Тўрақўрғон туман ҳокимлиги |расмий канали

Тўрақўрғон тумани прокурори А.Юсупов тумандаги 7-сонли умумтаълим мактабида “Ўзбекистон Республикаси таълим муассасаларида мобил телефонлардан фойдаланишни тартибга солиш чора-тадбирлари тўғрисида”ги Вазирлар Махкамасининг 2012 йил 21 майдаги 139-сонли қарори ижросини таъминлаш мақсадида тушунтириш ишлари олиб борди.

Тадбирларда ўқувчилар, педагоглар ва ходимларга мактаб ҳудудига киришда мобил телефонлар овозини тўлиқ ўчириш лозимлиги тушунтирилди. Шунингдек, мазкур тартиб-таомиллар ўқув жараёнига ҳалал бермаслик ва таълим самарадорлигини оширишга қаратилгани таъкидланди.

Тарғибот ишлари давомида қарорнинг аҳамияти ва унинг ижросини таъминлаш бўйича мактаб жамоасига зарур тавсиялар берилди

Бугун Тўрақўрғон тумани ҳокимининг ўринбосари, Оила ва хотин-қизлар бўлими бошлиғи Х.Маҳмудова раҳбарлигида Оилавий қадриятларни мустаҳкамлаш комиссияси аъзолари Исвахон маданият марказида қабул ўтказдилар.

Бунда ажрим ёқасига келиб қолган 17 та оилалар ўрганилди. Мулоқот давомида мурожаатчиларга оила мустаҳкамлигини таъминлашда ота-онанинг роли, миллий қадрият ва анаъаналар, келинлик одоблари тўғрисида ҳаётий мисоллар билан тушунча берилиб, 3 нафар оилани яраштирилди ва бошқаларга муросага келиш чораларини кўришлари учун муддат берилди.

#Республика_ишчи_гуруҳи
#Тўрақўрғон_тумани
#маҳалла

Республика Ишчи гуруҳи вакиллари 4813 нафар аҳоли истиқомат қиладиган Исвахон маҳалласида бўлиб, олиб борилаётган ишлар билан танишдилар.

Аввало маҳалла еттилигининг фаолияти ўрганилди, ишсизликни камайтириш, ноқонуний четда ишлаётганларни қайтариш, жиноятчиликни олдини олиш масалалари таҳлил қилинди.

Сўнгра 2 сотихли иссиқхонага 30 минг сўмлик исмалоқ уруғи сепиб, ҳозиргача 7 миллион сўм фойда топган ва сотишда давом этаётган Муҳайё Нурматова оиласига борилди.

Ҳудуддаги 13-умумтаълим мактабидаги шароитлар кўрилди, “Руҳий енгиллик хонаси” ва компьютер саводхонлиги синфи кўздан кечирилди. 21-махсус ихтисослаштирилган давлат мактабгача таълим ташкилотида иссиқлик тизими, болалар учун мўлжалланган машғулотлар назорат қилинди.

Маҳаллада яшовчи камбағаллик реестрига олинган Обиджон Жамоловнинг хонадони туман прокурорига бириктирилгани, унинг уйи таъмирлаб берилгани, фарзандларига ер ажратилиб, ишга жойлаштирилгани ҳақида Ишчи гуруҳига маълумот берилди.

Тўрақўрғон туманидаги умумий ўрта таълим муассасаларининг 7-8-синф ўқувчилари ўртасида Ал-Хоразмий номидаги аниқ ва табиий фанлар олимпиадасининг туман босқичи ўтказилди.

Олимпиада тумандаги 28-сонли умумий ўрта таълим муассасасида ташкил этилиб, унда 7-синф ўқувчиларидан аниқ фанлар йўналиши бўйича 186 нафар, табиий фанлар бўйича 187 нафар, 8-синф ўқувчиларидан аниқ фанлар йўналиши бўйича 189 нафар, табиий фанлар бўйича 187 нафар, жами 749 нафар ўқувчилар иштирок этдилар.

Натижалар масъуллар томонидан текшириб чиқилгандан сўнг маълум қилинади.

Тўрaқўрғонлик ёшлар партиянинг истиқболли кадрлар захирасига олинди

ЎзЛиДеП Наманган вилояти Кенгаши ташаббуси билан Тўрақўрғон тумани Кенгаши томонидан Ибрат номидаги Наманган давлат чет тиллари институтида “Янги авлод кадрлари” лойиҳаси доирасида тадбир ташкил этилди.

Тадбирда Тўрақўрғон тумани Кенгаши аппарат раҳбари Нигора Назарова томонидан  мазкур лойиҳа  ва партия дастурий вазифалари ҳақида ёшларга тушунчалар берилди.                                                        

Лойиҳани ўтказилишидан асосий мақсад –ҳудудий партия ташкилотлари ижроия аппаратларига сиёсий жиҳатдан етук, партиявий ишларни ташкил этиш масалаларида давр талабларига жавоб бера оладиган, етарли малакага эга бўлган кадрларни танлаш ҳамда уларни жой-жойига қўйиш ишларини янада такомиллаштиришдан иборат.

Тадбир якунига кўра олийгоҳнинг саккиз нафар иқтидорли талабалари партиянинг истиқболли кадрлар заҳирасига олинди.