (bugunning tolibi uchun qanchalar muhim sifat). Balki yaxshilikka yo‘llash, unga ishora qilish, vaqti kelganda kerakli manbasini bildirib, o‘quvchiga to‘g‘ri yo‘lni ko‘rsatishdir.

Men bu nozik masalaga shuning uchun e’tibor qaratdimki, odamlar orasida ilm ahli bo‘lgan kishilarga bunday yo‘nalishni tanlagani uchun ayb qo‘yadiganlar bor. Bunday qilishlari faqat ularning johilligi, yomon gumoni, buzilgan qalbi, hasadi, nuqsoni va adovati sababidir.

Shuning uchun men bu ma’noni ushbu kitobni o‘quvchi kishining xotirasida mustahkam joylashini istadim. Toki o‘quvchi o‘zini yomon gumondan va birovni ayblashdan poklasin"

💬Telegram | Talabaga ta'lim-adab

#sunnat
Tolibi ilm uchun sunnatlarni lozim tutishning ahamiyati

Shayx, aloma Ubayd al-Jobiriy rohimahulloh aytadilar:

"Kim sunnatga ixlos bilan yopishsa va undan bilganlariga qattiq amal qilsa, hech qanday chalg‘ituvchi fitnalar ( ayniqsa bugungi zamonda) ham, muxolifliklar ham unga zarar yetkaza olmaydi. Chunki u sunnatga sodiqdir, Alloh unga adolat tarozisini – to‘g‘ri o‘lchovni ato etgandir.

Bu kishi sunnatni qabul qilishda xoh u foydasiga bo‘lsin, xoh unga qarshi bo‘lsin – rostgo‘ylik bilan odilona yondashadi. U Allohning hukmiga itoat qiladi, ko‘ngli xotirjam bo‘ladi va sunnatga qalban rozi bo‘ladi.

Shuning uchun atrofda bo‘layotgan holatlar – odamlarning o‘z nafsiga ergashib ochko‘zlik bilan ish tutishlari, har kimning o‘z fikridan rozi bo'lib mamnun bo‘lishi yoki nafsu havoga ergashishlari – unga zarar yetkaza olmaydi."

⚡️Imom al-Buxoriyning "Kitob al-Fitan" (Fitnalar kitobi) sharhidan

👍 Telegram

#hikmat
Ustoz bilan masjidda birga o'qilgan jamoat namozining tolibi ilm uchun fazilati

⚡️Ma’lumki, ularda namoz o'qilishi bo‘yicha eng afzal masjidlar quyidagilar hisobanadi: Masjidul Harom, so‘ng Masjidun Nabaviy, keyin esa Masjidul Aqsоdir.

Hanafiy fiqh ulamolari esa bunday tartibni zikr qilganlar:
Yuqoridagilardan keyin Qubo masjidi, undan keyin eng qadimiyroq masjid, keyin eng kattaroq masjid, so‘ngra eng yaqin bo'lgan masjid afzaldir. Shuningdek, talaba ilm oladigan ustozining masjidi, u yerdan va’z va nasihatlarni tinglaydigan masjid – ittifoq bilan eng afzallaridan biridir.

Muhaddis alloma Shayx Muhammad Avvoma hafizahulloh shunday deganlar:
"Talabaning ustozining masjidida namoz o‘qishi – ittifoq bilan, eng qadimiy, eng katta yoki eng yaqin masjidda namoz o‘qishidan afzaldir. Chunki u bu orqali masjidda namoz o‘qish fazilatini ham, ustozidan ilm olish yoki nasihatlarini tinglash fazilatini ham qo‘lga kiritadi.

Shuning uchun ulamolar talabaning ustozining masjidida namoz o‘qishini mustahab deb bilganlar. Chunki bu orqali ustoz bilan ko‘proq birga bo‘lish, unga doimiy hamroh bo‘lish imkoniyati ortadi. Ko‘pincha ustoz kitobdagi darslarda aytib o‘tmaydigan qimmatli foydali maslahatlarni aynan mana shunday suhbatlar chog‘ida aytadi.

Bu nozik fazilatlarni va ustozdan keladigan nodir foydalarni faqat unga doimiy hamroh bo‘lgan, ustoz suhbatini tark etmaydigan talabagina sezadi va tushunadi."

👍Telegram

#muhim

Olimning yoki tolibi ilmning ayoli

Olim, ilm talab qiluvchi tolib yoki ilmiy merosni targ‘ib qiluvchi kishi – odatiy insonlar kabi inson emas, balki favqulodda nodir bir zotdir. Chunki u umrini butkul fidokorlik bilan faqatgina to‘liq diqqat va uzoq vaqt talab qiladigan ishga - ilm tarqatishga bag‘ishlagan.

Bunday inson agar Alloh tomonidan yaxshi fe’lli, muloyim, tushunadigan va uning ruhiy holatini inobatga oladigan rafiqaga muvaffaq qilinmasa, u holda johil ayoli uning ilmiy rejalari va orzu-umidlari yo‘lida eng katta to‘siqqa aylanadi.

⚡️Munir Xalufiy

👍@xushnudbek_xolmuhammad

#diqqat1️⃣2️⃣3️⃣4️⃣5️⃣

🤖Botga yoki adminga yozayotgan o'quvchilarimiz diqqatiga:
1.O'rta bosqich (haftada 5 kun 2 soat)-Tuhfatus saniyya+mutolaa (joy bor)
2.Yuqori bosqich (haftada 5 kun 2 soat)- "Mantiq, balog'at, sarf va Qotrun nado jamlanmasi" guruhi (joy bor)

💳 Ikki guruh qabuliga ko'p iltimos qilishgani uchun 30% chegirma qildik. Ulgurib qoling!!!

💻Murojaat uchun: @sarfadmin

#ilm
⚡️''Ilm talab qilish har bir musulmonga farz bo‘lganligi sababli, men ham uning talabalaridan bo‘lishni tanladim. Agar olim bo‘lib o‘lmasam, hech bo‘lmasa talaba bo‘lib o‘lay. Balki Alloh shu yo‘ldagi ixlosim sababli dunyo gunohlarimning bir qismini kechirar."

Shams Muhamad Termiziy

👍 Telegram

#ulumulvosita #mantiq
⚡️Nahv va mantiq – talabalar uchun ikki ota-ona kabidir:

Alloma Ahmad ibn Lutfulloh al-Mavlaviy, mashhur “Munajjimboshiy” (vafoti hijriy 1113 y.) shunday degan edilar:
*"Kimki o‘z tafakkurini mantiq ilmi bilan tarbiyalab, aqlini u bilan tartibga solmasa, uning fikrlari va qarashlari noto‘g‘rilikdan xoli bo‘lmaydi. Zero, mantiq aqlni tartibga soluvchi vosita bo‘lgani kabi, nahv (sarf-nahv ilmi) tilni tartibga soluvchi vositadir.

Haqiqat shuki, bu ikki sharafli ilm – nahv va mantiq – talabaning tarbiyasi va uni kamolotga yetkazishda ikki ota-ona kabidir. Shuning uchun har bir talaba bu ikki ilmda malaka hosil qilish uchun harakat qilishi va jiddiy intilishi lozim. U o‘zining barcha mutolaalari va ilmiy izlanuvlarida bu ilmlarni yodida saqlab yurishi kerak."*

👍 Telegram

#bugunimizdan
⚡️Shayx Muvaffaquddin Abdullatif al-Bag‘dodiydan hikmatli vasiyat:

Bu nasihatlarni imom Ibn Abi Usaybi’a o‘z qo‘lyozmasidan keltirgan: "Senga vasiyat qilaman: Ilmlarni faqat kitoblardan o‘rganma, hatto o‘zingni teran va chuqur tushunishga qodir deb bilsang ham. Har qanday ilmni egallashda ustozga suyan, chunki ustozsiz ilmda baraka kam bo‘ladi. Agar ustoz mukammal bo‘lmasa ham, u bilgan narsani undan ol, toki undan ko‘ra mukammalini topguningcha.
Ustozingga hurmat bilan muomala qil, chunki ustozga hurmat – ilmdagi muvaffaqiyatning (barakaning) kalitidir".

⚡️Bu vasiyatlar bugunning har bir ilm tolibi uchun juda muhimdir, ayniqsa: ilmni faqat kitoblar va internet orqali olish keng tarqalgan bir zamonda, har joyda ilmda tartibsizlik va shoshqaloqlik kuchaygan bir paytda ustoz bilan ilm olishning fazilati – ilmni to‘g‘ri tushunish va undan baraka topishdir.

⚡️Alloh barchamizga ilmni ustozlar orqali olishni va ularga hurmatda bo‘lishni va bu orqali Rosulullohga bog'lanishni nasib qilsin

💬 Telegram

#baroatkechasi
Imom Shofe'iy rohimahulloh "Al-Umm" (1/264) kitobida shunday deydilar: Bizga yetib kelishicha, duolar besh kechada ijobat qilinadi:
-Juma kechasi,
-Qurbon hayiti kechasi,
-Fitr hayiti kechasi,
-Rajab oyining birinchi kechasi,
-Sha’bon oyining o‘rtasidagi kecha.

Rabi’dan bizga xabar qilinadi:
"Imom Shofe'iy menga aytdi: Ibrohim ibn Muhammad bizga aytdilar: Men Madina ahli ichidagi solih kishilarning hayit kechasida Nabiy sollallohu alayhi vasallam masjidida Allohni zikr qilib, duo qilib, kechaning bir qismini o‘tkazayotganlarini ko‘rdim."

Bizga yetib kelishicha, Ibn Umar roziyallohu anhu hayit kechasini (ya’ni, Qurbon hayiti kechasini) bedor o‘tkazar edilar. Chunki uning ertasida Qurbon kuni bo‘ladi.

Imom Shofe'iy rohimahulloh dedilar: "Bu kechalarda aytilgan amal va ibodatlarni qilishni mustahab deb bilaman, lekin majburiy (farz) deb emas."

Imom Ibn Hajar "Al-Kubro" (2/80) da shunday deydilar: "Xulosa qilib aytganda, bu kechalarning fazilati bor, ularda xos mag‘firat va duo ijobati sodir bo‘ladi."

Shu sababdan ham Imom Shofe'iy rohimahulloh bu kechalarda duoning ijobat bo‘lishini aytganlar. Ammo, bu kechalar uchun xos namoz bor deb ishonish, uni o‘qish bid’at bo‘lib, undan qaytariladi."

👍 Telegram

#hikmat
Ertaga degan so'z umr zavoli

⚡️Alloma shayx Abulfattoh Abu G‘udda rohimahulloh shunday dedi:
"Shayximiz, alloma, shayx Muhammad Zohid Kavsariy rohimahulloh, menga "Darul kutub al-Misriyya"dagi qo‘lyozma nusxasidan imom Abu Bakr ar Roziy Jassosning "Al fusul fil usul" kitobidagi "Omm" mavzusini mutolaa qilishimni buyurdilar. Bu voqea al Azhar jomeasida tahsil olayotgan yillarimda, o‘quv yilining o‘rtalarida sodir bo‘ldi. Men bu vazifani bajaraman deb u kishiga va’da berdim.

Keyinroq, o‘quv yili tugashiga oz fursat qolganida, shayximiz mendan so‘radilar: "Jassosning kitobidan ''al Omm'' mavzusini o'qidingmi?" Men esa: "Yo‘q, sayyidim, hali o‘qimadim, lekin kelasi yili, inshaalloh, albatta o‘qiyman," deb javob berdim. Shunda u kishi menga shunday dedilar: "Biz turk olimlari orasida eski bir maqol bor: Agar talabaning qalbini yorib ko‘rsang, unda yuzta masala yozilgan bo‘ladi, har birining ustiga esa "Kelasi yil" deb yozilgan bo'ladi" dedilar.

Va shunday bo‘ldi ham. Yillar o‘tdi, men al Azhar jomeasidagi ta’limimni tugatdim, Misrdan jo‘nadim, lekin o‘sha ilmiy mavzuni mutolaa qilish nasib etmadi!"

Bu borada Ibn Atoulloh Sakandariy rohimahulloh qanday go'zal jumlani aytganlar:
"Amallarni bo‘sh vaqt topilganda bajarishga havola qilishing – nafsning kaltafahmligidandir."

Sizchi? Ertaga ertaga deb qancha yillarni yutqizdingiz....

👍 Telegram