AQShga kelgan immigrantlar AQShda tug'ilgan fuqarolardan ko'ra ko'proq jinoyat qilishadi degan narrativ bor. Bu shunchaki narrativ emas. Shu narrativni Tramp ham oldinga surib saylovlarda ikki marta g'olib bo'ldi, MAGA jamoatchiligi ham shu narrativga ishonadi va targ'ibot qiladi. Bunday narrativ immigratsion siyosatni o'zgartirishga, tashkil etishga ta'sir etadi, albatta.

Bu xulosa noto'g'ri ekanligi bir necha bor faktlar bilan tasdiqlangan. Yaqinda yangi tadqiqot chop etilibdi. Amerikada ikki asrlik ma'lumotlarni o'rgangan holda tadqiqotchilar immigrantlar orasida jinoyatchilik darajasi, qamalish holatlari aksincha kamroq ekanligini ko'rsatganlar. Masalan, immigrantlar amerikada tug'ilgan amerikalik fuqarolardan ikki baravar kamroq darajada qamalishar ekan (2019 yil holatiga).

@uzbekonomics