45-IDUMI | Matbuot xizmati dan repost
Video oldindan ko‘rish uchun mavjud emas
Telegram'da ko‘rish
😊 Ta’lim fidoyisi – Egambergan Qozoqov
Ta’lim fidoyisi, ustozimiz Egambergan aka Qozoqov hayot bo‘lganlarida bugun 75 yoshni qarshi olgan bo‘lar edilar.
O‘zbekiston Respublikasida xizmat ko‘rsatgan xalq ta’limi xodimi, “Do‘stlik” ordeni sohibi, tarix fanlari nomzodi Egambergan Qozoqov butun umrini ilm-fanga, yosh avlod tarbiyasiga bag‘ishladi.
Hayot yo‘li va ta’limdagi hissasi: 1950-yil 24-fevralda Xorazm viloyati Urganch tumanida tug‘ilgan. 1973-yilda Xorazm davlat pedagogika institutini tamomlab, ta’lim sohasida o‘z faoliyatini boshlagan. 1981-1994-yillarda Urganch pedagogika bilim yurtida, 1994-2004-yillarda Urganch tumani xalq ta’limi bo‘limiga rahbarlik qilgan.
Ustoz 2004-yildan 2023-yilgacha 45-sonli ixtisoslashgan maktab-internatning direktori sifatida faoliyat yuritdi. Uning sa’y-harakatlari bilan maktab-internat viloyatdagi eng nufuzli ta’lim maskanlaridan biriga aylandi.
Ilmiy va pedagogik merosi: U Xorazm tarixi bo‘yicha nomzodlik dissertatsiyasini yoqlagan, ilmiy maqolalar chop etgan. O‘quvchilarining oliy o‘quv yurtlariga kirish ko‘rsatkichi 90-95 foizga yetkazdi, ko‘plab shogirdlari fan olimpiadalarida yuksak natijalarga erishdi.
Mukofot va e’tiroflar: Egambergan Qozoqovning fidokorona mehnati davlat tomonidan yuksak e’tirof etilgan. U 2003-yilda "O‘zbekiston Respublikasida xizmat ko‘rsatgan xalq ta’limi xodimi" faxriy unvoniga sazovor bo‘lgan. 2016-yilda O‘zbekiston Respublikasi Prezidenti farmoni bilan unga “Do‘stlik” ordeni topshirildi. Shuningdek, Mustaqillikning 20, 25 va 30 yilliklari hamda Konstitutsiyaning 25 yilligi munosabati bilan ko‘krak nishonlari bilan taqdirlangan.
2020-yilda ta’lim tizimidagi uzoq yillik xizmatlari uchun “Xalq ta’limi fidoyisi” ko‘krak nishoni bilan mukofotlangan. Ustozning fidokorona mehnati nafaqat davlat, balki butun ta’lim jamoatchiligi tomonidan ham katta hurmat bilan e’tirof etiladi.
Ustozning mehribonligi, talabchanligi va fidoiy mehnati qalbimizda mangu yashaydi. Ustoz qoldirgan ilmiy va ta’limiy meros biz shogirdlar hamda ma’rifat sari yo‘l olgan har bir avlod uchun nurli mayoq bo‘lib qoladi.
🕊 Urganch tumanidagi 45-sonli maktab-internati jamoasi
Ta’lim fidoyisi, ustozimiz Egambergan aka Qozoqov hayot bo‘lganlarida bugun 75 yoshni qarshi olgan bo‘lar edilar.
O‘zbekiston Respublikasida xizmat ko‘rsatgan xalq ta’limi xodimi, “Do‘stlik” ordeni sohibi, tarix fanlari nomzodi Egambergan Qozoqov butun umrini ilm-fanga, yosh avlod tarbiyasiga bag‘ishladi.
Hayot yo‘li va ta’limdagi hissasi: 1950-yil 24-fevralda Xorazm viloyati Urganch tumanida tug‘ilgan. 1973-yilda Xorazm davlat pedagogika institutini tamomlab, ta’lim sohasida o‘z faoliyatini boshlagan. 1981-1994-yillarda Urganch pedagogika bilim yurtida, 1994-2004-yillarda Urganch tumani xalq ta’limi bo‘limiga rahbarlik qilgan.
Ustoz 2004-yildan 2023-yilgacha 45-sonli ixtisoslashgan maktab-internatning direktori sifatida faoliyat yuritdi. Uning sa’y-harakatlari bilan maktab-internat viloyatdagi eng nufuzli ta’lim maskanlaridan biriga aylandi.
Ilmiy va pedagogik merosi: U Xorazm tarixi bo‘yicha nomzodlik dissertatsiyasini yoqlagan, ilmiy maqolalar chop etgan. O‘quvchilarining oliy o‘quv yurtlariga kirish ko‘rsatkichi 90-95 foizga yetkazdi, ko‘plab shogirdlari fan olimpiadalarida yuksak natijalarga erishdi.
Mukofot va e’tiroflar: Egambergan Qozoqovning fidokorona mehnati davlat tomonidan yuksak e’tirof etilgan. U 2003-yilda "O‘zbekiston Respublikasida xizmat ko‘rsatgan xalq ta’limi xodimi" faxriy unvoniga sazovor bo‘lgan. 2016-yilda O‘zbekiston Respublikasi Prezidenti farmoni bilan unga “Do‘stlik” ordeni topshirildi. Shuningdek, Mustaqillikning 20, 25 va 30 yilliklari hamda Konstitutsiyaning 25 yilligi munosabati bilan ko‘krak nishonlari bilan taqdirlangan.
2020-yilda ta’lim tizimidagi uzoq yillik xizmatlari uchun “Xalq ta’limi fidoyisi” ko‘krak nishoni bilan mukofotlangan. Ustozning fidokorona mehnati nafaqat davlat, balki butun ta’lim jamoatchiligi tomonidan ham katta hurmat bilan e’tirof etiladi.
Ustozning mehribonligi, talabchanligi va fidoiy mehnati qalbimizda mangu yashaydi. Ustoz qoldirgan ilmiy va ta’limiy meros biz shogirdlar hamda ma’rifat sari yo‘l olgan har bir avlod uchun nurli mayoq bo‘lib qoladi.
🕊 Urganch tumanidagi 45-sonli maktab-internati jamoasi