Ayolingiz uchun ideal erkak bo'la olmasangiz ham, qizingiz uchun harakat qiling. Uning qahramoni, birinchi va ohirgi muhabbati siz bo'ling.

Dada deb tili chiqsin-u, umrini ohirigacha dadam, dadam deb yashasin. Qalbiga boshqa erkak kirishidan avval, siz bilan taqqoslab ko'rsin.

Qizimizni mehrga ko'mib qo'ying-ki, boshqa erkaklarning yolg'on mehru muhabbatiga uchib ketmasin. Haqiqiy ideal erkakni tarbiyasini ko'rib ulg'aysin-u, ko'ziga boshqa erkaklar chiroyli bo'lib ko'rinmasin.

Bir kun kelib, menga "ona menga eng katta qilgan yaxshiligingiz — to'g'ri otani tanlaganingiz" deb rahmat ayta olsin. Yoshi yetib, turmush quradigan payti kelganda, sizdek erkak uchrashini xohlasin.

Birovlarning otasiga havas qildirib qo'ymang qizimni. Shu qadar sevingki, sizning sevgingizga hiyonat qilishdan qo'rqib, notog'ri yo'llarga qadam bosa olmasin.

Shunday otalik tarbiyasini beringki, Jannatlarda toj kiydiradigan, ikki dunyoda faqat rahmat olib beradigan farishtadek bo'lib kamolga yetsin. Shu qadar ishonch beringki, orzu va harakat qilishdan toxtamasin.

Qiz farzand kelajagi uchun otaning mehri, sevgisi, tarbiyasi, e'tibori, xulq atvori, aqlu zakovati eng muhim omillar hisoblanadi. Men uchun emas, qizimiz uchun har tomonlama o'sib ulg'aying 💙

~ for my hubby