O‘zbekiston Xalq demokratik partiyasi Sharof Rashidov tuman kengashining birinchi plenumi bo‘lib o‘tdi.

Unda partiya faollari, boshlang‘ich partiya tashkiloti yetakchilari, xalq deputatlari tuman Kengashi deputatlari hamda yoshlar ishtirok etishdi.
Yig‘ilishda viloyat Kengashi raisi Nuriddin Xolmatov va rais o‘rinbosari M. Babayeva ham qatnashdilar.

Plenumda tuman kengash raisi Yulduz Toshbekovna o‘tgan yildagi faoliyatni sarhisob qilar ekan, kelgusidagi dolzarb vazifalarga e’tibor qaratdi. Muhim vazifalarni bajarish, yo‘l qo‘yilgan xato va kamchiliklardan to‘g‘ri xulosa chiqarish hamda ishni yanada sifatli tashkil etish borasida fikr almashildi.
Shuningdek, plenumda partiyaning tuman miqyosidagi faoliyatini yanada takomillashtirish, aholining ijtimoiy himoyaga muhtoj qatlamlarini qo‘llab-quvvatlash va ularning huquqlarini himoya qilish bo‘yicha kelgusidagi qadamlar belgilab olindi.

Plenum davomida partiya faollari va deputatlar o‘z fikr-mulohazalari bilan o‘rtoqlashib, kelgusidagi rejalar yuzasidan takliflar berdilar. Yig‘ilish yakunida belgilangan vazifalarni amalga oshirish bo‘yicha tegishli qarorlar qabul qilindi.

Ushbu plenum O‘zXDPning Sharof Rashidov tumanidagi faoliyatini yangi bosqichga olib chiqish va partiya oldidagi vazifalarni samarali amalga oshirishga xizmat qiladi.
Batafsil

ma'lumot uchun O‘zXDP Jizzax viloyat Kengashining rasmiy Telegram kanaliga aʼzo boʻling https://t.me/xdp_jizzax