ТОШКЕНТ ВИЛОЯТ АДЛИЯ БОШҚАРМАСИ АХБОРОТ ХИЗМАТИ/TOSHKENT VILOYAT ADLIYA BOSHQARMASI AXBOROT XIZMATI

#Bilasizmi

❗️Dunyoviy davlatda umumjamiyat manfaatlari va vijdon erkinligi uyg'unligi ta'minlanadi

🔰 Konsepsiyaga ko'ra, dunyoviy davlatda umumjamiyat manfaatlari quyidagilarni qamrab oladi, jumladan:

🔹har bir insonning Konstitutsiya va qonunlarda belgilangan shaxsiy, siyosiy, iqtisodiy, ijtimoiy, madaniy va ekologik huquqlari hamda erkinliklarini tenglik va adolatlilik asosida ro'yobga chiqarish;

🔹har bir shaxsning qonun asosida teng huquq, imkoniyat va himoyaga ega bo'lishini ta'minlash, har bir inson qadrlanadigan va hurmat qilinadigan, uning fikri inobatga olinadigan ijtimoiy muhitni yaratish;

🔹turli qarashlar va nuqtayi nazarlarga ega ijtimoiy guruhlar o'rtasida birdamlik hamda bag'rikenglik, tinch-totuv yashash va hamjihatlik ruhini shakllantirish, ular o'rtasida muloqot, o'zaro tushunish va hamkorlikni yo'lga qo'yish hamda bir-biri haqida yanglish tasavvurlar va adovat paydo bo'lishining oldini oluvchi barqarorlik va totuvlik muhitini yaratish;

🔹jamiyat va davlat ishlarini boshqarishda fuqarolarning diniy e'tiqodi va qarashlaridan qat'i nazar, demokratiya, erkinlik va tenglik, ijtimoiy adolat va birdamlik g'oyalari asosida istisnosiz ishtirok etishi uchun shart-sharoitlar yaratish;

🔹jamiyatning har qanday tajovuzlardan, ijtimoiy va millatlararo nizolardan, turli konfessiyalar o'rtasida adovat va nafrat uyg'otishdan, favqulodda vaziyatlar va boshqa tahdidlardan himoyalanganligini ta'minlash.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️Pedagoglarni attestatsiyadan o'tkazish, kasbiy sertifikatlash va rag'batlantirish tizimi takomillashtiriladi

Vazirlar Mahkamasining qarori (130-son, 28.02.2025 y.) bilan Hukumatining ayrim qarorlariga o'zgartirish va qo'shimchalar kiritildi.

⚡️Qarorga ko'ra, 2025-yil 1-sentabrgacha:

1️⃣ Navbatdagi majburiy attestatsiyaga jalb etilmagan, shuningdek, attestatsiyadan o'tganlik muddati tugagan va amaldagi malaka toifasi saqlanib qolgan quyidagi pedagoglar majburiy attestatsiyaga jalb etilmaydi hamda ularga amaldagi malaka toifasi (lavozimi) bo'yicha haq to'lanadi:

▪️oliy malaka toifasiga (bosh o'qituvchi lavozimiga) ega bo'lganidan so'ng ushbu toifani (lavozimni) 15 yil davomida saqlab kelgan va uzluksiz ish stajiga ega bo'lgan;
▪️pedagogik faoliyat bo'yicha 25 yil va undan ko'p ish stajiga ega bo'lgan;
▪️yoshga doir pensiyaga chiqishi uchun 5 yildan ko'p bo'lmagan vaqt qolgan;
▪️pedagogik faoliyat bilan shug'ullanayotgan pensiya yoshiga to'lgan pedagoglar;

2️⃣ Quyidagi talablardan biriga javob beradigan pedagoglarga to'g'ridan-to'g'ri malaka toifasi (lavozimi) beriladi:

▪️pedagogik faoliyat bo'yicha 25 yil va undan ko'p ish stajiga ega bo'lgan pedagoglarga – ularning amaldagi malaka toifasi (lavozimi);
▪️yoshga doir pensiyaga chiqishi uchun 5 yildan ko'p bo'lmagan vaqt qolgan pedagoglarga – ularning amaldagi malaka toifasi (lavozimi);
▪️oliy malaka toifasiga (bosh o'qituvchi lavozimiga) ega bo'lganidan so'ng ushbu toifani (lavozimni) 15 yil davomida saqlab kelgan va uzluksiz ish stajiga ega bo'lgan pedagoglarga – oliy malaka toifasi (bosh o'qituvchi lavozimi).

✅ Shuningdek, quyidagilar nazarda tutilmoqda:

🔹ta'lim tashkilotlarida faoliyat yuritayotgan musiqa madaniyati va jismoniy tarbiya fani pedagoglari, pensiya yoshidagi pedagoglar hamda oliy ma'lumotga ega bo'lmagan pedagoglarni attestatsiyadan o'tkazish;
🔹Maktabgacha va maktab ta'limi vazirligi tizimida faoliyat yuritayotgan malakali pedagog kadrlar va ilg'or xodimlarni rag'batlantirish;
🔹Maktabgacha va maktab ta'limi vaziri jamg'armasi faoliyatini takomillashtirish.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️“Ramazon – saxovat, birdamlik va bag'rikenglik oyi”

“Muborak Ramazon oyini munosib tarzda o'tkazish to'g'risida”gi Prezident qarori (PQ-76-son, 27.02.2025 y.) qabul qilindi.

⚡️Qarorga ko'ra, 2025-yilda muborak Ramazon oyining boshlanishi 1-mart kuniga to'g'ri kelishi munosabati bilan hududlarda Ramazon oyini milliy an'ana va qadriyatlarga mos tarzda o'tkazishga doir chora-tadbirlar amalga oshiriladi.

✔️Ushbu fazilatli oyda “Ramazon – saxovat, birdamlik va bag'rikenglik oyi” g'oyasi asosida quyidagilarga alohida e'tibor beriladi:

🔹ehtiyojmandlar hamda ilm-ma'rifat yo'lida izlanayotgan yoshlarga yordam berish bo'yicha tashabbuslarni qo'llab-quvvatlashga;

🔹oilaviy rishtalarni mustahkamlash, mahallalarda o'zaro tushunish va ishonch muhitini kuchaytirish hamda hurmat va mehr-oqibat qadriyatlarini tarannum etishga;

🔹atrof-muhitni asrash, muqaddas qadamjo, ziyoratgoh va qabristonlarni obodonlashtirish, ko'chatlar ekishga hamda Ramazon oyi bilan bog'liq tadbirlarda me'yorga amal qilish va isrofgarchilikka yo'l qo'ymaslikka.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️O'zbekistonda barcha shaxslar uchun din va e'tiqod erkinligi kafolatlanadi

🔰Konsepsiyaga ko'ra, O'zbekistonda diniy sohadagi davlat siyosati quyidagi asosiy prinsiplarga tayanadi:

▪️qonuniylik;
▪️vijdon erkinligi;
▪️dinning davlatdan ajratilganligi;
▪️tenglik;
▪️erkin tanlov;
▪️dinlararo muloqot va o'zaro tushunish.

✅ Vijdon erkinligi prinsipiga binoan O'zbekistonda barcha shaxslar uchun din va e'tiqod erkinligi kafolatlanadi.

🚫 Fuqarolar xohlagan dinga e'tiqod qilish, e'tiqodni o'zgartirish yoki hech qaysi dinga e'tiqod qilmaslik huquqidan erkin foydalanadi. Diniy qarashlarni yoki dinga e'tiqod qilmaslikni majburan singdirishga yo'l qo'yilmaydi.

📜 Fuqarolarning huquqlarini ularning muayyan diniy ta'limotga munosabatiga qarab cheklashga, to'g'ridan-to'g'ri yoki bilvosita ustunlik berishga, ularning diniy e'tiqodi mavjud yoki mavjud emasligi bilan bog'liq his-tuyg'ularini haqoratlashga yo'l qo'yilmaydi.

Kanalga ulanish👇👇👇
https://t.me/huquqiyaxborot_lotin