Muhabbat bu - Rasululloh sollallohu alayhi vasallam vafotlaridan keyin azon aytishni toʻxtatgan Biloldir.
Muhabbat bu - Rasululloh sollallohu alayhi vasallamning vafotlaridan keyin Madinada yasholmay, uni tark etgan Biloldir.
Muhabbat bu - Rasululloh sollallohu alayhi vasallamning qabrlarini uzoq vaqt ziyorat qilmagani uchun tushida Paygʻambar alayhissalomni koʻrgan va: "Bu qanday jafo boʻldi, ey Bilol", degan soʻzlarini eshitib uygʻongach, yigʻlab Paygʻambar ziyoratlariga joʻnagan Biloldir.
Muhabbat bu - tunda Madinaga kelib, Hasan va Husayn roziyallohu anhumolarni izlab topib, ulardan bomdod azoniga izn soʻragan Biloldir. Oʻshanda azonni eshitgan Madina yigʻidan larzaga kelgandi. Madina mana shunday hayajonli onlarga hech qachon qayta guvoh boʻlmadi.
Muhabbat bu - Shomdagi qoʻshinga Umar roziyallohu anhu azon aytib berishini soʻragan va "Ashhadu anna Muhammadur Rasululloh"ga kelganda toʻxtab qolib yigʻlagan va qoʻshinni ham yigʻlatgan Biloldir. Eng qattiq va eng koʻp yigʻlagan Umar edilar.
Muhabbat bu - oʻlim toʻshagida yotganda "Ertaga sevganim Muhammad va asʼhobiga yetishaman" degan Biloldir.
Muhabbat bu - ushbu satrlarni oʻqiyotganda Rasululloh sollallohu alayhi vasallamni Biloldek sevib, uningdek toʻlgʻonib, koʻzlari jiqqa yoshga toʻlgan Sizdir.
📖 Rasulullohga (sollallohu alayhi vasallam) muhabbat
@ummu_kulthum
