uZavtoNews

7 февралдан бошлаб Ўзбекистонда барча банклар ва тўлов ташкилотларининг мобил иловаларида идентификациядан ўтмаган мижозлар картадан картага пул ўтказа олмайди!

Қандай қилиб идентификациядан ўтиш мумкин?
1️⃣ Мобил иловангизни очинг
2️⃣ «Идентификациядан ўтиш» тугмасини босинг
3️⃣ Паспорт маълумотларингизни киритинг
4️⃣ Юзни сканер қилинг (Face ID)

Rost24.uz'га ўқитувчиларга имтиёзли асосда автомобиль бериш тўғрисидаги топшириқ амалда ишламаётгани ҳақида мурожаат келиб тушди. Айтилишича, мурожаат йўллаган педагог ишлаётган мактабда 8 нафар ўқитувчига автоулов ваъда қилинган, аммо ваъда бажарилмаган. Шунингдек, мурожаат эгасига расмий жавоб сифатида бу масала бўйича Вазирлик ёки Вазирлар Маҳкамасига мурожаат қилиш тавсия этилган, яъни муаммони ҳал этиш ўрнига масъулият бир идорадан иккинчисига юборилган.

Эслатиб ўтамиз, Вазирлар Маҳкамасининг қарорига биноан Ўзбекистон Республикаси Марказий банки "Ўзавтосаноат" АЖ билан биргаликда акция доирасида Мактабгача ва мактаб таълими вазирлиги тизимидаги ходим ва педагогларга "Шевролет" автомобилларини тижорат банклари орқали бошланғич бадали 30 фоиздан ошмаган ҳолда имтиёзли равишда 60 ойлик муддатли тўлов асосида харид қилишлари учун зарур чораларни кўрилиши керак эди.

Қарорга биноан ушбу вазифа ижроси А.Ж. Раматовга, Ж.А. Қўчқоровга, шунингдек Мактабгача ва мактаб таълими вазирлиги (Умаровага), "Ўзавтосаноат" АЖ (Розукуловга), Иқтисодиёт ва молия вазирлиги (Норқуловга), Ўзбекистон Республикаси Марказий банкига (Сайдуллаевга) юклатилган.

Умид қиламизки, ушбу масъул шахслар агар давлат раҳбари буйруғига беэътибор бўлишмаса, нафақат бу мурожаатни, балки қарор ижроси қай даражада бажарилаётганини назоратга олишади.

✅ Йўл ҳаракати қоидаларига кўра, ҳайдовчи ҳаракатланишни бошлашдан, қайта тизилишдан, бурилиш (қайрилиб олиш)дан ва тўхташдан олдин тегишли йўналишни кўрсатувчи ёруғлик ишораларини ёқиши, улар бўлмаганда ёки ишламаганда қўл билан ишоралар бериши шарт.

✅Чапга бурилиш (қайрилиб олиш)ни билдирувчи ишорага чап қўлни ёнга узатиш ёки ўнг қўлни тирсакдан тўғри бурчак остида букиб, юқорига кўтариш мос келади. Ўнгга бурилиш (қайрилиб олиш) ни билдирувчи ишорага ўнг қўлни ёнга узатиш ёки чап қўлни тирсакдан тўғри бурчак остида букиб, юқорига кўтариш мос келади. Тўхташ ишораси чап ёки ўнг қўлни юқорига кўтариб берилади.

✅ Бурилиш кўрсатгичи ёки қўл билан берилаётган ишора манёврни бажаришдан олдинроқ берилиши ва уни тугаллагач, дарҳол тўхтатилиши керак (қўл билан берилаётган ишорани манёврни бевосита бажаришдан олдин тугаллаш мумкин)