Gaplar ko‘p, lekin ba'zida sukut — eng dono javob. Chunki g‘urur tufayli juda ko‘p munosabatlar barbod bo‘ladi. Agar ikki inson bir-birini tushunmasa, kutishni bilmasa — unday munosabatning qadriga yetish qiyin. Har bir inson boshqasiga yetishish uchun o‘zidagi ayrim illatlarni yengishi, kamchiliklarini tan olib, o‘zgarishga tayyor bo‘lishi kerak.
Moslashish — bu zaiflik emas, balki sevgi, hurmat va ulkan maqsadlar yo‘lida qilinadigan kuchli qadamlardan biridir. Chunki chinakam tushunish va sabr bilan kutishgina yuraklarni birlashtiradi. Bu fikrni Sokrat emas, hayotining choragini yashab, hayotdan saboq olgan oddiy inson aytdi.
Va eng muhimi — agar o‘zgarishni istamasak, tushunishga intilmasak, sabrni unutib qo‘ysak, hayotda hech narsa o‘zgarmaydi. Har bir insonda g‘urur, nafs va ichki kurash bor — hech kim farishta emas. Ammo shunday bo‘lsa-da, barini boshqarib turgan bir Narsa bor — bu Allohning irodasi. Biz faqat yuramiz, ammo qadamlarimizni B nuqtaga yetkazuvchi — Uning rejasidir.
Rahmat!
