O'zbekiston kasaba uyushmalari Federatsiyasi

📝Жорий йилнинг 14 феврали куни Ўзбекистон давлат муассасалари ва жамоат хизмати ходимлари касаба уюшмаси Хоразм вилоят кенгаши тизимидаги Хоразм вилояти ногиронлиги бўлган шахсларни реабилитация қилиш ва протезлаш марказида жамоа шартномасининг 2024 йил давомида бажарилиши якунлари, шунингдек, касаба уюшма ташкилотининг ҳисобот-сайлов йиғилиши бўлиб ўтди.

Йиғилишда давлат муассасалари ва жамоат хизмати ходимлари касаба уюшмаси Хоразм вилоят кенгаши раиси Шокир Аллаберганов иштирок этди.

Йиғилиш кун тартибидаги барча масалалар кўриб чиқилди ҳамда касаба уюшма қўмитаси раиси ва аъзолари қайта сайланди.

📱web-site| 📱facebook | 📱telegram| 📱YouTube |📱Instagram

🚁Сирдарё вилояти Фавқулодда вазиятлар бошқармасида ҳисобот-сайлов йиғилиши ҳамда амалдаги жамоа шартномасининг 2024 йилда бажарилиши муҳокамасига бағишланган меҳнат жамоасининг умумий йиғилиши ўтказилди.

Бошланғич касаба уюшма қўмитаси раиси қўмитанинг 2020-2025 йиллардаги фаолияти юзасидан маърузани йиғилиш қатнашчиларига ўқиб эшиттирди. Йиғилиш иштирокчилари томонидан бошланғич касаба уюшма қўмитасининг 5 йиллик фаолияти қониқарли деб топилди.

Бошланғич касаба уюшма қўмитаси раиси ва унинг аъзолари сайланди ҳамда келгуси 5 йиллик учун вазифалар белгилаб олинди.

Йиғилиш сўнгида касаба уюшмалари ҳаракатининг 120 йиллиги муносабати билан тадбирлар ҳақида тушунтиришлар берилди.

📱web-site| 📱facebook | 📱telegram| 📱YouTube |📱Instagram

⌛Ta’lim va fan xodimlari kasaba uyushmasi Qiziltepa tuman bo‘linmasi kengashi tasarrufidagi 3-maktabda O’zbekiston kasaba uyushmalari Federatsiyasi Bosh kengashining 2024 yil 21 dekabrdagi IX-3-sonli “O’zbekiston kasaba uyushmalari Federatsiyasi tizimidagi kasaba uyushmalari tashkilotlarida hisobot-saylovlarni o‘tkazish to‘g‘risida”gi Nizomi asosida hisobot-saylov yig‘ilishi o‘tkazildi.

Yig‘ilishda O’zbekiston ta’lim va fan xodimlar kasaba uyushmasi Respublika kengashining birinchi o‘rinbosari Maxmud Boboyorov, O’zbekiston ta’lim va fan xodimlar kasaba uyushmasi Respublika kengashining Navoiy viloyati bo‘yicha ma’sul tashkilotchisi Anora Bobomurodova, ta’lim va fan xodimlari kasaba uyushmasi tuman kengashi bo‘linmasi raisi Erkin Tursunov, MMTB sho’ba rahbari Nodir Temirov, maktab direktori va barcha kasaba uyushma a’zolari qatnashdilar.

Boshlang‘ich kasaba uyushma raisi Dilobar Murodovaning hisoboti tinglandi. Saylov ochiq ovoz berish yo‘li bilan o‘tdi.

📱web-site| 📱facebook | 📱telegram| 📱YouTube |📱Instagram

🌳“Атроф-муҳитни асраш ва “яшил” иқтисодиёт йили” дастури доирасида Ўзбекистон касаба уюшмалари Федерациясининг Навоий вилояти Кенгаши жамоаси хайрли ташаббусни бошлади.

Жорий йилда вилоят Кенгаши жамоаси томонидан йил дастури ижросини таъминлаш ҳамда Ўзбекистонда касаба уюшмалари ҳаракатининг 120 йиллиги муносабати билан амалга ошириладиган тадбирлар режасида “Яшил макон” умуммиллий ҳаракатида муносиб фаолият юритиш режалаштирилган.

Шу сабабли бугун жамоанинг барча ишчи-ходимлари вилоятнинг чўл ҳудудига кирувчи Конимех туманига йўл олишди.

“Кўчат экиб, боғ яратиш”ни мақсад қилган жамоа аъзолари кун давомида Конимех тумани ҳокимлиги томонидан касаба уюшмаларига ажратилган ер майдонига 4 минг дона соксовул кўчатини экиш тадбирида фаол иштирок этди.

Биз эккан кўчатлар ҳадемай ўлкамизга ўзининг муносиб таровати билан эшик қоқадиган баҳор фасли билан уйғунлашиб боради. Негаки, сувсизликка чидамли соксовул кўчатлари ҳавонинг иссиқ кунларигача она ернинг иссиқ тафтига ўрнашиб олади.

Дарҳақиқат, эзгу иш қилиш ҳар бир инсонга ярашади ва ушбу ташаббусни жамоа билан биргаликда бажаришнинг ўзига хос завқи бор.

Ҳурматли касаба уюшмалари аъзолари, барчангизни ушбу лойиҳада фаол иштирок этишга чорлаймиз!

📱web-site| 📱facebook | 📱telegram| 📱YouTube |📱Instagram

⚙️Ўзбекистон темирйўлчилари ва транспорт қурувчилари касаба уюшмаси Республика Кенгашининг 2024 йил 27 декабрдаги 6-2-сонли “Ўзбекистон темирйўлчилари ва транспорт қурувчилари касаба уюшмаси Республика Кенгаши тизимидаги касаба уюшма ташкилотларида ҳисобот – сайловларни ўтказиш тўғрисида”ги йиғилиши қароридан келиб чиқиб, Тошкент электр таъминоти филиали касаба уюшмасининг 2020 йил январидан 2025 йил январигача бўлган ҳисобот даври мобайнида бажарилган ишлари юзасидан жорий йилнинг 12 февралида ҳисобот – сайлов конференцияси бўлиб ўтди.
Батафсил

📱web-site| 📱facebook | 📱telegram| 📱YouTube |📱Instagram

✔️Ҳисобот-сайлов конференцияси бўлиб ўтди

Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги ҳузуридаги "Давлат экологик экспертиза маркази" давлат муассасасида 2024-2026 йиллар учун тузилган Жамоа шартномасининг 2024 йилдаги ижроси юзасидан меҳнат жамоаси йиғилиши ҳамда “Ўзбекистон касаба уюшмалари Федерацияси тизимидаги касаба уюшмалари ташкилотларида ҳисобот-сайловларни ўтказиш тўғрисида”ги Низом асосида  Ҳисобот-сайлов конференцияси ўтказилди. Конференцияда  касаба уюшмаси қўмитасининг  2020 йил октябрдан 2025 йил февралгача бўлган даврда бажарган ишлари юзасидан  ҳисоботи ва тафтиш комиссиясининг ҳисоботи  тингланди. Музокараларда касаба уюшмаси қўмитасининг иш фаолияти қониқарли деб баҳоланди. 

Ўзбекистон касаба уюшмалари Федерацияси Матбуот хизмати

📱web-site| 📱facebook | 📱telegram| 📱YouTube |📱Instagram

🗣Joriy yilning 13-fevral kuni Mirzo Ulug‘bek nomidagi O‘zbekiston Milliy universitetining majlislar zalida  O‘zbekiston ta’lim va fan xodimlari kasaba uyushmasi Toshkent shahar bo‘linmasi Ijroiya qo‘mitasining 12-majlisi hamda Kengashning III majlisi o'tkazildi.

Yig'ilishda O'zbekiston ta'lim va fan xodimlari kasaba uyushmasi Respublika Kengashi Ijtimoiy himoya masalalari bo‘yicha bosh mutaxassisi  L.Turikova, O‘zKUF Toshkent shahar Kengashi Ijtimoiy himoya bo‘lim mudiri  I.Primov,  Toshkent shahar Maktabgacha va maktab ta'limi boshqarmasi boshlig'i o'rinbosari J.Kamalov, 20 nafar Kengash a'zolari,  Oliy ta'lim muassalari kasaba uyushma qo‘mitalari va tuman kengashlarining rais va hisobchilari hamda Toshkent shahar kengashining xodimlari ishtirok etdilar.

Dastlab, Ijroiya qo'mita majlisi Kun tartibidagi birinchi masala Toshkent shahar maktabgacha va maktab ta’limi boshqarmasi hamda O‘zbekiston ta’lim va fan xodimlari kasaba uyushmasi Toshkent shahar bo‘linmasi Kengashi o‘rtasida 2023-2025-yillar uchun tuzilgan hududiy tarmoq jamoa Kelishuvining  2024-yildagi ijrosi yuzasidan Toshkent shahar maktabgacha va maktab ta’limi boshqarmasi boshlig‘i o‘rinbosari Jamoliddin Kamolov hamda O‘zbekiston ta’lim va fan xodimlari kasaba uyushmasi Toshkent shahar bo‘linmasi Kengashi raisi Abduxalil Raxmonovlarning hisobotlari tinglandi va hududiy tarmoq jamoa Kelishuvining  2024-yildagi faoliyati majlis ishtirokchilari tomonidan “Qoniqarli” deb topildi.
Shuningdek, tarmoq kasaba uyushmasining Toshkent shahar kengashi va tarmoq tashkilotlari tomonidan mablag‘larning sarflanishi, 2024-yil bo‘yicha moliyaviy faoliyat yakunlari, xodimlarni sog‘lomlashtirish va dam oldirish bo‘yicha kasaba uyushmasi va ijtimoiy sug‘urta mablag‘laridan tasarruf qilingan yo‘llanmalar ijrosi hamda o‘tgan 2024-yil 3-maydagi Toshkent shahar bo‘linmasi Ijroiya qo‘mitasining 8-Majlisida qabul qilingan qarorlarning ijrosi muhokama etildi va Toshkent shahar bo‘linmasi Ijroiya qo‘mitasining tegishli tartibda qarorlari qabul qilindi.

Shundan so'ng, O‘zbekiston ta’lim va fan xodimlari kasaba uyushmasi Toshkent shahar bo‘linmasi Kengashining III Majlisi o‘z ishini boshladi.

Kun tartibidagi asosiy masalalar, jumladan,  “Yoshlar va biznesni qo‘llab-quvvatlash yili” davlat Dasturi ijrosiga ko‘maklashish bo‘yicha O‘zbekiston ta’lim va fan  xodimlari kasaba uyushmasi Toshkent shahar bo‘linmasi Kengashi Dasturi ijrosi hamda Toshkent shahar bo‘linmasi Kengashi faoliyatining 2024-yil yakunlari va 2025-yildagi ustuvor vazifalari,  O‘zbekiston ta’lim va fan xodimlari kasaba uyushmasi Toshkent shahar bo‘linmasining II Konferentsiyasini chaqirish to‘g‘risidagi masalalar keng muhokama etililib, hisobotlar berildi, takliflar kiritildi va tegishli tartibda qarorlar qabul qilindi.

Yig'ilish yakunida qaror loyihalari va hisobotlar yuzasidan Oliy ta'lim muassalalari hamda tuman kengashi raislarining fikr-mulohazalari tinglandi.
Kasaba uyushmasi Toshkent shahar bo‘linmasi Kengashi qarori bilan O‘zbekiston ta’lim va fan xodimlari kasaba uyushmasi Toshkent shahar bo‘linmasining II Konferentsiyasi 2025-yil 11-iyun kuni Toshkent shahrida chaqirildi.

📱web-site| 📱facebook | 📱telegram| 📱YouTube |📱Instagram

📚"Бобур – умумармия ёшлари нигоҳида"

Ўзбекистон касаба уюшмалари ҳаракатининг 120 йиллик юбилейи арафасида Заҳириддин Муҳаммад Бобур таваллудининг 542 йиллиги муносабати билан Ўзбекистон касаба уюшмалари Федерациясининг Наманган вилояти кенгаши ташаббуси билан, Ёшлар иттифоқи вилоят кенгаши ҳамда Вилоят Ички ишлар бошқармаси ҳамкорлигида ёш ички ишлар ходимлари ва ИИВ Наманган академик лицейи ўқувчиларининг маънавий-маърифий билим ва салоҳиятини ошириш мақсадида "Бобур – умумармия ёшлари нигоҳида" мавзусида иншолар танлови ўтказилди.

Танлов натижалари:
🥇 1-ўрин – Наманган вилояти Учқўрғон тумани ИИБ катта инспектори, лейтенант Одинабону Қодирова
🥈 2-ўрин – Наманган вилояти Уйчи тумани ИИБ бўлими катта инспектори, капитан Хотира Жалолдинова
🥉 3-ўрин – ИИВ Наманган академик лицейи ўқувчиси Гули Давлатова

Танловнинг фаол иштирокчилари ташкилотчилар томонидан диплом, ташаккурнома, фахрий ёрлиқ ҳамда эсдалик совғалар билан тақдирландилар.

📱web-site| 📱facebook | 📱telegram| 📱YouTube |📱Instagram