QISHLOQ XO'JALIGI VAZIRLIGI

Sho‘rning o‘simlikka ta’siri

💧Tuproq sho‘rlangan bo‘lsa, urug‘larning nam tortishi juda sekinlashadi. Urug‘ yaxshi unib chiqishi uchun namlik zarur bo‘lgan darajagacha ko‘tarila olmaydi. Ba'zilarida urug‘ning unib chiqishi sekinlashishi tugul, mutlaq unib chiqmasligi ham kuzatilgan.

✅Tuproqning sho‘rlanish darajasining ortishi bilan tuproq eritmasining osmotik bosimi o‘simlikning so‘rish kuchidan ortib ketadi. Shu sababli o‘simliklarning suv ichishi qiyinlashadi. Bunda tuproqning fiziologik quruqligi deb ataladigan sharoit vujudga keladi. Ya'ni tuproqda namlik bo‘lishiga qaramay, o‘simlik yetarlicha suv icha olmaydi. Natijada esa, uning hayot faoliyati yomonlashadi, rivojlanishi sekinlashadi.

Ekinlarning tuz ta’siriga chidamliligi quyidagi omillarga bog‘liq:
– o‘simliklarning turi, xili, navi va yoshiga;
– tuproqning turi va undagi tuzlarning tarkibiga;
– tuproqning namlik darajasiga;
– tuproqdagi ozuqa moddalar miqdoriga;
– joyning iqlimiy sharoitlariga.

Tuproqlarning ortiqcha namiqish va sho‘rlanish sabablari odatda 2 turga bo‘linadi:
I. Tabiiy omillar:
– Yog‘in (qor va yomg‘ir);
– Geomorfologik sharoitlar;
– Gidrologik sharoitlar;
– Gidrogeologik sharoitlar.

II. Sun’iy omil:
– Sug‘orish-xo‘jalik omillari.

🌐Website 💬Telegram 💬Facebook 📺YouTube 📷Instagram

Yosh kadrlar agrar sohada ulkan burilish yasovchi katta kuch demak

🟢Bugun qishloq xo‘jaligida amalga oshirilayotgan islohotlar, zamonaviy yondashuvlar, albatta ilmiy nuqtayi nazarlarni amaliyotga tatbiq etish bilan chambarchas bog‘liq. Bunda yosh va malakali kadrlarning o‘rni beqiyos, chunki bugungi qishloq xo‘jaligi innovatsion ishlanmalar, xalqaro tajriba almashinuvlar, agrar ta'limning tizimli yo'lga qo'yilayotganligi tufayli rivojlanmoqda desak mubolag‘a bo‘lmaydi. Shunday ekan, agrar sohada yetishib chiqayotgan yosh mutaxassislarning ta’lim jarayonlarini, shu o‘rinda o‘quv binolarining moddiy texnik bazasini tubdan takomillashtirish borasida ham bir qator ishlar amalga oshirilmoqda.

🗣Shu maqsadda ayni kunlarda Toshkent davlat agrar universitetining ham o‘quv binolari tubdan rekonstruksiya qilinib, yangicha muhit shakllantirilmoqda. Qishloq xo‘jaligi vaziri Ibrohim Abdurahmonov ayni jarayonlar bilan bevosita tanish maqsadida universitetga tashrif buyurdi. Vazir ish jarayonlari bilan tanishar ekan, bunda talabalarga qulaylik yaratish, isitish tizimlarini standart talablariga mos ravishda o‘rnatish muhimligini qayd etib o‘tdi. Bundan tashqari rekonstruksiya jarayonlarini tezlashtirish, asosiysi ishlarni sifatli amalga oshirish zarurligini ta’kidladi.

🟢Shundan so‘ng, vazir Toshkent davlat agrar universiteti faoliyatini takomillashtirishga oid takliflar bilan tanishdi. Universitet rektori Narzullo Oblomuradov taqdimot o‘tkazar ekan, qishloq xo‘jaligi mutaxassislarining mehnat bozoridagi mavqeyini oshirish, bunda yosh kadrlarning o‘rni juda ham muhim ekanligini aytib o‘tdi hamda bu borada takliflarini berdi.

▶️Shuningdek, yoshlar uchun agrar ta’limning jozibadorligini oshirish, buning uchun dual ta’lim tizimini yanada takomillashtirish borasida takliflar o‘rtaga tashlandi.

💬Bundan tashqari, agrar sohada yoshlarning innovatsion tashabbuslarini qo‘llab-quvvatlash, ularni faqatgina nazariya bilan cheklanib qolmasdan, qishloq xo‘jaligidagi amaliy jarayonlarga jalb qilishni yanada takomillashtirish kerakligi aytib o‘tildi.

⏺Qishloq xo‘jaligi sohasida chet tillarini o‘qitish tizimini takomillashtirish borasida ham bir qator takliflar tinglandi. Vazir Ibrohim Abdurahmonov takliflardan kelib chiqib, xorijiy mamlakatlardan malakali o‘qituvchilarni jalb qilish, bu orqali talabalarning chet tillarini o‘zlashtirish borasidagi ko‘rsatkichlarini tubdan yaxshilash kerakligiga urg‘u berish zarurligini aytib o‘tdi.

🌀Taqdimotda shuningdek, universitetning o‘quv-ilmiy tajriba xo‘jaligini modernizatsiya qilish, laboratoriyalar faoliyatini takomillashtirish borasida ham bir qancha takliflar berib o‘tildi.

🌐Website 💬Telegram 💬Facebook 📺YouTube 📷Instagram

Almashlab ekishning ahamiyati

🔃Almashlab ekish – qishloq xo‘jalik ekinlarini dalalar va yillar bo‘yicha ilmiy asoslangan navbatlab ekish. Almashlab ekish dalalarda o‘tkaziladigan barcha agrotexnik tadbirlarning asosi hisoblanadi. U to‘g‘ri tashkil etilganda tuproq unumdorligi va ekinlar hosildorligini oshirishni, tuproq eroziyasiga qarshi kurashishni, begona o‘tlar, zararkunanda hamda kasalliklarning keskin kamayishini ta’minlaydi.

🌱Qishloq xo‘jalik ekinlarining hosildorligini oshirish va tuproq unumdorligini saqlab qolishda o‘tmishdosh ekinlar muhim ahamiyatga ega. Almashlab ekishda ayni vaqtda yetishtirilayotgan ekindan oldin ekilgan ekin o‘tmishdosh ekin hisoblanadi. Masalan, bug‘doydan keyin g‘o‘za ekilsa, bug‘doy g‘o‘zaning o‘tmishdosh ekini bo‘ladi.

❗️Qishloq xo‘jaligida bitta oilaga kiruvchi ekinlar bir-biriga yaxshi o‘tmishdosh bo‘la olmasligi isbotlangan. Masalan, makkajo‘xori, zig‘ir, tariq, kungaboqar, qand lavlagi kabi ekinlar bir dalada ikki yoki uch yil davomida ekilsa ularning hosildorligi keskin kamayadi, dalada begona o‘tlar, kasallik va zararkunandalar ko‘payib ketadi.

Markaziy Osiyo sharoitida:
– Kartoshka uchun karam, dukkakli sabzavotlar, bodring, ikki yillik sabzavot ekinlarining urug‘lari: piyoz, ildizmevalar va shuningdek, poliz ekinlari eng yaxshi o‘tmishdosh hisoblanadi;
– Pomidor uchun eng yaxshi o‘tmishdosh ekinlar – dukkaklilar, poliz ekinlari, karam va piyozdir;
– Karam o‘simligi kartoshka, poliz ekinlari, bodring va ildizmevalilar uchun yaxshi o‘tmishdosh hisoblanadi;
– Begona o‘tlardan ziyon ko‘ruvchi piyoz va ildizmevali sabzavotlardan keyin karam, bodring, kartoshka ekilishi zarur;
– Poliz ekinlari va bodring ko‘p yillik o‘tlardan, sabzavot ekinlaridan, karam, ildizmevalilar, piyoz va don ekinlaridan keyin yetishtirilganda yuqori hosil beradi.

🌐Website 💬Telegram 💬Facebook 📺YouTube 📷Instagram

🌾🌾🌾🌾🌾🌾

Joriy yil yakunlari bo‘yicha qishloq xo‘jaligi sohasida fidokorona xizmat qilgan xodimlar taqdirlandi.

🟢Qishloq xo‘jaligi sohasi mamlakatimiz iqtisodiyotining asosiy tarmoqlaridan biri bo‘lib, uning rivojlanishi davlatning barqaror taraqqiyoti uchun muhim ahamiyat kasb etadi. Shu nuqtai nazardan, bu sohada faoliyat yurituvchi tashkilot va mutaxassislarning mehnatini e’tirof etish alohida ahamiyatga ega.

🌱Ayni shu munosabat bilan, moliya-iqtisod sohasida olib borgan samarali ishlari, qishloq xo‘jaligi taraqqiyotiga qo‘shgan hissasi va ish jarayonlarini yuqori darajada tashkil etgani uchun Qishloq xo‘jaligi vazirligi tizimidagi “O‘zdavyerloyiha” instituti vazirlik tomonidan yuksak e’tirofga loyiq topildi.

✅Bundan tashqari, tashkilotning sohadagi ko‘p yillik samarali mehnati va o‘z xizmat vazifasiga bo‘lgan sadoqati uchun bir guruh xodimlari ham alohida e’tirof etildi. Ular vazirlik tomonidan Tashakkurnoma bilan taqdirlanib, o‘z mehnati va fidokorligi bilan jamiyat taraqqiyotiga qo‘shgan hissasi bois munosib baholandi.

📌Bu kabi mukofotlash tadbirlari sohaning rivojlanishida hal qiluvchi rol o‘ynaydigan xodimlarni rag‘batlantirish va ularning mehnatini qadrlashda muhim qadam hisoblanadi.

🌐Website 💬Telegram 💬Facebook 📺YouTube 📷Instagram

🌱🌱🌱🌱🌱🌱🌱🌱

Ekinlar unuvchanligini necha yil saqlaydi?

🌱Ko‘pchilik sabzavot ekinlarining endigina yetilgan urug‘lari juda sekin unadi yoki umuman unib chiqmaydi. Chunki urug‘ bu paytda tinim holatida bo‘ladi va bu davr 2-3 oy davom etadi. Biroq pomidor va oshqovoq urug‘lari yetilgach, tezda unib chiqadi.

🌿Urug‘lar unuvchanligining saqlanishi ekinning turiga, parvarishlash sharoitiga, yig‘im-terimga, undan keyingi holati va saqlanish sharoitiga bog‘liq.

Oddiy sharoitda quyidagi ekinlarning urug‘lari unuvchanligini yo‘qotmaydi:

✅Ukrop, petrushka, selderey, piyoz va shovul — 3 yilgacha.
✅Sabzi, salat, ismaloq va qalampir urug‘i — 4 yil,
✅Rediska, karam, lavlagi, sholg‘om, ravoch — 5 yil,
✅No‘xat va makkajo‘xori — 7 yil,
✅Baqlajon, bodring, qovun hamda loviya - 9 yil.

📌Unutmang, urug‘larning unib-o‘sishi uchun namlik, issiqlik va kislorod yetarli miqdorda bo‘lishi lozim.

🌐Website 💬Telegram 💬Facebook 📺YouTube 📷Instagram

Zamburug‘larning tuproqdagi hayotiy roli. Ular tuproq unumdorligini oshiradimi?

🌲Zamburug‘lar bizning tuproq ekotizimimizda hal qiluvchi rol o‘ynashini bilasizmi? Ular atrof-muhitning jonli va tirik bo‘lmagan jihatlariga sezilarli ta’sir ko‘rsatadi.

🌿Zamburug‘lar organik moddalarni parchalash va hayotiy ozuqa moddalarini qayta ishlashga yordam beradigan turli xil organizmlar bo‘lib, ular asosan o‘simliklarning rivojlanishi uchun ko‘payadilar.

😎Tuproq zamburug‘lari nihoyatda xilma-xil bo‘lib, butun dunyo bo‘ylab 80 500 dan ortiq turi aniqlangan. Har bir zamburug‘ turi harorat, namlik va tuproq tarkibini o‘z ichiga olgan o‘sish va rivojlanish sharoitlarini talab qiladi.

🧬Ular o‘lik organik moddalarni biomassa, karbonat angidrid va organik kislotalar kabi muhim tarkibiy qismlarga aylantiradilar. Tuproqda zamburug‘larni uchta funksional guruhga bo‘lish mumkin: biologik nazorat qiluvchilar, ekotizim regulyatorlari va organik moddalarning parchalanishida ishtirok etadigan turlar.

🔝Biologik nazoratchilar kasalliklar, zararkunandalar va boshqa organizmlarning o‘sishini tartibga solishga yordam beradi. Masalan, mikorizal zamburug‘lar ozuqa moddalarining so‘rilishini oshirish va patogenlardan himoya qilish orqali o‘simliklarning o‘sishini kuchaytiradi.

🟢Ular azot fiksatsiyasida, gormonlar ishlab chiqarishda va ildiz patogenlariga qarshi biologik nazoratda ishtirok etadilar. Bundan tashqari, zamburug‘lar tuproqning organik moddalarini barqarorlashtirishga va qoldiqlarning parchalanishiga yordam beradi.

👍Zamburug‘larning imkoniyatlaridan foydalanib, biz tuproq unumdorligini oshirishimiz, tuproq degradatsiyasini kamaytirishimiz va o‘simliklarning sog‘lom o‘sishini rag‘batlantirishimiz mumkin.

🌐Website 💬Telegram 💬Facebook 📺YouTube 📷Instagram

Oʻzbekiston qancha achchiq qalampir eksport qilgan?

🌶Oʻzbekiston 2024-yilning yanvar-oktabr oylarida xorijga qiymati 7,2 mln AQSh dollariga teng bo‘lgan 5 038 tonna achchiq qalampir eksport qilgan.

ℹ️Oʻzbekiston 2024-yilning 10 oyida eng ko‘p achchiq qalampir eksport qilgan davlatlar:

🇰🇿Qozog‘iston – 1 564 tonna;
🇰🇬Qirg‘iz Respublikasi – 1 225 tonna;
🇹🇷Turkiya – 681 tonna:
🇷🇺Rossiya – 669 tonna;
🇺🇸AQSh – 264 tonna;
🌍Boshqa mamlakatlar – 635 tonna.

🌐Website 💬Telegram 💬Facebook 📺YouTube 📷Instagram