Sizni hozirgi holatingiz bu sizni rizqingiz. Yuzingiz, tanangiz, kiyimingiz, uyingiz, qizlaringiz yoki o'g'illaringiz, turmush o'rtog'ingiz-u, boshqa oila a'zolaringiz ham.
Kimdir bir biznes ochib zo'r bo'lib ketibdi, siz ham shunday boyib ketishni xohlab ochgan biznesingiz aynan unikidek bo'lmaydi.
Kimdirlar yaxshi o'qib chet elga ketdi, undan zo'r o'qisangiz ham siz ketolmasligingiz mumkin.
Qo'shningiz o'qishni a'lo baholarga tamomlab, yaxshi ishga joylashdi. Siz undan ham yaxshi o'qisangiz ham u ishga kirolmasligingiz mumkin.
Chunki bularning barchasi rizq, ularning peshonasiga yozilgani siznikida takrorlanmasligi tabiiy hol.
Kimdir bilan uning muvaffaqiyat cho'qqisi vaqtida tanishib olib, birdan o'sha cho'qqida paydo bo'lishga harakat qilish, unga taqlid qilish, huddi u qilgan ishni qilib, qaysi yo'ldan ketganini so'rashlikni o'zi yetmaydi.
Siz har doim o'zingiz bo'ling, kimdir qilgani uchun qilmang bir ishni.
O'zingiz xohlaganingiz uchun, sizga yoqqani uchun, ichingizdan kelgani uchun qiling.
Xasad ham taqlid ham qilmang.
Kim biladi, balki sizning rizqingiz, unikidan ham go'zalroqdir.
📎
