Temiryo'lchi.uz

Yangi yil bayramida necha kun dam beriladi.

▪️ 28 dekabr, shanba — haftasiga 6 kun ishlaydiganlar uchun ish kuni, 5 kunliklar uchun odatiy dam olish kuni;

▪️ 29 dekabr, yakshanba — barcha uchun odatiy dam olish kuni;

▪️ 30 dekabr, dushanba — 6 kunliklar uchun qo‘shimcha dam olish kuni, 5 kunliklar uchun 14 dekabr – shanba kunidan ko‘chirilgan dam olish kuni.

▪️ 31 dekabr, seshanba — Prezident farmoni asosida barcha xodimlar uchun qo‘shimcha dam olish kuni;

▪️ 1 yanvar, chorshanba  — Yangi yil bayrami, dam olish kuni;

2025-yil 2-yanvar kuni dam olish kuni bo'ladimi yoki ish kunimi bu haqida hali rasmiy ma'lumot e'lon qilingani yo'q.

Shunday qilib haftasiga 5 kun ishlaydiganlar kamida 5 kun, haftasiga 6 kun ishlaydiganlar esa kamida 4 kun dam olishadi.


👉 @temiryolchi_uz 👈

Quyidagi nosozliklardan bittasi bo’lganida ham, lokomotiv va motorvagon harakat tarkibini foydalanishga chiqarish man etiladi:

➖ Ovoz signalini uzatuvchi moslamaning nosozligi;

➖ Pnevmatik, elektrpnevmatik, qo’l tormozlari yoki kompressorlarning nosozligi;

➖ Tortish elektr dvigatelining bittasi o’chganida yoki nosozligida;

➖ Harakatlanish keltirmasining nosozligi;

➖ Dizel sovutgichi ventilyatori, tortish elektr dvigateli, to’g’rilash moslamasining nosozligi;

➖ Avtostop, avtomatik lokomotiv signalizatsiya yoki mashinist hushyorligini tekshirish qurilmasining nosozligi;

➖ Tezlik o’lchagich va qayd qilish qurilmasining nosozligi;

➖ Poezd va manevr radio aloqa qurilmalarining nosozligi;

➖ Avtotirkama qurilmalarining nosozligi;

➖ Qum berish tizimining nosozligi;

➖ Projektor, bufer chirog’i, yoritish, nazorat qilish yoki o’lchash moslamasining nosozligi;

➖ Xomut, ressor osma yoki ressora o’zak listidagi darz ketish, ressor listining sinishi;

➖ Buksa korpusidagi darz;
buksa yoki motor-o’qli podshipnik nosozligi;

➖ Konstruksiyada ko’zda tutilgan yo’llarga detal tushishidan himoyalovchi qurilmaning yo’qligi yoki nosozligi;

➖ Tortuvchi tishli uzatmaning bitta tishining darz ketishi yoki sinishi;

➖ Moyninng sizib chiqishiga olib keluvchi tishli uzatma kojuxining nosozligi;

➖ Yuqori voltli kameraning himoya blokirovkasi nosozligi;

➖ Pantografning nosozligi;
o’t o’chirish vositalarining nosozligi;

➖ Qisqa tutashuv toklari va kuchlanishning ortib ketishidan himoyalovchi qurilmalar, dizelning avariya to’xtashi qurilmalarining nosozligi;

➖ Dizelda taqillash va begona shovqinning paydo bo’lishi;

➖ Ta’minlash moslamasi, muhofazalovchi klapan, suv ko’rsatish moslamasidagi nosozliklar;

➖ Elektr uskunalarida muhofazalovchi kojuxlarning yo’qligi, akkumulyator batareyalari nosozliklari.

Manba: O'zbekiston Respublikasi Temir Yo'llaridan texnikaviy foydalanish qoidalari.


👉 @temiryolchi_uz 👈

Jarohatlangan odamda tashqi qon ketganda birinchi yordam ko‘rsatish.

➡️ Jarohat siqiladi;

➡️ Shikastlangan qo‘l yoki oyoqni balandroq ko‘tariladi;

➡️ Jabrlanuvchini orqasi bilan yotqiziladi;

➡️ Bosib turuvchi bog‘lam qo‘yiladi;

➡️ Shokka qarshi chora qo‘llaniladi.

✅ Arterial qon ketishida arteriyani barmoq bilan bosish uslubi arterial qon ketishini to‘xtatishning bir usulidir. Uni jarohatni bevosita bosish bilan birga qo‘llaniladi. Bu usulda birinchi yordam ko‘rsatayotgan odam o‘z qo‘li bilan arteriyani shikastlangan joydan yuqoriroqdan bosadi. Arteriyaning barmoq bilan bosiladigan nuqtalari ko‘p, lekin ikki asosiy: yelka va son arteriyalarini eslab qolish kerak. Bu ishni kamida o‘n minut davomida qilish zarur. Buning asosiy kamchiligi shundaki, yordam ko‘rsatayotgan odam bu vaqt ichida boshqa ish qila olmaydi.


👉 @temiryolchi_uz 👈

❗️Talabalarga qishki ta’til 25 dekabrdan boshlanadi.

O‘zbekistondagi barcha oliy ta’lim muassasalari talabalari, texnikum, kollej, kasb-hunar maktabi va akademik litseylar o‘quvchilariga 2024 yilning 25-dekabridan 2025 yilning 7-yanvariga qadar (shu kuni ham) joriy o‘quv yili uchun qishki ta’til beriladi.


👉 @temiryolchi_uz 👈

Poezdlar harakati bilan bog’liq bo’lgan signalizatsiyada quyidagi asosiy signal ranglari qo’llanadi:

yashil – belgilangan tezlikda harakatlanishga ruxsat etuvchi;

sariq - harakatlanishga ruxsat etib, tezlikni kamaytirishni talab etuvchi;

qizil – to’xtashni talab etuvchi.

Manyovr ishlaridagi signalizatsiyada, bundan tashqari, quyidagi ranglar qo’llaniladi:

oydin-oq - manyovrlarga ruxsat etuvchi;

ko’k – manyovrlarni taqiqlovchi.

Signallarni anglashga xalaqit beradigan va buzib ko’rsatadigan bezak polotnolar, plakatlar, qizil, sariq va yashil rangdagi chiroqlarni o’rnatish taqiqlanadi.

Manba: O'zbekiston Respublikasi Temir Yo'llaridan texnikaviy foydalanish qoidalari.


👉 @temiryolchi_uz 👈

Xitoy-Qirg‘iziston-O‘zbekiston temir yo‘li qurilishi 2024-yil 27-dekabrda boshlanadi.

Bu haqda Qirg‘iziston prezidenti Sadir Japarov Xalq qurultoyidagi nutqi davomida ma’lum qildi.

“Uzoq vaqtdan beri faqat rejada boʻlgan Xitoy-Qirgʻiziston-Oʻzbekiston temir yoʻli qurilishi loyihasi nihoyat amalga oshirila boshlandi.  Biz uni birinchi marta amalga oshirishni boshlaganimizda, ko'pchilik muvaffaqiyatga ishonmadi, hatto uni ertak deb masxara qilishdi.  Bugun hamma bu ertak emas, voqelik ekanligiga ishonch hosil qildi”,

— dedi Qirgʻiziston prezidenti.

Uning soʻzlariga koʻra, ushbu temir yoʻl Sharq va Gʻarb oʻrtasidagi strategik koʻprik boʻlib, savdo, turizm va sanoatni rivojlantirish uchun yangi istiqbollarni ochib beradi.

Loyihaga koʻra, temir yoʻl yoʻnalishi togʻli hududdan oʻtib, Qashgʻar, Torugart, Makmal, Jalolobod va Andijonni bogʻlaydi.  Chiziqning umumiy uzunligi 486 kilometrni tashkil qiladi.

Loyiha nafaqat O‘zbekiston va mintaqaning boshqa mamlakatlari uchun eksport-import aloqalarini mustahkamlash, balki yangi tranzit yo‘nalishlarini yaratishni ham nazarda tutadi.  Temir yo‘l Markaziy Osiyoga Xitoy orqali Tinch okeaniga, Xitoyga esa Fors ko‘rfazi mamlakatlariga chiqish imkonini beradi.

Temir yo‘lni rivojlantirish va qurish ishlari Xitoyning China Railway International kompaniyasi tomonidan amalga oshiriladi.

Loyihani amalga oshirish uchun Qirg‘izistonda ro‘yxatdan o‘tgan “Xitoy-Qirg‘iziston-O‘zbekiston” temir yo‘l kompaniyasi qo‘shma korxonasi tashkil etildi.  Xitoy tomoni kompaniya aksiyalarining 51 foiziga, Qirg‘iziston va O‘zbekiston esa 24,5 foizdan ulushga ega.


👉 @temiryolchi_uz 👈

INSHOOT VA QURILMALAR. GABARIT

➡️ Ikki yo’lli liniyalarning peregonlaridagi yo’l o’qlari orasidagi masofa to’g’ri uchastkalarda 4100 mm dan kam bo’lmasligi kerak.

➡️ Uch yo’lli va to’rt yo’lli liniyalarning to’g’ri uchastkalarida ikkinchi va uchinchi yo’llarning yo’l o’qlari orasidagi masofa 5000 mm dan kam bo’lmasligi kerak.

➡️ Stansiyalarda to’g’ri uchastkalarda qo’shni yo’llarning yo’l o’qlari orasidagi masofa 4800 mm dan, ikkinchi darajali yo’llar va yuk rayonlari yo’llarida 4500 mm dan kam bo’lmasligi kerak. Stansiyalarda asosiy yo’llar chetda joylashganida DATK boshgaruvi raisi ruxsati bilan ular orasidagi masofa 4100 mm bo’lishiga yo’l qo’yiladi.

➡️ Bevosita yuklarni vagondan vagonga ortish uchun qo’llaniladigan yo’llarda yo’l o’qlari orasidagi masofa 3600 mm bo’lishiga yo’l qo’yiladi.

Manba: O'zbekiston Respublikasi Temir Yo'llaridan texnikaviy foydalanish qoidalari.


👉 @temiryolchi_uz 👈

Quyidagi nosozliklarning bittasi bo’lgan taqdirda ham strelka o’tkazgichlaridan va berk kesishuvlardan foydalanish taqiqlanadi:

1⃣ Strelka ostryaklari va qo’zg’aluvchan o’zakli krestovinaning tortish tirsaklaridan ajralishi;

2⃣ To’mtoq krestovinaning o’zagi va ostryak orasida birinchi tortish tirsagi qarshisida, uchli krestovina o’zagida esa o’zak tig’ida strelkaning yopiq holatida o’lchanadigan ostryakning rama relsidan, qo’zg’aluvchan o’zakli krestovinaning usovikdan 4 mm va undan ko’p ortda qolishi;

3⃣ Grebenning ostryakka yoki qo’zg’aluvchan o’zak ustiga chiqib qolish xavfini tug’diruvchi, ostryak yoki qo’zg’aluvchan o’zakning quyidagi uzunlikdagi edirilishi:
➖ asosiy yo’llarda 200 mm va undan ortiq,
➖ qabul qilish-jo’natish yo’llarida 300 mm va undan ortiq,
➖ stansiyaning boshqa yo’llarida 400 mm va undan ortiq;

4⃣ Ostryak kallagining yoki qo’zg’aluvchan o’zakning ustki kengligi 50 mm va undan ortiq bo’lgan kesimida o’lchanadigan ostryakning rama relsi qarshisida yoki qo’zg’aluvchan o’zakning usovik qarshisida 2 mm va undan ortiq pasayishi;

5⃣ Krestovina o’zagining ishlovchi sathi va kontrrels kallagining ishlovchi sathi orasidagi masofa 1472 mm dan kam bo’lganida;

6⃣ Kontrrels kallagi va usovikning ishlovchi sathlari orasidagi masofa 1435 mm dan katta bo’lganida;

7⃣ Ostryak yoki rama relsining sinishi;

8⃣ Krestovina (o’zak, usovik yoki kontrrelsning) sinishi;

9⃣ Bir boltli vkladishda kontrrels boltining yoki ikki boltli vkladishda ikkala boltning uzilishi.

Rama relslari, ostryaklar, usoviklar va krestovina o’zaklarining vertikal edirilishi, edirilish me’yorlardan o’tib ketgan vaqtda, ulardan foydalanish tartibi DATK tegishli yo’riqnomasi bilan o‘rnatiladi.

Manba: O'zbekiston Respublikasi Temir Yo'llaridan texnikaviy foydalanish qoidalari.


👉 @temiryolchi_uz 👈