Savdo-sanoat palatasi

🇺🇿 Ўзбекистон Савдо-саноат палатаси ишчи гуруҳи томонидан “Камбағалликдан фаровонлик дастури” ижроси бўйича Самарқанд вилоятининг Пахтачи туманида амалга оширилаётган ишлар ҳолати ўрганилди.

Тумандаги 4 та маҳалла “Мирзо Олим”, “Сардоба”, “Амиробод”, “Сарой”даги ижтимоий реестрда турган аҳолини камбағалликдан чиқариш ва бандлигини таъминлаш имкониятлари жойига чиққан ҳолда "маҳалла еттилиги" ва фаоллар билан кўриб чиқилди.

Ўрганишлар давомида "маҳалла еттилиги" ва фаоллар билан учрашиб, давлат раҳбари томонидан мамлакатда камбағалликни қисқартириш борасида олиб борилаётган ишларни янги босқичга олиб чиқиш бўйича имзоланган фармон ва қарорлар мазмун-моҳияти тушунтирилди.

Шунингдек, ушбу маҳаллалардаги камбағал аҳоли хонадонларига ташриф буюрилиб, уларни камбағалликдан чиқариш имкониятлари, хусусан томорқа ерларидан самарали фойдаланиш, ихтисослашувидан келиб чиқиб, аҳолини чорвачилик ва паррандачилик, боғдорчилик ҳамда иссиқхона хўжаликларини ташкил қилиш каби йўналишлардаги лойиҳаларни амалга оширишда кўмаклашишга келишиб олинди.

🕊Telegram 📱Instagram 📱Facebook 📺 Youtube

Ҳурматли тадбиркорлар !

🇺🇿🇰🇼 Ўзбекистон Савдо-саноат палатаси сизларни жорий йилнинг 16 февраль куни Қувайтнинг Ал-Қувайт шаҳрида бўлиб ўтадиган Ўзбекистон-Қувайт бизнес форумида иштирок этишга таклиф этади.

👍 Шунингдек, бизнес-форум доирасида қуйидаги соҳаларда В2В учрашувлар ташкил этиш режалаштирилган:

🔹озиқ-овқат саноати;
🔹қишлоқ хўжалиги;
🔹қуруқ мева;
🔹гиламчилик;
🔹кончилик;
🔹қурилиш;
🔹болалар ўйинчоқларини ишлаб чиқариш.

🗓 16 февраль
📍 Қувайт, Ал-Қувайт

Батафсил маълумот учун:
📞 +998909061101

🕊Telegram 📱Instagram 📱Facebook 📺 Youtube

🇺🇿 Ўзбекистон Савдо-саноат палатаси раиси ўринбосари Ҳалимжон Сафаров хизмат сафари билан Бухоро вилоятида бўлиб турибди.

Ташриф доирасида ишчи гуруҳ аъзолари Шофиркон туманидаги "Чуқурак", "Хорин", "Қ.Вардонзе", "Пашмон" маҳаллаларида бўлиб, аҳоли вакиллари, маҳалла фаоллари, тадбиркорлик субъектлари, “маҳалла еттилиги” билан учрашдилар.

Маҳаллаларда “Камбағалликдан фаровонлик сари” дастури доирасида амалга оширилаётган ишлар, хусусан аҳолини камбағалликдан олиб чиқиш, бандлигини таъминлаш, ички ва ташқи ресурсларидан фойдаланиш борасида ўрганишлар олиб борилди.

Шунингдек, ижтимоий ҳимояга муҳтож бўлган аҳоли хонадонларига ташриф буюрилиб, кам таъминланган оилаларнинг камбағаллик сабаблари, ишсизлик, ижтимоий муаммолари таҳлил қилиниб, уларни тумандаги йирик ишлаб чиқариш субъектлари ва тадбиркорларга бириктириш, маҳаллада тадбиркорликни ривожлантириш мақсадида имтиёзли кредит ва субсидияларни жалб қилиш, деҳқончилик, чорвачилик, касаначилик, паррандачилик, иссиқхона хўжалиги каби йўналишлардаги лойиҳаларни амалга оширишда кўмаклашишга келишиб олинди.

🕊Telegram 📱Instagram 📱Facebook 📺 Youtube

🇺🇿 Айни кунларда Ўзбекистон Савдо-саноат палатаси раисининг биринчи ўринбосари Давронбек Курбанов хизмат сафари билан Наманган вилоятида бўлиб турибди.

Д.Курбанов Наманган вилоятидаги "Учкун", "Қадамжо", "Лола", "Қўқумбой" маҳаллаларида бўлиб, аҳоли вакиллари, маҳалла фаоллари, тадбиркорлик субъектлари, “маҳалла еттилиги”, маҳаллий Кенгаш депутатлари билан учрашди.

Ташриф доирасида “Камбағалликдан фаровонлик сари” дастури доирасида амалга оширилаётган ишлар, хусусан аҳолини камбағалликдан олиб чиқиш, бандлигини таъминлаш, ички ва ташқи ресурсларидан фойдаланиш борасида ўрганишлар олиб борди.

Шунингдек, ижтимоий ҳимояга муҳтож бўлган хонадонларга ташриф буюрилиб, аниқланган муаммоларни бартараф этиш бўйича масъуллар билан биргаликда амалий чора-тадбирлар кўрилмоқда.

🕊Telegram 📱Instagram 📱Facebook 📺 Youtube

🇩🇪 Ўзбекистон делегацияси “FRUIT LOGISTICA 2025” халқаро кўргазмасида иштирок этмоқда

5-7 февраль кунлари Германия пойтахти Берлинда дунё бўйлаб ишлаб чиқарувчилар, экспортчилар, дистрибьюторлар ва соҳа мутахассисларини бирлаштирган энг йирик халқаро мева-сабзавот маҳсулотлари кўргазмаси — “FRUIT LOGISTICA” бўлиб ўтмоқда.

“FRUIT LOGISTICA” кўргазмаси 1993 йилдан бери ҳар йили ўтказиб келинади. Унинг умумий майдони 130 минг квадрат метрни ташкил этади. Бу йили кўргазмада дунёнинг 90 та мамлакатидан 3 мингдан ортиқ экспонентлар иштирок этмоқда. Ташриф буюрувчилар сони 80 мингга яқин кишини ташкил этиши кутилмоқда.

🇺🇿Ўзбекистон Савдо-саноат палатаси кўмагида “Made in Uzbekistan” миллий бренди остида мамлакат агросаноат секторида фаолият юритаётган етакчи компаниялар ўз маҳсулотларини намойиш этиб, жаҳон бозорида талаб катта бўлган мева-сабзавот, қуритилган мева ва ёнғоқларнинг кенг турларини тақдим этмоқда.

✔️Ушбу кўргазма Ўзбекистон маҳсулотларини Европа бозорида тарғиб қилиш, савдо алоқаларини мустаҳкамлаш ва янги ҳамкорлар топиш учун муҳим майдон вазифасини бажаради.

👍 Кўргазма доирасида ўзбекистонлик тадбиркорлар Европа, Яқин Шарқ ва Осиёдан келган дистрибьюторлар, чакана савдо вакиллари билан музокаралар ўтказишмоқда. Шунингдек, логистика компаниялари билан ҳамкорликни кенгайтириш юзасидан ишбилармонлик учрашувлари ташкил этилмоқда. Бу учрашувлар Ўзбекистон маҳсулотларини хорижий бозорларга етказиб бериш жараёнини такомиллаштириш имкониятини беради.

🕊Telegram 📱Instagram 📱Facebook 📺 Youtube

#тадбиркор

Восидбек Исоқов, "Ойбек супер транс" МЧЖ раҳбари
2024 йилда "Фаол тадбиркор" кўкрак нишони билан тақдирланган
📏📏📏📏📏

Жиззах вилоятида 2013 йилда ташкил топган корхона жамоат транспорти соҳасига ихтисослашган бўлиб, ҳозирги кунда 46 та замонавий транспорт воситаларига эга. Йиллик айланмаси 3 млрд сўмни ташкил этади, 60 нафарга яқин киши доимий иш билан таъминланиб келинмоқда.

Келгусидаги режаларингиз қандай?

Транспорт хизматлари соҳасини янада ривожлантириш режам бор. Хитойда ишлаб чиқарилган 22 та янги автобус олиб келишни режалаштирганман. Шу орқали яна қўшимча ишчи ўринларни яратиб, аҳолига сифатли хизмат кўрсатишни таъминлаймиз. Айни пайтда хорижий мамлакатларда ҳам ўз хизматларимизни қандай қилиб йўлга қўйиш устида иш олиб боряпмиз — дейди "Тадбиркор" журналининг қахрамони Восидбек Исоқов.

🕊Telegram 📱Instagram 📱Facebook 📺 Youtube

Саха Республикаси тадбиркорлари Ўзбекистонга ташриф буюради

🇺🇿🇷🇺 Ўзбекистон Савдо-саноат палатаси раиси ўринбосари Дилшод Расулов Саха (Якутия) Республикаси ҳукумати раиси ўринбосари Ким Борисов билан учрашув ўтказди.

Саха Республикаси Россия Федерациясининг йирик ҳудудларидан бири бўлиб, табиий ресурсларга бой. Республика олмос, олтин, нефть, газ каби қимматбаҳо ва стратегик хом ашёларнинг асосий манбаи ҳисобланади. Шунингдек, қишлоқ хўжалиги, саноат ишлаб чиқариши ва логистика соҳаларида ҳам ривожланиш салоҳияти юқори.

Учрашувда томонлар ўзаро савдо-иқтисодий ҳамкорликни кенгайтириш, хусусан, заргарчилик, тўқимачилик саноати, қишлоқ хўжалиги, ахборот технологиялари ва бошқа соҳаларда ҳамкорлик истиқболларини муҳокама қилди.

🤝 Музокаралар якунида Саха Республикаси бизнес доиралари делегациясининг апрель ойида Ўзбекистонга ташрифини ташкил этиш бўйича келишувга эришилди. Бу ташриф икки томонлама бизнес алоқаларини ривожлантириш, янги инвестициявий лойиҳаларни амалга ошириш ва ўзаро манфаатли ҳамкорликни мустаҳкамлашга хизмат қилади.

🕊Telegram 📱Instagram 📱Facebook 📺 Youtube

Ҳурматли тадбиркорлар !

🇺🇿🇮🇩 Ўзбекистон Савдо-саноат палатаси сизларни жорий йилнинг 10-11 февраль кунлари Индонезиянинг Жакарта шаҳрида бўлиб ўтадиган Ўзбекистон-Индонезия бизнес форумида иштирок этишга таклиф этади.

Форум доирасида тўқимачилик, электротехника, чарм, қишлоқ хўжалиги маҳсулотлари, қурилиш материаллари ҳамда туризм соҳаларидаги ишбилармон доира вакиллари иштирокида В2В форматидаги икки томонлама учрашувлар ўтказилиши режалаштирилган.

🗓 10-11 февраль
📍 Индонезия, Жакарта

Батафсил маълумот учун:
📞 +998991000606
📞 +998935880919

🕊Telegram 📱Instagram 📱Facebook 📺 Youtube

Ҳурматли тадбиркорлар!

✔️ Ўзбекистон Савдо-саноат палатаси Ўзбекистоннинг экспорт географиясини кенгайтириш ҳамда маҳаллий экспортчи корхоналарнинг маҳсулотларини жаҳон бозорига олиб чиқиш мақсадида Ўзбекистоннинг хориждаги Савдо уйларини очишда амалий ёрдам беришга тайёрлигини маълум қилади.

🪙 Савдо уйи очилишади қуйида келтирилган амалий ва молиявий кўмаклар кўрсатилади:

❤️ “Савдони ривожлантириш компанияси” АЖ томонидан Савдо уйини очиш билан боғлиқ харажатларнинг бир қисмини қоплаб бериш;
❤️ Реклама кампаниялари орқали маҳсулотларни намойиш этиш;
❤️ Савдо уйи ҳудудида савдо ярмаркаларини ташкил этиш.

Батафсил маълумот учун:
📞+998781506006

Telegram 📱Instagram 📱Facebook 📺Youtube