🏛 Andijon iqtisodiyot va pedagogika universiteti (UNIEP) | Rasmiy kanali

Andijon Iqtisodiyot va Pedagogika Universiteti delegatsiyasining Qirg‘izistonga tashrifi.

📖 Qirg‘iziston Respublikasining O‘sh davlat universitetida Andijon Iqtisodiyot va Pedagogika Universiteti delegatsiyasi tashrif buyurdi. Mazkur tashrif doirasida ikki oliy ta’lim muassasasi o‘rtasidagi ilmiy va akademik hamkorlikni yanada rivojlantirish masalalari muhokama qilindi.

📚 Delegatsiya tarkibida Iqtisodiyot kafedrasi professori Abduqahhor Iminoxunov va Xalqaro hamkorlik bo‘limi boshlig‘i Nafisa Safina ishtirok etib, O‘sh davlat universiteti talabalari uchun ilmiy-ma’ruza mashg‘ulotlari o‘tkazdilar. Ma’ruzalar zamonaviy iqtisodiy jarayonlar va mintaqaviy hamkorlikning dolzarb masalalariga bag‘ishlandi.

Shuningdek, delegatsiya tarkibida Iqtisodiyot kafedrasi dotsenti Muhiddin Mamathonov, Baxtiyor Mirzayarimov va Feruza To‘xtarovalar ham qatnashib, ilmiy-tadqiqot loyihalari bo‘yicha fikr almashdilar.

📖 Tashrif doirasida o‘zaro tajriba almashish, ta’lim sohasida innovatsion yondashuvlarni joriy etish va kelgusidagi hamkorlik istiqbollari yuzasidan muhokamalar olib borildi. Ushbu tashrif O‘zbekiston va Qirg‘iziston oliy ta’lim muassasalari o‘rtasidagi do‘stona aloqalarni mustahkamlashda muhim qadam bo‘ldi.

🏛 “University of economics and pedagogy”📌
Rasmiy saxifalarimiz✅
📱Telegram   📱Instagram 

📱WebSite     📱Facebook

TA'ZIYA

Og‘ir judolik... Universitetimiz jonkuyar ustozlaridan biri, fidoyi pedagog, hurmatli Isamiddinova Muhtaram Esanullayevna bu foniy dunyoni tark etdilar. Bu musibat universitet jamoasi va ustozimizning yaqinlari uchun o‘chmas dard bo‘ldi.

Muhtaram opa butun hayotlarini ilmga, yosh avlod tarbiyasiga, ezgulik va adolatga bag‘ishladilar. U kishining mehribonligi, bilimdonligi, kasbiga bo‘lgan sadoqati barchamiz uchun ibrat edi.

Opa universitetimiz uchun jon kuydirgan, ko‘plab talabalarga ilm, hayot sabog‘ini bergan, ularni ezgu yo‘lga yo‘naltirgan muallima edilar.

Ustozimizning yorqin xotirasi qalblarimizda doimo saqlanib qoladi. Marhumaning oila a’zolariga, yaqinlariga sabr va bardamlik tilaymiz. Alloh rahmatiga olsin, oxiratlari obod bo‘lsin.

Hurmat bilan,
Universitet jamoasi

🏛 “University of economics and pedagogy”📌
Rasmiy saxifalarimiz✅
📱Telegram   📱Instagram 

📱WebSite     📱Facebook

🟦🟦🟦

📆 Bugun universitetimizda Axborot-resurs markazi (ARM) xodimlari tashabbusi bilan buyuk mutafakkir va shoir Alisher Navoiy tavalludining 584 yilligiga bag‘ishlangan "Navoiy kechasi" tashkil etildi.

🖌 Tadbir davomida talabalarga Alisher Navoiyning hayoti va ijodi haqida qiziqarli ma’lumotlar taqdim etildi. Tadbirning asosiy qismi Navoiy g‘azallaridan namunalar o‘qilishi va uning asarlari asosida tayyorlangan sahna ko‘rinishlaridan iborat bo‘ldi.

🖌 Talabalar buyuk shoirning g‘azallarini yoddan ifoda etib, uning mazmunini tushuntirishdi. Shuningdek, Navoiy ijodidan ilhomlangan yosh ijodkorlar o‘z she’rlarini taqdim etdilar.

🏛 “University of economics and pedagogy”📌
Rasmiy saxifalarimiz✅
📱Telegram   📱Instagram 

📱WebSite     📱Facebook

💖💖💖

⛳️ Universitetimizda "Milliy liboslar kuni" ko‘tarinki kayfiyatda nishonlanmoqda! 🇺🇿👘

✨ Xabaringiz bor, mamlakatimizda har juma kuni "Milliy liboslar kuni" etib belgilangan bo‘lib, ushbu kun milliy qadriyatlarimiz va an’analarimizni targ‘ib qilishga xizmat qiladi.

✨ Bugun universitetimiz professor-o‘qituvchilari va xodimlari ushbu kunni milliy liboslarda yaxshi kayfiyat bilan qarshi oldilar. An’anaviy atlas, adras, do‘ppi va milliy zargarlik buyumlari bilan bezatilgan obrazlar barchaga o‘zgacha muhit yaratdi.

🏛 “University of economics and pedagogy”📌
Rasmiy saxifalarimiz✅
📱Telegram   📱Instagram 

📱WebSite     📱Facebook

👍👍👍👍👍👍👍

Universitetimizga Qirg‘izistonlik professor tashrif buyurdi!

📆 Bugun universitetimiz Filologiya kafedrasi professori v.b B.Yarkinova tashabbusi va Filologiya kafedrasi taklifi bilan Qirg‘iziston Respublikasi Jalolobod Davlat universiteti professori, filologiya fanlari doktori Mirzoxidova Muyassar Inomjonovna tashrif buyurdilar.

🖌 Tashrif davomida professor talabalar uchun "Tilshunoslikda so‘z turkumlari tasnifi" mavzusida ilmiy ma’ruza o‘tkazdi. Ushbu ma’ruzada tilshunoslik fanining dolzarb masalalari va zamonaviy yondashuvlari yoritilib, talabalar uchun qiziqarli ma’lumotlar taqdim etildi.

💻 Tashrif so‘ngida professor Mirzoxidova Muyassar Inomjonovna universitetimiz jamoasiga taklif uchun minnatdorchilik bildirdilar va ilmiy hamkorlikni davom ettirish muhimligini ta’kidladilar. Bunday xalqaro ilmiy uchrashuvlar universitetimizda muntazam davom etadi!

🏛 “University of economics and pedagogy”📌
Rasmiy saxifalarimiz✅
📱Telegram   📱Instagram 

📱WebSite     📱Facebook