O'zLiDeP - Xorazm

#Қўшкўпир_туман
#Депутатлар_фаолиятидан
🔹 Халқ депутатлари Қўшкўпир туман кенгаши депутати Ойбиби Артиқова тумандаги “Қадрият” маҳалласида жойлашган 29-сон мактабгача таълим ташкилоти фаолиятини ўрганиш мақсадида ташриф буюрди.
✔️Депутат мактабгача таълим ташкилотида болалар учун мўлжалланган овқатларнинг сифати, уларнинг гигиена қоидаларига риоя этилиш жараёнларини кўздан кечирди. Бундан ташқари иссиқлик тизими ҳам текширилди. Депутат, қиш мавсумида хоналарининг етарлича иситилиши ва болалар учун қулай шароитларнинг яратилишини ўрганиб, иқлим шароитларига мос равишда таъминланиши зарурлигини таъкидлади. Кўмир билан таъминланиш масаласи ҳам муҳим аҳамият касб этади. Депутат, тумандаги мактабгача таълим ташкилотида энергия таъминоти, айниқса, қишки мавсумда кўмир билан таъминлаш масалаларига ҳам эътибор қаратди.

#Хонқа_туман
#Депутатлар_фаолиятидан
Хонқа туманининг “Мош тугай” маҳалласида Халқ депутатлари Хонқа туман Кенгаши депутати Баҳодир Ибайдуллаев фуқаролар билан очиқ мулоқот ўтказди. Ушбу тадбирда маҳалла аҳолисининг турли соҳаларга оид муаммолари тингланиб, уларнинг ечими бўйича тегишли чоралар кўрилди.
📌 Мурожаатлар асосан ижтимоий ҳимоя, кўчаларни таъмирлаш, асфальт қилиш, таълим ва соғлиқни сақлаш тизимининг самарадорлигини ошириш, ҳамда маҳалланинг инфратузилмасини яхшилаш каби масалаларни ўз ичига олди.
✔️ Депутат фуқароларни диққат билан тинглаб, ҳар бир мурожаатни алоҳида кўриб чиқиш ва тегишли ташкилотлар билан ҳамкорликда масалаларни тезкор ҳал қилишга тайёр эканлигини таъкидлади.

#Хива_шаҳар
#Депутатлар_фаолиятидан
#Партия_фаолиятидан
🔹Хива шаҳридаги “Сангар” маҳалла фуқаролар йиғини биносида Олий Мажлис Қонунчилик Палатасининг депутати Руслан Сабировнинг сайловчилар билан юзма-юз учрашуви бўлиб ўтди.
📌Тадбирда O’zLiDeP Хоразм вилоят Кенгаши раисининг биринчи ўринбосари И.Файзуллаев, “Сангар” МФЙ раиси М.Уллиев, ёшлар, маҳалла фаоллари иштирок этди.
Учрашувда депутат ўз сайловчилари билан бевосита мулоқот қилган ҳолда, уларнинг долзарб муаммолари, таклифлари ва фикрларини тинглади.
✔️Сайловчилар ўз ҳудудидаги ижтимоий, иқтисодий ва маънавий муаммоларни депутатга етказишди. Улар орасида асосан соғлиқни сақлаш, таълим, инфратузилма, меҳнат муҳожирлари ва ёшлар масалалари юзасидан таклифлар билдирилди. Депутат, ҳар бир мурожаатни диққат билан тинглаб, бу масалаларни ҳал қилиш чораларини кўришга тайёр эканлигини таъкидлади.
Учрашувда, шунингдек, давлат дастурларининг моҳияти, амалга оширилаётган ислоҳотлар ва юртимизда давом этаётган янгиликлар тўғрисида ҳам батафсил маълумот берилди.

#Қўшкўпир_туман
#Депутатлар_фаолиятидан
#Партия_фаолиятидан
📌Хабарингиз бор, шу кунларда Олий Мажлис Қонунчилик палатаси депутатлари ҳудудларда сайловчилар билан учрашувлар ўтказмоқда.
Қўшкўпир туманидаги “Real Avto maktab” биносида O’zLiDeP фракцияси аъзоси, Олий Мажлис Қонунчилик палатаси депутати Руслан Собиров сайловчилар билан учрашуви бўлиб ўтди.
Тадбирда O’zLiDeP Хоразм вилоят Кенгаши раисининг биринчи ўринбосари И.Файзуллаев, маҳаллий кенгаш депутатлари, ёшлар, маҳалла фаоллари иштирок этди.
🔹Учрашувда сўзга чиққанлар ёшларни фаоллигини янада ошириш ва таълим, меҳнат ва ижтимоий соҳаларда муваффақиятли бўлиши учун амалга оширилаётган ислоҳотлар ҳақида сўз юритдилар.
🗣Тадбир иштирокчилари депутатга ўз фикрларини билдириб, ижтимоий ҳимояга муҳтож оилаларга кўмак бериш, таълим ва иш билан таъминлаш бўйича таклифлар киритдилар.
✅ Учрашув сўнгида, иштирокчилар томонидан келгусида амалга оширилиши керак бўлган лойиҳалар ва таклифлар юзасидан фикр алмашилди.